АҞӘА, хәажәкыра 9 - Sputnik. Аԥсны ахадарахьы акандидат Аслан Бжьаниа мышқәак рыла ахәышәтәырҭа дҭырҩаараны иҟоуп. Уи хәажәкыра 11 рзы Аԥсныҟа даауеит алхратә кампаниа иалахәра иациҵарц азы, рҳәеит акандидат иалхратә штаб аҟны.
Аслан Бжьаниа хәажәкыра 2 рзы иаалырҟьаны Шәача аклиникақәа руак дҭашәеит. Уи иҭагылазаашьа акыр иахьуашәшәыраз азы амедикаментозтә кома далагалан. Ԥыҭрак ашьҭахь асанитартә авиациа авертолиот ала Краснодарҟа диаган. Хәажәкыра 3 рзы уи акома далҵит, иҭагылазаашьа еиӷьхеит.
Хәажәкыра 5 рзы Урыстәыла Агәабзиарахьчара аминистрра адырра ҟанаҵеит аԥсуа политик игәабзиара хар амам, аиӷьхара иаҿуп ҳәа.
Аԥсны ахада иеиҭалхрақәа мҩаԥысраны иҟоуп хәажәкыра 22 рзы.
Иара убас шәаԥхьар ҟалоит:
-
Урыстәыла ААР: Аԥсны аҭагылазаашьа ҭышәынтәалазар ҳаигәырӷьоит
-
Алхрақәа реиҭашәара, мамзаргьы Аԥсны аполитикатә цәқәырԥара
