Ажурналист, апублицист, ашәҟәыҩҩы, аҵарауаҩ Екатерина Бебиаԥҳа лышәҟәы "Аҳаракырахь амҩа" аӡыргара мҩаԥган Sputnik апресс-центр аҿы. Ашәҟәы автор иазгәалҭеит, лџьабаа алҵшәа анылбо амш ныҳәак аҳасабала ишлыдылкыло.

Гал араион ахада инапынҵақәа назыгӡо Омар Бганба арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит ақалақь амш шазгәарҭаз атәы.

Ԥхынгәы 20, 1935 шықәса рзы диит апоет, апрозаик, афилологиатә ҭҵаарадыррақәа ркандидат, ауаажәларратә усзуҩ Борис Гәыргәлиа. Ашәҟәыҩҩы, адраматург Анзор Мықәба арадио Sputnik аефир аҿы Борис Гәыргәлиа дигәалаиршәо, иҳәеит насыԥны ишиԥхьаӡо уи аус ицура ахьиаҭәашьахаз.

40 шықәса раԥхьа Москва имҩаԥысыз Аолимпиада Аԥснынтә иалахәыз, уи зыблала избаз маҷҩым. Аолимпиадаҿы ҭырџьманк иаҳасабала аус зуаз Аԥсны аҭҵаарадыррақәа Ракадемиа академик Заур Шьалашьаа арадио Sputnik аефир аҿы еиҭеиҳәеит аспорттә еицлабра ду дшақәшәаз атәы.