Арадио

Аҭара акыҭан зхатә наплакы "Асыӡбал" еиҿкааны измоу Камила Кәыҵниаԥҳа арадио Sputnik аефир аҟны еиҭалҳәеит аԥхьаҟатәи лыгәҭакқәа ртәы.

Мықә ақыҭа ахада Гәырам Ҭарба арадио Sputnik аефир аҟны еиҭеиҳәеит Мықәашҭа аныҳәа шымҩаԥгахо рқыҭаҟны.

Афонд "Аидгылара ацҳа" алахәыла Аира Қапԥҳа арадио Sputnik Аԥсны аефир аҟны еиҭалҳәеит афонд инанагӡо апроектқәа ртәы.

Аԥсны ашьапылымпыл аҟны ишьақәгылаз аҭагылазаашьа инарҭбааны иҭызҵаауа акорреспондент Бадраҟ Аҩӡба арадио Sputnik аефир аҟны уи азҵаара дазааҭгылеит.

Искандер ихьӡ зху Аурыс драматә театр актиор, арежиссиор Џьамбул Жорданиа арадио Sputnik аҟны еиҭеиҳәеит Островски ипиесала ақәыргыламҭа аналырхуаз хықәкыс ирымаз атәы.

Аҳәынҭқарратәи ауаажәларратәи усзуҩ Валери Аршба иира амш аҽны арадио Sputnik Аԥсны дсасны даҭан. Валери Шьалуа -иԥа иахьа 70 шықәса ихыҵит.

"Иаку абилеҭ" ахәԥса: "Шәача – Гагра" - 380 мааҭ, "Шәача - Пицунда" - 420 мааҭ, "Шәача - Гәдоуҭа" - 460 мааҭ, "Шәача - Афон ҿыц" - 520 мааҭ, "Шәача - Аҟәа" - 560 мааҭ. Уаныхынҳәуа ахәԥса шыҟоу иаанхоит.

Амҵәышәымпыл азы Аԥснытәи акоманда ахәмарҩы Давид Бигәаа арадио Sputnik аефир аҟны дазааҭгылеит Аҟәа имҩаԥгаз атурнир алҵшәақәа, ҳахәмарыҩцәа уи шрыдыркылаз.

Аԥсны Алхратә комиссиа хада ԥаса напхгара азҭоз Виачеслав Цыгәба арадио Sputnik аефир аҟны игәалаиршәеит 20 шықәса раԥхьа ҳтәылаҟны имҩаԥгаз жәлары зегьы злахәыз абжьыҭара амҩаԥгара шеиҿкааз.

Аҭара акыҭан зхатә наплакы "Асыӡбал" еиҿкааны измоу Камила Кәыҵниаԥҳа арадио Sputnik аефир аҟны еиҭалҳәеит сынтәа абҳәаса аҽаҩра зеиԥшраз, шаҟа тонна рҟынӡа лнаплакаҟны иадыркыр рылшо.

Иорданиатәи аиҿкаара "Диуан Абаза" ахықәкыи уажәтәи Аԥсныҟа раара зыдҳәалоуи арадио Sputnik аефир аҟны еиҭеиҳәеит ҳџьынџьуаҩ Ҳасан Абаза (Чичба).

Арахә ишәарҭоу ачымазарақәа рацәыхьчаразы шықәсык ахь ҩынтә алаҵақәа рымҩаԥгара аҭахуп ҳәа азгәеиҭеит арадио Sputnik аҟны Аԥсны аветеринартә маҵзура аиҳабы Роман Џьапуа.

Гәдоуҭа араион ақыҭанхамҩа аҟәша аиҳабы Иура Кәарцхьиа арадио Sputnik Аԥсны аефир аҟны иҳәеит Лыхнашҭа сынтәа ҽаҩраҭагалара аныҳәа анымҩаԥысуа, рыҽшазыҟарҵо.

Аԥсны Аџьынџьтәылатә еибашьраан Гагра араион ахақәиҭтәразы ажәылара арадио Sputnik аефир аҟны игәалаиршәеит Пицундатәи абаталион Лӡаатәи арота адҵаҟаҵаҩ Џьон Дбар.

Sputnik аколумнист Есма Ҭодуаԥҳа арубрика "Жәлар рдоуҳа" аҿы дрылацәажәеит аҿар ақыҭаҿы аанхара зырҭахым мзызқәа.

Тҟәарчал араион Аҟәарчаԥан ақыҭан инхо Гьаргь Манаргиа арадио Sputnik аефир аҟны еиҭеиҳәеит сынтәа иџьықәреи аҽаҩра зеиԥшроу атәы.

Аԥсны Аџьынџьтәылатә еибашьра аветеран, Леон иорден занашьоу Ҭемыр Ӡиӡариа арадио Sputnik аефир аҟны дихцәажәеит Аиааира Ахьԥшымреи рымшныҳәа аҽны Аҟәа зыԥсҭазаара иалҵыз, хатәгәаԥхарала аԥсуа жәлар рыхьчаразы Ҟабардантәи еибашьра иааз Муҳамед Ҟәышхов.

Шьамтәыла аганахьалатәи асанкциақәа еиларгеит ҳәа мзызс иҟаҵаны Еиду Америкатәи Аштатқәа афинансқәа рминистрра аԥкырақәа аланагалеит Урыстәыла аилахәырақәеи, атәылауааи рганахь ала, ари ахҭыс ахҳәаа рзыҟалҵеит аполитолог Далила Ԥлиаԥҳа.

Аԥсны аҵиаақәа рзы аҳәынҭқарратә карантинтә хылаԥшра аспециалист хада Анзор Вартагаа арадио Sputnik аефир аҟны еиҭеиҳәеит аҵиаақәа аԥхасҭа рызҭо ахәаҷақәа рганахьала аҭагылазаашьа зеиԥшроу аилкааразы лшарақәас ирымоу атәы.

110 шықәса раԥхьа диит Аԥсуа драматә театр актриса, Аԥсны Жәлар рартистка Минадора Зыхәԥҳа. Аҟазараҭҵааҩ Светлана Корсаиаԥҳа арадио Sputnik Аԥсны аефир аҿы еиҭалҳәеит Минадора Зыхәԥҳа лара лгәалашәараҿы дшаанхаз атәы.