АҞӘА, ажьырныҳәа 23 — Sputnik. Аԥсны иҟоу Урыстәыла Аладатәи арратә округ арратә база атанкистцәа ииасыз ашықәс иаҿырԥшны атанкқәа рырныҟәареи ахысрақәа рымҩаԥгареи аҟны рдыррақәа 10% иаздырҳаит. Абри атәы аанацҳаит Аԥсны иҟоу Урыстәыла Аладатәи арратә округ Апресс-маҵзура.
"Ииасыз ашықәс аҩныҵҟа Аԥсны иҟоу Урыстәыла Аладатәи арратә округ аррамаҵзурауаа руснагӡатәқәа рыҽрыладырхәит 1000-ҩык аррамаҵзурауаа, ахархәара рыҭан 60 рҟынӡа арратә техника, атанкқәа Т-72Б3 рыла ахысрақәа мҩаԥыргеит, убри аан инырхит 400 000 танктә снариад, аџьаԥҳаны", - аҳәоит адырраҭараҟны.
125-миллиметр згәыцә ыҟоу апушкақәа Т-72Б3 рыла "аӷа" итанкқәа иреихсуан ҳәа аҳәоит адырраҭараҟны.
Апресс-маҵзура адыррақәа рыла атанкқәа рекипажқәа ахысрақәа мҩаԥыргон Т-90А иақәыргылоу апулемиот "Корд" алагьы. Дара уи ала икарыжьуан аҳауатә цәҟьарақәа – "аӷа" иверталиотқәа. Бжьаратәла арҭ ацәҟьарақәа рҟынӡа 3000 метра бжьан.
Уахынла аррамаҵзурауаа рхы иадырхәон абаратә хархәагақәа ТВН-5.
Амеханик-ныҟәцаҩцәа 5000 километра иахысит еиуеиԥшым ашьха-бнаратәи амшынԥшаҳәатәи ҭыԥқәа рҟны.
Иара убас шәаԥхьар ҟалоит:
- Урыстәылатәи аԥшыхәцәа аротатә ҽазыҟаҵарақәа ирылагеит
-
Аԥсны иҟоу урыстәылатәи аруаа алақәа рыцырхырааны аминақәа рыԥшаауан
