04:33 28 Цәыббра 2021
Ишиашоу ицо аефир
  • USD72.66
  • EUR85.04
Афотосахьақәа

Аԥсуа анхашәа-чашәаҿ ихы иаирхәоз амаҭәарқәа Бзыԥтәи аҩхааҿ рхатә ҭыԥ шааныркылаз

Икьаҿу ахьарԥш аиура
44 0 0
© Sputnik / Томас Тхайцук
"Аԥсуа иашҭа" злаҩычоу аҵиаа иаҵәа иагәыларсоуп аԥсуаа ажәытә рыбзазара-нхаратә мыругақәа.

Бзыԥ аҩхааҿы иҟоу ақьафурҭа аҩнуҵаҟа еиҿкаауп ахатәы музеи. Арахь иааиуа асасцәа ирзеиҭарҳәоит аԥсуаа ҳҵас-ҳқьабз, ҳанхара-ҳанҵыра уҳәа ҳабзазашьа иадҳәалоу зегьы.

Бзыԥтәи аҩхааҿ иҟоу "Аԥсуа иашҭа" уанынҭалалак, иаразнак улаԥш нарықәшәоит жәытәнатә аахыс хҵас-ҳқьабз шьаҭас измоу, иахьа ажәытәра иагарц згәы иҭоу, аха уи еиқәырханы , еиҷаҳаны иӡыргоу аԥсуа жәытә нхаратә мыругақәа.

Араҟа иҟоуп: ауардын, акалаҭ хәыҷқәа, амҵышә хәыҷқәа, ачана,  иахьа ахархәара змам аеҳәа, акәапеи, ажәытә уанҭа, абҩатә чуанқәа. Иара убас аԥсуа инхара инҵыра зегь ахьаарԥшу амакьет. Араҟа игылоуп акәаскьа инаркны акәтҵара аҟынӡа анхаҩы имаз ахыбрақәа зегьы.

Арахь иааиуа хыԥхьаӡара рацәала асасцәа ирзеиҭарҳәоит, иарбан маҭәарзаалак иамоу аҵакы атәы, уи рхы ишадырхәоз ҳабацәа, ҳабдуцәа.

"Аныҟәарақәа мҩаԥызгоишьҭеи, сара дсықәымшәацт азҿлымҳара аазмырԥшыз аӡәы. Даара интересс икны иазыӡырҩуеит иазҵаауеит амаҭәарқәа закәу, излыху, шаҟа шықәса рхыҵуа", - ҳәа иҳәоит аԥшәма Мурман Ԥкьын.

Иҵегь афотосахьақәа

Ихадоу атемақәа