Аспорт

Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

Зхы иақәиҭу аиқәԥареи абырзен-аурым қәԥареи рфедерациа аихшьаалатә-алхратә конференциа мҩаԥысит ԥхынгәы 31 рзы.

Аԥсны аԥкьаҭасратә федерациа раԥхьатәи ахада Салыбеи Арӡынба игәалашәара иазкыз Аԥкьаҭасразы ареспубликатә турнир мҩаԥысит ԥхынгәы 24 - 30 рзы.

Изаамҭанытәиу 27-тәи ачемпионати Атәыла ахраҿеи рзы 2019 шықәса рзы иҟалараны иҟаз ачемпионат афинанстә проблемақәа ирыхҟьаны 2020 шықәсазтәи ааԥынрахь ииаган, анаҩс апандемиа иахырҟьаны аԥхынрахь ииаган.

Ԥхынгәы 15-21 рзы имҩаԥысуаз аҟәатәи агәарԥ-командақәа 10 злахәыз ашьапылампыл маҷ азы аицлабрақәа хыркәшахеит.

Ԥхынгәы 22 азы адунеи зегь аҿы иазгәарҭоит Жәларбжьаратәи абокс амш. Абри амш азы Аԥсны имҩаԥыргоит Гьаргь Блаб игәалашәара иазку атурнир.

1980 шықәса ԥхынгәымзазы имҩаԥысыз аԥхынтәи Аолимпиатә хәмаррақәа сынтәа 40 шықәса рхыҵуеит. Аспорттә хҭыс ду Аолимпиатә еиҿкаара аҭоурых аҿы иналукаауа иаанхеит.

Афестиваль "Abkhazia Open-2020" мҩаԥысраны иҟоуп Аҟәа, Карпов ихьӡ зху ашахматтә школ аҿы.

Аԥқьаҭасразы ареспубликатә турнир аиааирагаҩцәа агәалашәаратә ҳамҭақәеи аҳаҭыртә шәҟәқәеи рыҭахоит.

Жәларбжьаратәи ашахматасыҩ имш есышықәса иазгәарҭоит ԥхынгәы 20 рзы 1966 шықәса раахыс, Адунеизегьтәи ашахматтә федерациа FIDE) аӡбрала.

Виктор Санеев – аспорт аҭоурых аҿы иараӡәк иоуп урыла хынтәтәи аԥаразы хынтәтәи олимпиатә чемпионы иҟалахьоу. Иара иреиӷьу ҳәа далкаан 1968, 1972, 1976 шықәсқәа рызтәи Аолимпиадақәа раан, 1980 шықәса рзы Москва Виктор Санеев араӡны медал иҽаԥсеитәит.

СССР аспорт азҟаза Леонид Аргәын ихьӡ зху анапылампыл азы ареспубликатә турнир мҩаԥысуан ԥхынгәы 17-19 рзы Гәдоуҭа ахәыҷы-қәыԥштә школ аҿы.

Ԥхынгәы 18 рзы Краснодар имҩаԥысуаз аҽырыҩра "Арабтә дерби" иалахәын Аԥснынтәи аҽҵарақәа фба.

Атурнир иалахәуп акомандақәа ааба: Очамчыра, Тҟәарчал, Гагра, Гәдауҭа, Аҟәа араионқәеи Аԥсны иҟоу Урыстәыла АШәМ Аҳәаахьчаратә усбарҭеи ркомандақәа.

Ачемпионат иалахәхоит Аԥсны ақалақьқәеи араионқәеи рҟынтәи акомандақәа ааба. Ари акарантинаамҭа ашьҭахьтәи раԥхьатәи массалатәи спорттә уснагӡатәуп.

Хышықәса рыҩнуҵҟа Аҟәа амшын аҿы аӡсаразы аицлабрақәа мҩаԥыргоит. Дара ирылахәхар ҟалоит адуцәагьы, ахәыҷқәагьы. Ииасыз аԥхынразы имҩаԥысуаз аицлабрақәа ирылахәын 150-ҩык.

Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.

Аԥсны Аолимпиатә еилакы ахантәаҩы Валери Аршба арадио Sputnik аефир аҟны игәалаиршәеит 1980 шықәсазы Москва имҩаԥысуаз Аԥхынтәи Аолимпиатә хәмаррақәа, урҭ рҟны Аԥсны алагала атәы, убасгьы иҳәеит аспорт аҿиаразы лшарақәас иҟоу, хымԥада иҟаҵатәу.

Аҿари аспорти русқәа рзы Аҳәынҭқарратә еилакы аиҿцәажәарақәа мҩаԥнагоит Урыстәыла имҩаԥысуа жәларбжьаратәи атурнирқәеи аиҩызаратә хәмаррақәеи Аԥснытәи акоманда алахәразы.

Хәажәкыра анҵәамҭазы ицәырҵит аинформациа ашьапылампыл азы адунеи ачемпионат ConIFA-2020 акоронавирус иахырҟьаны иҟалом ҳәа.