Микрофон  - Sputnik Аҧсны
Арадио

Бараҭелиа ашәахтә аҭышәныртәаларазы аԥсахрақәа ирызкны: араионқәа рзы акраҵанакуеит

© SputnikАслан Барателия
Аслан Барателия - Sputnik Аҧсны
Анапаҵаҩра
Жәлар Реизара аилатәараҿы ахашәалазы ашәахтә алхразы аԥсахрақәа аланагалеит. Апроект азырхоуп араионқәа ршәахтәлшара аизырҳара. Уи араионқәа лшарас ирнаҭо атәы арадио Sputnik аефир аҟны еиҭеиҳәеит Гәылрыпшь араион ахада Аслан Бараҭелиа.

Ԥхынҷкәын 9 рзы Аԥсны Апарламент аҿы рыбжьы рҭиит Аԥсны аиҿкаарақәа рхашәалазы ашәахтә аҭышәныртәаларазы азакәанԥҵаратә актқәак рыԥсахразы. Уаанӡа ашәахтә 50/50 ҳәа ишон. Уажәы иааизакны аҭыԥантәи ахаланапхгараҭаратә усбарҭақәа ирызцоит, неиуеит аҭыԥантәи абиуџьет. Ахәцҵазы ашәахтә, уи аԥхьа иара араионқәа зегьы рҟны еиԥшымызт, уажәы ишеибгоу ареспубликатә биуџьет ахь инеиуеит.

Бараҭелиа ашәахтә аҭышәныртәаларазы аԥсахрақәа ирызкны: араионқәа рзы акраҵанакуеит

"Ахашәалазы ашәахтә еихшаны иҳаман, абжа ҳара ҳҟны иаанхон, абжа ареспубликатә биуџьет ахь ицон. Уажәшьҭа иааиуа ашықәс азы 100 процентк араион аҟны иаанхартә иҟалоит. Планла ианеихушалак, х-миллионки бжаки ҳауан, иара ус 7 миллионн мааҭ ыҟан. Сынтәа 14 миллион мааҭ ҭанагалеит. Ари азакәан сынтәа ахархәара амазҭгьы, урҭ аԥарақәа зегьы ҳбиуџьет иҭалон. Жәаҳәарада, 6-7 миллион мааҭгьы араион азы акрызҵазкуа усуп. Ҽаангьы ҳаплан злаҟоу ала ахашәала ҳауп ҳәа агәрагара сымоуп", - иҳәеит Бараҭелиа.

Иара убас шәаԥхьар ҟалоит:

Ажәабжьқәа зегьы
0