Ацитрусқәа рызҵаара: амандаринақәа рекспорт иаԥырхагоу апроблемақәа

© Sputnik Томас Тхайцук / Амедиаҵәахырҭахь аиасраАцитрусқәа рызҵаара: амандаринақәа рекспорт иаԥырхагоу апроблемақәа
Ацитрусқәа рызҵаара: амандаринақәа рекспорт иаԥырхагоу апроблемақәа - Sputnik Аҧсны
Анапаҵаҩра
НовостиTelegram
Сынтәа заҟа цитрустә шәыр аҳәаа иахыгоу, атәыла анапхгара анхацәа ишрыцхраауа, алимонқәеи амандаринақәеи рҽаҩра аизырҳаразы иҟаҵатәу Sputnik аҟны далацәажәеит Ақыҭанхамҩаз аҳәынҭеилакы ахантәаҩы Амиран Какалиа.

АҞӘА, ԥхынҷкәын 20 – Sputnik. 2019 шықәсеи 2018 шықәсеи еиҿурԥшуазар, сынтәа аҽаҩра акыр еиҵоуп.

"Ииасыз ашықәс азы ареспубликаҟынтә аҳәаа иахыган 40 000 тонна ацитрустә шәырқәа, сынтәа ацитрусқәа реизгара ишаҿугьы, ҵыԥх аасҭа ҩынтә еиҵоуп. 17 000 тонна рҟынӡоуп ҳахьынӡазыԥшу", - иҳәеит иара.

Сынтәа Аԥсны амандарина ҽаҩра хәынтә еиҵахеит. Амандарина аамҭа-аамҭала аҽаҩра аҽаԥсахлоит. Уи ауп изыхҟьаз иҳәеит Какалиа.

"Сынтәа амандарина зынӡак имаҷуп. Аха ахәырмеи афеихоаи сынтәа иаҳа еиҳахеит. Ҵыԥх ахәырма уажәааны 5 тоннак ыиаргазҭӷьы, сынтәа 105 тонна ыиаргеит. Афеихоа акәзар, 2018 шықәса рзы 50 тонна ыиаргеит, уажәазы - 180 тонн. Арҭ ашәырхкқәа акырынтә еиҳахеит. Амандарин иасакьаҳәымҭаны ҳәа иԥхьаӡоуп ԥхынҷкәынмза, ҵыԥх ҽнак иалагӡаны 500 кьыла рҟынӡа ианыиаргоз ыҟан, сынтәа 200 рҟынӡа инеиӡом. Афирмақәа ацитрустә шәырқәа кьылак 10 мааҭк ҳәа ииаргоит, аҳаза 0,1% иартәоит", - ҳәа еиҭеиҳәеит аилак ахантәаҩы

Ахазхаҿы знык ала аҳәаа 25 кьыла ахыгара азин имоуп. Еиҳау апартиа ахыгараан аалыҵ аҳәаанырцә иаазхәо ауаҩи иареи аиқәшаҳаҭра рыбжьазароуп. Иҟазароуп ахәԥса-фактура, атранспорттә шәҟәқәа, Аҳәынҭстандарти акарантинтә хылаԥшреи рсертификат.

Партиа дула амандаринақәа рахыгараан Аԥсны аҳазалхратә усбарҭа атауар ахәԥсаҟынтәи 0,1 % ахнахуеит.

Ирыҟәшәоит, еилырԥшаауеит: Аԥсны амандарина шҿырхуа - Sputnik Аҧсны
Ирыҟәшәоит, еилырԥшаауеит: Аԥсны амандарина шҿырхуа

Жьҭаарамза 28 рзы Аминистрцәа Реилазаара ақәҵарала ишьақәыргылан аахәаратә хәыԥсақәа сынтәатәи ашықәс азы. Ақәҵара апроект инақәыршәаны кьылак амандаринеи апельсини– 19 мааҭи 50 копеики иаԥсоуп. Кьылак алимон ахәԥса иартәоит 20 мааҭ.

2019 шықәса рзы аусбарҭа анхацәа ацхыраара рырҭеит ацитрусқәа рыхәышәтәразы.

"Ақыҭанхамҩатә наплакы 2019 шықәса рзы имаҷымкәа анхаҩцәа ацхыраара рзыҟарҵеит, еиҳарак амармалташьтә пты ахәшәтәразы. Уи аҿагыларазы иаҳшаз ахәшә 19 миллион инацны иартәоит. Ари аус ҭакԥхықәрала ҳазнеит, иагьынаҳагӡеит ибзиан ҳәа исыԥхьаӡоит. Аԥсны ацитрустә шәырқәа абаҳчақәа зегьы рҿыцтәуп, ақыҭанхамҩеи ҳареи ҳгәы иҭоуп аиҿцәажәара амҩаԥгара аиҭаҳатә ала ҳаиқәдыршәарц азы", - ҳәа азгәеиҭеит Какалиа.

Амиран Какалиа игәаанагарала адгьыл алшара ибзианы иҭҵааны уи аус нап аркра аҭахуп. Ацитрустә шәырқәа рааӡара ақыҭанхамҩаҿы аԥеиԥш бзиа змоу хырхарҭаны ҳәа иԥхьаӡоуп. Аус арутәуп апрограмма ҷыда ҳәа азгәеиҭоит иара.

Иара убас шәаԥхьар ҟалоит:

Ажәабжьқәа зегьы
0