Студеникин: Аԥсны аинтересқәа иныҭкааны иҳәаақәнаҵароуп

© Sputnik / Томас ТхайцукСтуденикин: Аԥсны аинтересқәа иныҭкааны иҳәаақәнаҵароуп .
Студеникин: Аԥсны аинтересқәа иныҭкааны иҳәаақәнаҵароуп . - Sputnik Аҧсны
Анапаҵаҩра
Аԥсныи Урыстәылеи Аидгылареи астратегиатә еилахәыреи рзы Аиқәшаҳаҭра рнапы аҵарҩижьҭеи иҵит шықәсык. Аҭоурых наукақәа ркандидат, аексперт Александр Студеникин ахҳәаа азиуит аурыс-аԥсуа еизыҟазаашьақәа.

АҞӘА, абҵара 24 -Sputnik, Асҭанда Арӡынԥҳа. 2008 шықәса рзы Урыстәылатәи Афедерациа Аԥсны Аҳәынҭқарра ахьыԥшымра ахьазханаҵаз шьаҭанкыла иаԥсахит арегион аҟны агеополитикатә ҭагылазаашьа, ҳәа азгәеиҭеит ҳкорреспондент аинтервиу лыҭо аҭоурых наукақәа ркандидат, аексперт Александр Студеникин.

"Иуадаҩыз, жәашықәсала аҳәынҭқарра аиҭашьақәыргыларазы имҩаԥысуаз ақәгыларақәеи ақәԥарақәеи рышьҭахь Аԥсназы иаатит алшара дуқәа, аԥеиԥш", — иҳәеит Студеникин.

Иара иажәақәа рыла, астратегиатә ҩыза иганахьала ацхыраареи адгылареи ирылдыршеит Аԥсны аҩныҵҟа аԥсҭазаара хаҭабзиарала аиӷьтәра.

Рауль Ҳаџьымбеи Владимир Путини - Sputnik Аҧсны
Аԥсни Урыстәылеи рыбжьара рнапы зҵарҩыз аиқәшаҳаҭра шықәсык ахыҵит

"Аха угәы унархьуеит хра змамыз амҩа ахьалххаз. Ахатәы лшарақәа раԥҵареи ҳҳәынҭқарра арӷәӷәареи рцынхәрас урыстәылатәи ацхыраара ҳазхьаԥшуа ҳалагеит. Хәы змаӡамыз аамҭа ҳцәыӡит", — иҳәоит аексперт.

Иара иажәақәа рыла иахьатәи аамҭазы аурыс-аԥсуа еизыҟазаашьақәа рҟны ихадоу проблеманы иҟоуп аԥсуа ган иахьамам иныҭкааны иалкаау, иҭҵаау амилаҭтә интересқәа. Амилаҭтә интересқәа алкааны амилаҭтә шәарҭадара аконцепциа аҳасабала ицәыргатәуп, ҳәа азиԥхьаӡоит Студеникин.

"Ари иалнаршон зегь раԥхьа иргыланы ҳхазы, нас егьырҭ зегьы рзы, интересс иҳамоу аилкаара, ашьақәыргылара. Ашәарҭара ахьаабои уи аҭышәныртәалашьа шаабоуи реилкаара. Насоуп ианалшо ахьаҵра ахьыҟаҵатәуи зынӡаск шьаҿак шьҭахьҟа иахьыҟаҵатәыми реилкаара, рдырра", — ҳәа азгәеиҭеит Студеникин.

Аексперт иажәақәа рыла абри иалнаршон аизыҟазаашьақәа рҟны аҭыԥ зоуло, еиуеиԥшым аҭагылазаашьақәа рҭыԥ ақәҵара. Атәылақәа рыҩбагьы наҟ-ааҟгьы афеида еицрыманы рыҿиаразы алшамҭа дуқәа шыҟоу азыԥхьагәаҭаны иҳәеит иара.

Ажәабжьқәа зегьы
0