Гагра араион аҿы акоменданттә сааҭ ауха 70 еилагара азгәаҭан

© Sputnik Томас Тхайцук / Амедиаҵәахырҭахь аиасраДвижение автотранспорта в Гаграх.
Движение автотранспорта в Гаграх. - Sputnik Аҧсны
Анапаҵаҩра
НовостиTelegram
Гагра араион аҿы акоменданттә сааҭа режим аус ауеит ахәылбыҽха асааҭ ааба инаркны ашьыжь асааҭ быжьбанӡа.

АҞӘА, мшаԥы 10 - Sputnik. Гагра араион аҟны акоменданттә сааҭ аҟазаараан мшаԥы 9 асааҭ 20:00 инаркны мшаԥы 10 асааҭ 7:00 рҟынӡа аҷаԥшьара мҩаԥыргон Аԥсны ААР аусзуҩцәеи Гагра араион ААР аусзуҩцәеи. Абри аамҭазы ишьақәыргылан 70 еилагара ҳәа аанацҳауеит Аԥсны Аҩнуҵҟатәи аусқәа рминистрра апресс-маҵзура.

"Гагра ақалақь аҿы 27 автомашьына аанкылан, 10 – Цандрыԥшь иаанкылан, Пицунда ақалақь аҿы машьынаки Бзыԥ аиланхарҭаҿ 16 машьынеи аргыларҭатә ҭыԥ ахь инаган. Акоменданттә сааҭ аилагаразы амилициа рахь инаган 16-ҩык ауааԥсыра: Гагра -8-ҩык, Цандрыԥшь, Пицунда - ԥшьҩык-ԥшьҩык", - аҳәоит адырраҭараҿы.

Ижәны амашьына аԥсҟы зкыз хҩык нкылан. Акоменданттә сааҭ аус ауеит асааҭ 20:00 инаркны асааҭ 07:00 рҟынӡа.

Аҵх ҭынчны имҩасит: гаграа акоменданттә сааҭ ишықәныҟәо>>

Акоменданттә сааҭ аан ауааԥсыра рынхарҭақәа ныжьны адәахьы идәылҵыр ҟалом, азинмчратә усбарҭақәеи, агәабзиарахьчара аусҳәарҭақәеи, амцарцәаратәии акоммуналтәии маҵзурақәеи русзуҩцәеи, абанктә инфраструктура аусура аиҿкаара еиқәзыршәои рыда.

МВД - Sputnik Аҧсны
Аҭагылазаашьа ҷыда еилазго ахараԥса ддыршәалоит

Аԥсны Аҩнуҵҟатәи аусқәа рминистрра анапы ианҵоуп акоменданттә сааҭ аамҭазы абри Аусдҵа еилазго ахаҿқәа раанкылара еиҿкаазарц.

Аусдҵа амчра аиуит ианкьыԥхьха инаркны.

Акоменданттә сааҭ алагалоуп ареспубликаҿы акоронавирустә инфекциа COVID-19 аламырҵәаразы.

Аԥсны иахьаҵанакуа раԥхьатәи акоронавирус змоу ауаҩы Москвантәи иааз Гагра ауаҩԥс иакәхеит. Уи инаишьҭарххны ачымазара лыдбалан иара дызныруаз аԥҳәыс.

Аинформациа шьақәдырӷәӷәеит Акоронавирус аҽацәыхьчаразы аоперативтә штаб аҟны.

COVID-19 змоу арҭ ауаа ахьынхоз аҩнеихагылаҿы инхо зегьы авирус амазаара ашьақәыргыларазы игәарҭеит.

Аҩнаҿы инхо зегьы рсиа ҟаҵоуп. Аԥсны АҶА аусзуҩцәа асанитартә рыцқьара мҩаԥыргеит. Аҩны ахьчараҿы игылоуп амилициа аусзуҩцәа уахь аӡәгьы дыҩнамларц, ма ддәылымҵырц азы.

Иара убас шәаԥхьар ҟалоит:

Ажәабжьқәа зегьы
0