Микрофон  - Sputnik Аҧсны
Арадио

Адлеиба Абрыскьыл иҳаԥы аԥсшьаҩцәа рыдкыларазы: ҳшақәгәыӷуаз еиԥш иҟам

© Foto / предоставлено Астамуром АдлейбаАстамур Адлейба
Астамур Адлейба - Sputnik Аҧсны
Анапаҵаҩра
Отаԥ ақыҭан иҟоу Абрыскьыл иҳаԥы аиҳабы Асҭамыр Адлеиба арадио Sputnik Аԥсны иаиҭаз аинтервиу аҿы иҳәеит сынтәа аҳаԥы иаҭаауа ауааԥсыра рхыԥхьаӡара акырӡа ишагхаз иҳаҩсыз ашықәсқәа раасҭа.
Адлеиба Абрыскьыл иҳаԥы аԥсшьаҩцәа рыдкыларазы: ҳшақәгәыӷуаз еиԥш иҟам

"Аибашьра ашьҭахь иааҳарҭит аҳаԥы, аԥхьа зынӡа аӡәгьы дааӡомызт, анаҩс хәыҷы-хәыҷла иалагеит. 2015-2016 шықәса рзы ибзиан аҭааҩцәа ҳаман, уажә аԥсшьаҩцәа ҳамоуп, аха ҵыԥх аасҭа сынтәа еиӷьхап ҳәа ҳшақәгәыӷуаз еиԥш иҟам. Автобусқәа рыла аекскурсиақәа ыҟам, амашьына хәыҷқәа рыла иаауа аауеит, егьыс, иаадкыланы аԥсшьаҩцәа ҳауам. Лаҵарамза инаркны аҳаԥы аартуп, иахьанӡа хәышә-ҩык роуп иаҭаахьоу. Ари ахыԥхьаӡара даара имаҷуп. Аҳаԥы аҭаларазы ахәԥса Очамчыра араион адепутатцәа ишьақәдыргылаз ала - 250 мааҭ иаԥсоуп. Ахәыҷкәа ракәзар, аашықәса зхыҵуа рҟынӡа идҳаршәом, еиҳабацәоу 100 мааҭк. Ахәыҷқәа аҳаԥы ргәаԥхоит, имшәаӡакәа иҭалоит. Адуцәа рҟнытә иҟоуп аҭалара ззымгәаӷьуа", – ҳәа еиҭеиҳәеит Адлеиба. 

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

Ажәабжьқәа зегьы
0