Карасини Абашиӡеи реиԥылараан Аԥсны иалсуа аихамҩа иалацәажәоит

© AP Photo Laurent GillieronЗаместитель министра иностранных дел РФ Григорий Карасин. Архивное фото.
Заместитель министра иностранных дел РФ Григорий Карасин. Архивное фото. - Sputnik Аҧсны
Анапаҵаҩра
НовостиTelegram
Григори Карасин иазгәеиҭеит Урыстәылатәи Афедерациеи Қырҭтәылеи реизыҟазаашьазы Қырҭтәыла аԥыза-министр ихаҭарнак ҷыда Зураб Абашиӡе иԥылараан Аԥсны иалсны ицо аихамҩа иалацәажәар алшоит ҳәа.

АҞӘА, рашәара 20 — Sputnik. Урыстәылатәи Афедерациа Адәныҟатәи аусқәа рминистр ихаҭыԥуаҩ Григори Карасини Урыстәылатәи Афедерациеи Қырҭтәылеи реизыҟазаашьазы Қырҭтәыла аԥыза-министр ихаҭарнак ҷыда Зураб Абашиӡе реиԥылара мҩаԥысраны иҟоуп ԥхынгәазы ҳәа аанацҳауеит РИА Новости.

Женеватәи аиҿцәажәарақәа XXXII араунд аатуеит рашәарамза 30 рзы - Sputnik Аҧсны
Женеватәи аиҿцәажәарақәа XXXII араунд аатуеит рашәарамза 30 рзы

"Ҳара иҳаӡбеит ҳаиԥылара ԥхынгәымзахь ииаагарц, ҳаиԥылара иалаҳархәырц аекономикатә блок ахаҭарнакцәа. ҳара ҳганахьала атранспорт аминистрра ахаҭарнакцәа алахәхоит, избанзар ирацәоуп атранспорт иаҵанакуа азҵаарақәа", — иҳәеит Карасин.

Адипломат иара убасгьы иазгәеиҭеит Урыстәылатәи Афедерациеи Қырҭтәылеи реизыҟазаашьазы Қырҭтәыла аԥыза-министр ихаҭарнак ҷыда Зураб Абашиӡе иԥылараан Аԥсны иалсны ицо аихамҩа иалацәажәар алшоит ҳәа.

"Ҳара злацәажәара ҟамло тема ҳамаӡам, убри инамаданы ицәырҵыр ҟалоит абри атемагьы. Араҟа ахԥатәи агангьы алахәуп азы даара ацәамырцара аҭахуп. Аԥсни Аахыҵ Уаԥстәылеи  ирыҵаркуа азҵаарақәа зегьы ҳрылацәажәараны ҳаҟоуп ԥхынгәымза алагамҭазы, Женева", — иҳәеит иара.

Карасин иажәақәа рыла ақырҭуа ганахьала аиԥылараҟны дҟалоит аекономикатә ҿиара аминистрра ахаҭарнак.


Ажәабжьқәа зегьы
0