Аԥсны ахада дидикылеит адунеи ачемпион Денис Царгәыш

© Sputnik / Виталий Белоусов / Амедиаҵәахырҭахь аиасраВольная борьба. Чемпионат мира 2010. Мужчины
Вольная борьба. Чемпионат мира 2010. Мужчины - Sputnik Аҧсны
Анапаҵаҩра
Аԥсны ахада дидикылеит зых иақәиҭу ақәԥаразы хынтәны адунеи ачемпион Денис Царгәыш.

АҞӘА, жьҭ 16 — Спутник Аԥсны. Рауль Ҳаџьымбеи Денис Царгәыши раԥхьа еидныҳәалеит. Аԥсны Ахада Денис Царгәыш идиныҳәалеит Адунеи Ачемпионат аҿы иигаз аиааира, наҟ-наҟгьы ақәҿиарақәеи агәабзиареи изеиӷьаишьеит. Денис Царгәышгьы иара иганахь ала Рауль Ҳаџьымба Аԥсны Ахадас дахьалырхыз идиныҳәалеит.

Анаҩс Аԥсны Ахадеи хьӡи-ԥшеи згым аспорстмени алацәажәеит Аԥсны аспорт аҭагылазаашьа. Аԥсны Ахада ишазгәеиҭаз ала, ҳтәылаҿы ирацәаҩуп аҿар аспорт занааҭс ишьҭыхны знапы алазкырц зҭаху, урҭ рзы иаԥҵатәуп аҭагылазаашьа.

 

 

 

 

 

Рауль Хаджимба
Рауль Хаджимба  - Sputnik Аҧсны
Рауль Хаджимба

 

«Аҿар ииашаҵәҟьаны рҽадцалан аспорт рҽазыҟарҵо иалагар, уи дара рымацара ракәӡам иззеиӷьхо, ҳара ҳҳәынҭқаррагьы иазеиӷьхоит. Убри азы ауп Аԥсны аспорт аҿиара ҳус хадақәа зегьы раԥхьа изҳаргыло»,- инаҵшьны иазгәеиҭеит Рауль Ҳаџьымба. Арҭ азҵаарақәа рҿы иара иажәақәа рыла даара акраҵанакуеит адунеи ҳахьӡ ахзырҵәахьо аԥсуа спортсменцәа ргәаанагара.

Ажәабжьқәа зегьы
0