Афотосахьақәа

Ашықәс ҿыц зыда ухаҿы иузаамго атрибутны иԥхьаӡоу аԥсуа мандаринақәа рҿыхра иасакьаҳәымҭоуп уажәааны. Sputnik афотолентаҟны ишәыдаагалоит уи апроцесс шымҩаԥысуа аазырԥшуа асахьақәа.

Ҭагалан Аԥсны акырӡа ибеиан еиуеиԥшым ахҭысқәа рыла.

Фазиль Искандер ихьӡ зху Аурыс драматә театр аҿы идырбаy Карл Гальдони иҩымҭала ақәыргыламҭа "Кьоџьаа рҭыӡшәа".

Абҵара 6, 1978 шықәсазы Аԥсуа телехәаԥшра аефир ахь аҭыҵра иалагеит, уи ахҭыс аахыижьҭеи иҵуеит 40 шықәса.

Аԥсны ҭагалан ажь иаамҭаны иԥхьаӡоуп. Аԥсуа қыҭақәа рҟны иубар улшоит еиқәаҵәаҳҳараӡа иҟалахьоу ажьыргәыцқәа ишрылырхуа еилаччо аҩы.

Жьҭаара 14 рзы Лыхнашҭа имҩаԥысыз аҽаҩраҭагалара аныҳәа иалахәын Гәдоуҭа араион ақыҭақәа 20 инареиҳаны.

Аԥсны Аиааиреи Ахьыԥшымреи рныҳәамш 25 шықәса ахыҵра аҽны Москва, апарк "Красная пресня" аҟны имҩаԥысит аԥсуа культуреи абзазашьеи инеиҵыхны иаазырԥшуаз афестиваль "Аԥсны".

Аиааиреи Ахьыԥшымреи 25-шықәса рхыҵра иазку Аиааира апарад иалахәуп 1,5-нызқьҩык рҟынӡа аруааи шәкы инареиҳаны арратә техникеи, ахархәара рыҭоуп авертолетқәа МИ-8, МИ-24, ажәыларатә ҳаирпланқәа Л-39.

Жәларбжьаратәи атурнир "Аԥсны ахада ихраҿа" мҩаԥысит Бзаԥҭаҭәи аҽырҩырҭаҿы.

Ашәарыцацәеи аԥсыӡкцәеи рреспубликатә еилазаара имҩаԥнагеит ашәарыцалақәа рцәыргақәҵа Аҟәа, цәыббрамза 15 рзы. Ацәыргақәҵахь инаган 30 рҟынӡа ла.

Аԥсны аԥыза-министр Геннади Гагәылиа иқыҭа гәакьа Лыхны анышә дамардеит цәыббрамза 12 рзы.

Аҳәынҭқарратә ансамбль "Ингушетия" аконцерт мҩаԥысит Ингәыштәыла амшқәа Аԥсны рымҩаԥысра аҳәаақәа ирҭагӡаны.

Аԥсны ашьхагәарақәа рыҟны ацхаԥшра аамҭа хдырқәшеит. Ашьхара иҟаҵоу ацха шырыԥшуа шәҳарбарц азы Sputnik аҭааит Риҵатәи аҳәарԥсарра аҟны игылоу ашьхымзагәара.

Аӡҩыбжьа ақыҭан арԥхарҭақәа рҟны ауҭраҭых, акарпыжә, ашьынка реизгара иаамҭоуп.

Аԥсны Аҳәынҭқарратә бираҟ ажәлар ирныҳәа иашаҵәҟьаны иҟалеит. Еиҳарак иара бзиа ирбоит аҿар, ахәыҷқәа.

Асахьаҭыхыҩ Аслан Нанба Sputnik акорреспондент Бадри Есиава изеиҭеиҳәеит аҟазараҿы дызнысыз имҩа атәы.

Аԥснытәи ашколқәа 156 рҟны игеит аушьҭымҭацәа рзы аҵыхәтәантәи аҵәҵәабжьы.

АҶА аусзуҩцәеи, атехникеи ргәаҭара мҩаԥысит Аҟәа.

Очамчыра араион Кәтол ақыҭан ааԥыни аџьеи рымшныҳәа Маи акы аҽны имҩаԥысит аҽыспорттә еиндаҭларақәа. Арахь иааит ареспублика зегь аҟынтәи абри аспортхкы абзиабаҩцәа.

Амбаратәи абааши уи аҩнуҵҟа иҟоу ауахәамеи инҭкааны аҭоурыхҭҵааҩцәа иҭырымҵааӡацт, аха иҟоуп ари аус зыстудентә ԥсҭазаара инаркны акурстә усумҭақәа азызкхьоу, ауахәама архитектура ҭыӡҵаауа.