https://sputnik-abkhazia.info/20220531/aministrtsa-reilazaara-izaamanytiu-ailatara-alshaa-reikhshala-1039334645.html
Аминистрцәа реилазаара изаамҭанытәиу аилатәара: алҵшәақәа реихшьала
Аминистрцәа реилазаара изаамҭанытәиу аилатәара: алҵшәақәа реихшьала
Sputnik Аҧсны
Аԥсны Аминистрцәа реилазаара алахәылацәа лаҵара 31 рзы азҵаарақәа жәаба инареиҳаны ирыхәаԥшит. 31.05.2022, Sputnik Аҧсны
2022-05-31T21:30+0300
2022-05-31T21:30+0300
2022-05-31T21:38+0300
аԥсны
ажәабжьқәа
аекономика
ауаажәларра
александр анқәаб
https://cdnn1.img.sputnik-abkhazia.info/img/07e6/05/1f/1039334158_0:52:1000:615_1920x0_80_0_0_94e33b557852e7be7cde0ac8bda24efc.jpg
АҞӘА, лаҵара 31 - Sputnik. Аԥсны аԥыза-министр Александр Анқәаб аҩаша лаҵара 31 рзы имҩаԥигеит Аԥсны Аиҳабыра изаамҭанытәиу реилатәара, уи аҟны иахәаԥшын азҵаарақәа 10 инареиҳаны, абри атәы аанацҳауеит Аминистрқәа реилазаара асаит.Аилатәара ианалага, аԥыза-министр ихаҭыԥуаҩ, аекономика аминистр Кристина Озган ирыдылгалеит Аԥсны Аҳәынҭқарра аграждантә авиациа аусзуҩцәа 2022-2025 шықәсқәа рзы разыҟаҵаразы Аплан апроект. Ари адокумент аиҳабыра ирыдыркылеит.Анқәаб инаҵшьны иазгәеиҭеит Аҟәатәи аҳаиртә баӷәазазы ззанааҭ иазҟазоу акадрқәа разыҟаҵара аҵак ду шамоу, уи аартразы алшарақәа шыҟоу ҳасаб азууазар. Аҳаиртә баӷәазаҟны аус руроуп хырхарҭа рацәала азанааҭқәа змоу аҟазацәа – авиадиспетчерцәа, аинженер-техникатә усзуҩцәа, аныҟәарақәа еиҿызкаауеи адгьыл аҿы аҳаирпланқәа гәазҭои аусзуҩцәа. Астудентцәа аҵара дырҵареи уажәазы иҟоу акадрқәа разыҟаҵареи иахылаԥшларц адҵа риҭеит Аекономика аминистрра.Анаҩс аминистрцәа ирыдыркылеит Аԥсны Аҳәынҭқарраҿы афымцатә мчхарақәа рышьақәырӷәӷәаразы Аԥҟара. Адокумент ишьақәнаргылоит атәылаҿы афымцамчхара иаку аоператор атрафик ахь иарбанзаалак аобиект аҽаԥнашьразы аԥҟара, ахархәаратә лимитқәа уҳәа.Иара убас аилатәараан ишьақәдырӷәӷәеит Аҳәынҭқарратә хықәкытә программа "Анхарҭа-2022" анагӡаразы аусбарҭабжьаратә комиссиа хаҭалатәи алахәылацәа. Уи иалалеит Апарламент адепутатцәа Рашида Аиба, Ерик Рштуни, Баҭал Џьопуа.Уи адагьы, иақәшаҳаҭхеит Аԥсны Аҿари аспорти русқәа рзы Аҳәынҭқарратә еилаки Урыстәыла Аҿар русқәа рзы Афедералтә маҵзуреи реилибакааразы Амеморандум апроект.Аԥсахрақәа алагалан Аԥсны Аимадаразы аҳәынҭеилакы Аколлегиа аилазаара, ишьақәырӷәӷәан аҳәынҭқарратә шәҟәҭыжьырҭаҿы асахьаркыратәи даҽа литература хкыки рҭыжьразы аҳәынҭқарратә ҿаҵа Аплан.
https://sputnik-abkhazia.info/20211216/aministrtsa-reilazaara-aun-asnyti-aviatsaaa-aara-iashaakheit-1036744258.html
https://sputnik-abkhazia.info/20220428/ankharaz-aynprogramma-alakhkharazy-zy-inareiany-arzaala-nashyn-1038866230.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аекономика, ауаажәларра, александр анқәаб
ажәабжьқәа, аекономика, ауаажәларра, александр анқәаб
Аминистрцәа реилазаара изаамҭанытәиу аилатәара: алҵшәақәа реихшьала
21:30 31.05.2022 (ирҿыцуп: 21:38 31.05.2022) Аԥсны Аминистрцәа реилазаара алахәылацәа лаҵара 31 рзы азҵаарақәа жәаба инареиҳаны ирыхәаԥшит.
АҞӘА, лаҵара 31 - Sputnik. Аԥсны аԥыза-министр Александр Анқәаб аҩаша лаҵара 31 рзы имҩаԥигеит Аԥсны Аиҳабыра изаамҭанытәиу реилатәара, уи аҟны иахәаԥшын азҵаарақәа 10 инареиҳаны, абри атәы
аанацҳауеит Аминистрқәа реилазаара асаит.
Аилатәара ианалага, аԥыза-министр ихаҭыԥуаҩ, аекономика аминистр Кристина Озган ирыдылгалеит Аԥсны Аҳәынҭқарра аграждантә авиациа аусзуҩцәа 2022-2025 шықәсқәа рзы разыҟаҵаразы Аплан апроект. Ари адокумент аиҳабыра ирыдыркылеит.
Анқәаб инаҵшьны иазгәеиҭеит Аҟәатәи аҳаиртә баӷәазазы ззанааҭ иазҟазоу акадрқәа разыҟаҵара аҵак ду шамоу, уи аартразы алшарақәа шыҟоу ҳасаб азууазар. Аҳаиртә баӷәазаҟны аус руроуп хырхарҭа рацәала азанааҭқәа змоу аҟазацәа – авиадиспетчерцәа, аинженер-техникатә усзуҩцәа, аныҟәарақәа еиҿызкаауеи адгьыл аҿы аҳаирпланқәа гәазҭои аусзуҩцәа. Астудентцәа аҵара дырҵареи уажәазы иҟоу акадрқәа разыҟаҵареи иахылаԥшларц адҵа риҭеит Аекономика аминистрра.
Анаҩс аминистрцәа ирыдыркылеит Аԥсны Аҳәынҭқарраҿы афымцатә мчхарақәа рышьақәырӷәӷәаразы Аԥҟара. Адокумент ишьақәнаргылоит атәылаҿы афымцамчхара иаку аоператор атрафик ахь иарбанзаалак аобиект аҽаԥнашьразы аԥҟара, ахархәаратә лимитқәа уҳәа.
Иара убас аилатәараан ишьақәдырӷәӷәеит Аҳәынҭқарратә хықәкытә программа "Анхарҭа-2022" анагӡаразы аусбарҭабжьаратә комиссиа хаҭалатәи алахәылацәа. Уи иалалеит Апарламент адепутатцәа Рашида Аиба, Ерик Рштуни, Баҭал Џьопуа.
Уи адагьы, иақәшаҳаҭхеит Аԥсны Аҿари аспорти русқәа рзы Аҳәынҭқарратә еилаки Урыстәыла Аҿар русқәа рзы Афедералтә маҵзуреи реилибакааразы Амеморандум апроект.
Аԥсахрақәа алагалан Аԥсны Аимадаразы аҳәынҭеилакы Аколлегиа аилазаара, ишьақәырӷәӷәан аҳәынҭқарратә шәҟәҭыжьырҭаҿы асахьаркыратәи даҽа литература хкыки рҭыжьразы аҳәынҭқарратә ҿаҵа Аплан.
