Аԥсуа ҭоурыхҭҵааҩцәеи археологцәеи раԥшьгаратә гәыԥ апроект "Аԥсуа Баагәара ду аҭоурых" иацырҵоит. Sputnik акорреспондентцәа ажәабатәи аекспедициа иалахәын.

Аԥсуаҭҵааратә институт археологиа аҟәша аҭҵаарадырратә усзуҩ еиҵбы, Аԥсны акультуреи аҭоурых-культуратә ҭынха ахьчареи рминистрра аусзуҩ Шандор Ҟаитан арадио Sputnik аефир аҿы еиҭеиҳәеит Аԥсуа баагәара ду абаашқәа рышьақәгылашьа, урҭ ҵакыс ирымаз.

Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара раҳҭоит, алкаа рзыҟаҳҵоит.

Аԥсуаҭҵааратә институт аҭҵаарадырратә усзуҩ еиҵбы, Аԥсны акультуреи аҭоурых-культуратә ҭынха ахьчареи рминистрра аусзуҩ Шандор Ҟаитан арадио Sputnik аефир аҿы еиҭеиҳәеит "Аԥсуа баагәара ду аҭҵаара" апроект иҭагӡаны иарбан усурақәоу имҩаԥгахо.

Аԥсуа баагәара ахәҭақәак рҟны имҩаԥгаз аҵыхәтәантәи археологиатә ԥшаарақәа ирылҵшәаны иалшоит абаагәара заатәи абжьарашәышықәсақәа раан иргылан ҳәа аҳәара.