https://sputnik-abkhazia.info/20220620/sputnik-amchybzh-bzhania-inashyma-aaymtsa-ramaa-peterburgti-aforum-1039693040.html
Sputnik амчыбжь: Бжьаниа инашьҭымҭа, аҳақьымцәа рҳамҭақәа, Петербургтәи афорум
Sputnik амчыбжь: Бжьаниа инашьҭымҭа, аҳақьымцәа рҳамҭақәа, Петербургтәи афорум
Sputnik Аҧсны
Иҳаҩсыз амчыбжь азы Аслан Бжьаниа Апарламент ахь анацҳамҭа ҟаиҵеит, Аҟәатәи ақалақьтә еизарахь алхрақәа мҩаԥысит, акоронавирус иаҿагыланы иқәԥоз аҳақьымцәа... 20.06.2022, Sputnik Аҧсны
2022-06-20T10:19+0300
2022-06-20T10:19+0300
2022-06-20T10:25+0300
аԥсны
ажәабжьқәа
ауаажәларра
аекономика
аполитика
аслан бжьаниа
лжәр
джәр
https://cdnn1.img.sputnik-abkhazia.info/img/07e6/06/10/1039616993_0:85:1620:996_1920x0_80_0_0_d2622faa2c2c4f34d1bc59f150f7e0d8.jpg
Рашәара 13-19 рыбжьара иҟалаз абарҭи егьырҭ ахҭысқәеи рыхҳәаа шәаԥхьа Sputnik есымчыбжьатәи аизгаҿы.SputnikАхада инацҳамҭаАмчыбжьан ихадоу ахҭыс акәхеит рашәара 16 рзы Аслан Бжьаниа Жәлар Реизара адепутатцәа рахь иҟаиҵаз анагӡаратә мчра аусура ахырхарҭа хадақәа ирызкыз анацҳамҭа.Атәыла ахада еиҭеиҳәеит акоронавирустә инфекциа иаҿагыланы аиҳабыра шықәԥоз. Иара иажәақәа рыла, 2020 шықәса инаркны иахьанӡа Аԥсны акоронавирустә ҿкы аԥырҟәҟәаразы иақәхарџьуп миллирадки 18 миллион мааҭи.Бжьаниа еиҭеиҳәеит ахәшәтәра, аҵараҵара, аԥсабаратә рыцҳарақәа раԥыхра ишрықәхарџьыз 803 миллион мааҭ.2020 шықәса инаркны 2022 шықәса рашәара 1-нӡа ареспубликатә биуџьет аҟынтәи аԥара рзоужьуп аҳәынҭқарратә хықәкытә программақәа 12. Зеиԥшла урҭ ирзоужьын 464 миллион мааҭ иҳәеит Бжьаниа.Атәыла ахада инацҳамҭаҿы рыӡбахә иҳәеит астатистикатә дыррақәагьы. Иара иазгәеиҭеит 2021 шықәса рзы Аԥсны аҩнуҵҟатәи азеиԥш хашәалахәы ишартәаз 37 миллиард 751 миллион мааҭ.Алхрақәа рылҵшәақәаРашәара 12 рзы имҩаԥысыз Аҟәатәи ақалақьтә еизарахь алхратә ҭыԥ №14 аҿы адепутатцәа ралхрақәа рылҵшәақәа еихыршьалеит. Урҭ ирылахәын ҩыџьа акандидатцәа - Енвер Чамагәуеи Аслан Џьопуеи. Аиааира игеит Чамагәуа.Асиа хадаҿы ианын 2507-ҩык алхыҩцәа, асиа цҵаҿы - 50. Рыбжьы рҭиит 890-ҩык. Ибжьыхын абиуллетенқәа 27.Алхрақәа азгәаҭан ақалақьтә алхырҭатә ҭыԥ аҟынтәи депутатс иҟаз Нарсоу Салаҟаиа Аԥсны Жәлар Реизара VII ааԥхьара адепутатс дахьалырхыз азы.Агуманитартә миссиаАԥсны Донбасс иазыҟанаҵо ацхыраара иацнаҵоит. Рашәара 13 рзы Аԥсны АҶА аусзуҩцәа Луганскҟа идәықәлеит агуманитартә еидара рыманы.ЛЖәР аиқәырхаҩцәеи дареи ргәы иҭоуп аибашьраан еилаҳаз, иԥхасҭахаз аинфраструктура аиҭашьақәыргылара азҵаарақәа.Уи адагьы, Аԥснынтәи Лугансктәи Жәлар Рреспубликахь инаргеит 10 тоннак агуманитратә еидара, уи иалоуп кыраамҭа иԥхасҭамхо афатәқәа - аиҵажә (тушенка-аред.), ахрыӷқәа, ашьаҳариа, азараҟьахәша.Абылтәазы амлакратә акциаАуаажәларратә усзуҩ, Апарламент адепутатразы кандидатс иҟаз Џьансыхә Адлеиба амлакратә акциа иаԥшьигеит Аҟәа Ахақәиҭра ашҭаҿы рашәара 13 рзы абылтәы ахә иахьацырҵаз инамаданы. Убри инаваргыланы имҩаԥысуеит абылтәы ахә ашьҭыхра иаҿагылоу ауааԥсыра рнапынҵамҭақәа реизгара.Џьансыхә Адлеиба иԥхьаӡоит Аахыҵ Уаԥстәылеи, ДЖәРи, ЛЖәРи, егьырҭ Урыстәыла аҩызаратә ҳәынҭқаррақәеи рҿы абылтәы ахә еиҳа илаҟәызар, Аԥсны абылтәы ахә ианамуӡах уа ишыҟоу иҟазароуп ҳәа. Иааирԥшуа аҿагылара акциа даҿызаауеит ари апроблема абылтәы ахархәаҩцәа ишырзеиӷьхаша ирыӡбаанӡа.Рашәара 13 рзы Аԥсны ахада Аслан Бжьаниа абылтәазы ахәқәа рҭышәныртәалара азҵаара иазкыз аилацәажәара мҩаԥигеит.Уи ахыркәшамҭазы ахада Аекономика аминистрра дҵас иеиҭеит урыстәылатәи рколлегацәеи дареи еицәажәаны Аԥсны ҩынтәтәи аӡа аиуразы алшарақәа аус рыдыруларц, атреидерцәагьы алрыԥшаарц. Иара убас иара иазгәеиҭеит абылтәеиԥш иҟоу аусхк ду аҿы амонополиа ҟамлар шакәу, аконкуренциа зҩыда аҭыԥ амазарц азы азакәанԥҵара адгылара аиур шакәу.Аҳәынҭқарратә ахьчаратә маҵзура 30 шықәса ахыҵраРашәара 15 рзы Аԥсны ахада Аслан Бжьаниа Аҳәынҭқарратә ахьчаратә маҵзура анапхгареи уи аусзуҩцәеи ирыдиныҳәалеит уи аԥҵоуижьҭеи 30 шықәса аҵра.Агәырӷьаратә еилатәараан Бжьаниа аҳәамҭа ҟаиҵеит Аԥсны азинхьчаратә маҵзурақәа изныкымкәа ишгәарҭахьоу НАТО аԥшыхәратә ҳаирпланқәа ҳҳәынҭқарратә ҳәаақәа шеиларго. Аслан Бжьаниа иара убас иргәалаиршәеит аҩнуҵҟатәи ашәарҭарақәагьы шыҟоу.Петербургтәи Жәларбжьаратәи аекономикатә форум алахәраСанкт-Петербургтәи XXV Жәларбжьаратәи аекономикатә форум Аԥсны ахьӡала иалахәуп аԥыза-министр ихаҭыԥуаҩ, аекономика аминистр Кристина Озгани афинансқәа рминистр Владимир Делбеи.Аиубилеитә форум мҩаԥысуан рашәара 15-18 2022 шықәса рзы.Уи аҳәаақәа ирҭагӡаны аԥыза-министр ихаҭыԥуаҩ, аекономика аминистр Кристина Озгани Урыстәыла аекономика аҿиара аминистр ихаҭыԥуаҩ Дмитри Вольвачи, атранспорт ахылаԥшраз Афедералтә маҵзура аиҳабы Виктор Басаргини реиԥылара мҩаԥысит. Петербургтәи Жәларбжьаратәи аекономикатә форум апленартә еилатәараан Ҟазахсҭан ахада Касым Жомарт-Токаев аҳәамҭа ҟаиҵеит ахатәҳәаақәҵара азин аԥсҭазаара иаларҵәазар, адунеи хыла-гәыла еилалоит, убри азоуп дара Аԥсны зазхарымҵо ҳәа.Аԥсны адәныҟатәи аусқәа рминистр Инал Арӡынба Казахсҭан ахада иҟаиҵаз ари аҳәамҭа аҭак аиҭеит.Аусԥҟа ҿыцАслан Бжьаниа рашәара 13 рзы инапы аҵаиҩит Алхас Манаргиа Аҳәынҭқарра Ахада Иусбарҭа Амассатә информациа ахархәагақәа реимадаразы аусбарҭа аиҳабыс иаҭаразы аусԥҟа. Адырҩаҽны аколлектив ррнапхгаҩ ҿыц дыдирдырит ахада Иусбарҭа аиҳабы Алхас Кәыҵниа.Алхас Манаргиа - еицырдыруа алафҳәаҩ, ажурналист, амҩаԥгаҩ, Аԥсуа телехәаԥшреи Абаза-ТВ уаанӡатәи ржурналист. Аамҭақәак рзы аус иуан Аԥсны акультура аминистр ихаҭыԥуаҩс, Аԥсны ашьапылампыл Афедерациа апресс- маҵзуҩыс, акыр шықәса инеиԥынкыланы Sputnik Аԥсны арадио аҟны амҩаԥгаҩыс дыҟан, иара аԥсышәала еиуеиԥшым аиҿцәажәарақәа мҩаԥигон."Аруаа" реизара дуАԥсны Аџьынџьтәылатә еибашьра аветеранцәа руаажәларратә еиҿкаара "Аруаа" ажәабатәи реизара мҩаԥысит рашәара 14 рзы Аҟәа.Аизараҿ аделегатцәа рықәгыларақәа рышьҭахь Иреиҳаӡоу ахеилак "Аруаа" 56-ҩык алахәылацәа абжьыҭарала иалырхит, ирыдыркылеит аизара арезолиуциа.Ахәҭакахьала ашәҟәы аҟны иаҳәоит, Аҳәынҭқарра ахадеи Апарламенти рнапынҵақәа реиҭныԥсахлара анагӡараҿы мҽхакыҭбаала аполитикатә еиҭакрақәа аҭахны ишыҟоу. Уи адагьы, жәларбжьаратәи аҭагылазаашьатә еибарххарақәа инарымаданы "Аруаа" иазгәарҭоит ареспубликаҟны арбџьармчқәа рыҩаӡара ашьҭыхра шаҭаху, атехнологиатәи атехникатәи еиқәыршәара шрыҭатәу, руалафахәы шышьҭыхтәу, рҭаацәара социалла рыҩаӡара шышьҭыхтәу. Иара убас "Аруаа" Апарламент иаднагалоит аҵыхәтәантәи аԥхьарала ирыдыркыларц, Аԥсны аџьынџьтәылатә еибашьра аветеранцәа рзы азакәан.Абарҭқәа рнаҩс, аиҿкаара атәылаҟны афымцалашара ахәԥса ашьҭыхра инамаданы аҳәынҭқарра ахада иахь аҳәара ҟарҵоит Аԥыза-министри аекономика аҟәшеи русура ахәшьара аиҭарц. Апарламент аҵыхәтәантәи аԥхьарала ирыдыркыларц "Ареспублика ауаажәларратә телехәаԥшразы" азакәан.Аҳақьымцәа аҳамҭақәа рыҭараРашәара 17, Амедицинатә усзуҩ Имш аламҭалазы, Аԥснытәи аҳәынҭқарратә филармониаҿы COVID-19 аламырҵәара иазааԥсоз аԥснытәи аҳақьымцәа "Ахьӡ-Аԥша" аорден ахԥатәи аҩаӡарақәа ранаршьеит. Аофициалтә хәҭа ашьҭахь еизаз зегьы ргәалаҟазаара шьҭыхуа рҿаԥхьа иқәгылеит аԥсуа естрада шәаҳәаҩцәеи акәашаратә коллективқәеи.Есышықәса амедицина аусзуҩцәа рымш азгәарҭоит рашәарамза ахԥатәи амҽышазы - сынтәа уи иақәшәеит рашәара 19.Аԥсны агәадураИҳаҩсыз амчыбжь азы иналукааша хҭысхеит иара убас Аԥснытәи аҳәынқарратә университет анапхгаҩцәа ҿарацәа реицлабра "Аԥсны агәадура" мҩаԥнагоит ҳәа ахьрыларҳәаз. Аицлабра аҽалархәразы арзаҳалқәа рыдыркылоит ԥхынгәы 1 инаркны 7-нӡа.Алхрақәа мҩаԥгахоит еиуеиԥшым ахәҭақәа рыла: ԥхынгәы 18 рзы- авидео-аессе аҿцәажәара, ԥхынгәы 25 рзы- аԥышәахыжьра, нанҳәа 1- аицлабра афинали алахәылацәа рпроектқәа аӡыргареи."Аԥсны агәадура" - анапхгараҭаҿы аус зур зылшо аҿар реицлаброуп, уи хықәкыс иамоуп Аԥсны Аҳәынҭқарраҿы абаҩхатәра злоу аҿар раарԥшреи рыдгылареи. Аиҿкааҩцәа ргәы излаҭаркыз ала, ари аицлабра анапхгаҩцәа ҿарацәа рзы социалтә цхыраагӡахоит, шьаҭасгьы иазыҟалоит ламыс злоу, зус здыруа абиԥара ҿа рыбзоурала аҳәынҭқарратә аппарат арҿыцра.
https://sputnik-abkhazia.info/20220616/bzhania-yrtyla-aktivla-ar-amcha-eiznaraueit-1039620357.html
https://sputnik-abkhazia.info/20220617/agba-atyla-khada-aparlament-akh-inashymaz-iarny-igylaz-azaaraa-zegy-azgaan-1039634362.html
https://sputnik-abkhazia.info/20220615/aati-aalat-eizarakh-alkhraa-rylshaa-eikhyrshaleit-1039602900.html
https://sputnik-abkhazia.info/20220618/lev-kynia-lugansk-afront-ianu-atsaa-daaait-1039667480.html
https://sputnik-abkhazia.info/20220613/asny-aa-auszutsa-luganska-idyleit-agumanitart-missia-khykys-irymany-1039561357.html
https://sputnik-abkhazia.info/20220614/abylty-azy-aagylazaasha-zeishrou-ialatsazheit-asny-akhada-iusbaray-1039575770.html
https://sputnik-abkhazia.info/20220617/aslan-bzhania-egry-aias-any-aynarrat-aa-arara-aakhup-a-aama-aieit-1039637605.html
https://sputnik-abkhazia.info/20220617/arynba-tokaev-iamazy-ara-zina-reilagara-iasam-1039662600.html
https://sputnik-abkhazia.info/20220614/asny-akhada-iy-iou-ainformatsiat-kharkhagaa-rymadarazy-ausbara-aiaby-daoup-1039578199.html
https://sputnik-abkhazia.info/20220614/aruaa-razhalagalaa-aveterant-eikaara-aa-aizara-mayrgeit-1039593160.html
https://sputnik-abkhazia.info/20220617/yba-aitslabra-asny-agadurazy-aar-rgy-iou-rart-iakhyou-yup--1039650330.html
лжәр
джәр
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, аекономика, аполитика, аслан бжьаниа, лжәр, джәр
ажәабжьқәа, ауаажәларра, аекономика, аполитика, аслан бжьаниа, лжәр, джәр
Sputnik амчыбжь: Бжьаниа инашьҭымҭа, аҳақьымцәа рҳамҭақәа, Петербургтәи афорум
10:19 20.06.2022 (ирҿыцуп: 10:25 20.06.2022) Иҳаҩсыз амчыбжь азы Аслан Бжьаниа Апарламент ахь анацҳамҭа ҟаиҵеит, Аҟәатәи ақалақьтә еизарахь алхрақәа мҩаԥысит, акоронавирус иаҿагыланы иқәԥоз аҳақьымцәа аҳамҭақәа рырҭеит.
Рашәара 13-19 рыбжьара иҟалаз абарҭи егьырҭ ахҭысқәеи рыхҳәаа шәаԥхьа Sputnik есымчыбжьатәи аизгаҿы.
Амчыбжьан ихадоу ахҭыс акәхеит рашәара 16 рзы Аслан Бжьаниа Жәлар Реизара адепутатцәа рахь иҟаиҵаз анагӡаратә мчра аусура ахырхарҭа хадақәа ирызкыз анацҳамҭа.
Атәыла ахада еиҭеиҳәеит акоронавирустә инфекциа иаҿагыланы аиҳабыра шықәԥоз. Иара иажәақәа рыла, 2020 шықәса инаркны иахьанӡа Аԥсны акоронавирустә ҿкы аԥырҟәҟәаразы иақәхарџьуп миллирадки 18 миллион мааҭи.
Бжьаниа еиҭеиҳәеит ахәшәтәра, аҵараҵара, аԥсабаратә рыцҳарақәа раԥыхра ишрықәхарџьыз 803 миллион мааҭ.
2020 шықәса инаркны 2022 шықәса рашәара 1-нӡа ареспубликатә биуџьет аҟынтәи аԥара рзоужьуп аҳәынҭқарратә хықәкытә программақәа 12. Зеиԥшла урҭ ирзоужьын 464 миллион мааҭ иҳәеит Бжьаниа.
Атәыла ахада инацҳамҭаҿы рыӡбахә иҳәеит астатистикатә дыррақәагьы. Иара иазгәеиҭеит 2021 шықәса рзы Аԥсны аҩнуҵҟатәи азеиԥш хашәалахәы ишартәаз 37 миллиард 751 миллион мааҭ.
Рашәара 12 рзы имҩаԥысыз Аҟәатәи ақалақьтә еизарахь алхратә ҭыԥ №14 аҿы адепутатцәа ралхрақәа рылҵшәақәа еихыршьалеит. Урҭ ирылахәын ҩыџьа акандидатцәа - Енвер Чамагәуеи Аслан Џьопуеи. Аиааира игеит Чамагәуа.
Асиа хадаҿы ианын 2507-ҩык алхыҩцәа, асиа цҵаҿы - 50. Рыбжьы рҭиит 890-ҩык. Ибжьыхын абиуллетенқәа 27.
Алхрақәа азгәаҭан ақалақьтә алхырҭатә ҭыԥ аҟынтәи депутатс иҟаз Нарсоу Салаҟаиа Аԥсны Жәлар Реизара VII ааԥхьара адепутатс дахьалырхыз азы.
Аԥсны Донбасс иазыҟанаҵо ацхыраара иацнаҵоит. Рашәара 13 рзы Аԥсны АҶА аусзуҩцәа Луганскҟа идәықәлеит агуманитартә еидара рыманы.
ЛЖәР аиқәырхаҩцәеи дареи ргәы иҭоуп аибашьраан еилаҳаз, иԥхасҭахаз аинфраструктура аиҭашьақәыргылара азҵаарақәа.
Уи адагьы, Аԥснынтәи Лугансктәи Жәлар Рреспубликахь инаргеит 10 тоннак агуманитратә еидара, уи иалоуп кыраамҭа иԥхасҭамхо афатәқәа - аиҵажә (тушенка-аред.), ахрыӷқәа, ашьаҳариа, азараҟьахәша.
Абылтәазы амлакратә акциа
Ауаажәларратә усзуҩ, Апарламент адепутатразы кандидатс иҟаз Џьансыхә Адлеиба амлакратә акциа иаԥшьигеит Аҟәа Ахақәиҭра ашҭаҿы рашәара 13 рзы абылтәы ахә иахьацырҵаз инамаданы. Убри инаваргыланы имҩаԥысуеит абылтәы ахә ашьҭыхра иаҿагылоу ауааԥсыра рнапынҵамҭақәа реизгара.
Џьансыхә Адлеиба иԥхьаӡоит Аахыҵ Уаԥстәылеи, ДЖәРи, ЛЖәРи, егьырҭ Урыстәыла аҩызаратә ҳәынҭқаррақәеи рҿы абылтәы ахә еиҳа илаҟәызар, Аԥсны абылтәы ахә ианамуӡах уа ишыҟоу иҟазароуп ҳәа.
Иааирԥшуа аҿагылара акциа даҿызаауеит ари апроблема абылтәы ахархәаҩцәа ишырзеиӷьхаша ирыӡбаанӡа.
Рашәара 13 рзы Аԥсны ахада Аслан Бжьаниа абылтәазы ахәқәа рҭышәныртәалара азҵаара иазкыз аилацәажәара мҩаԥигеит.
Уи ахыркәшамҭазы ахада Аекономика аминистрра дҵас иеиҭеит урыстәылатәи рколлегацәеи дареи еицәажәаны Аԥсны ҩынтәтәи аӡа аиуразы алшарақәа аус рыдыруларц, атреидерцәагьы алрыԥшаарц. Иара убас иара иазгәеиҭеит абылтәеиԥш иҟоу аусхк ду аҿы амонополиа ҟамлар шакәу, аконкуренциа зҩыда аҭыԥ амазарц азы азакәанԥҵара адгылара аиур шакәу.
Аҳәынҭқарратә ахьчаратә маҵзура 30 шықәса ахыҵра
Рашәара 15 рзы Аԥсны ахада Аслан Бжьаниа Аҳәынҭқарратә ахьчаратә маҵзура анапхгареи уи аусзуҩцәеи ирыдиныҳәалеит уи аԥҵоуижьҭеи 30 шықәса аҵра.
Агәырӷьаратә еилатәараан Бжьаниа аҳәамҭа ҟаиҵеит Аԥсны азинхьчаратә маҵзурақәа изныкымкәа ишгәарҭахьоу НАТО аԥшыхәратә ҳаирпланқәа ҳҳәынҭқарратә ҳәаақәа шеиларго.
Аслан Бжьаниа иара убас иргәалаиршәеит аҩнуҵҟатәи ашәарҭарақәагьы шыҟоу.
Петербургтәи Жәларбжьаратәи аекономикатә форум алахәра
Санкт-Петербургтәи XXV Жәларбжьаратәи аекономикатә форум Аԥсны ахьӡала иалахәуп аԥыза-министр ихаҭыԥуаҩ, аекономика аминистр Кристина Озгани афинансқәа рминистр Владимир Делбеи.
Аиубилеитә форум мҩаԥысуан рашәара 15-18 2022 шықәса рзы.
Уи аҳәаақәа ирҭагӡаны аԥыза-министр ихаҭыԥуаҩ, аекономика аминистр Кристина Озгани Урыстәыла аекономика аҿиара аминистр ихаҭыԥуаҩ Дмитри Вольвачи, атранспорт ахылаԥшраз Афедералтә маҵзура аиҳабы Виктор Басаргини реиԥылара мҩаԥысит.
Петербургтәи Жәларбжьаратәи аекономикатә форум апленартә еилатәараан Ҟазахсҭан ахада Касым Жомарт-Токаев аҳәамҭа ҟаиҵеит ахатәҳәаақәҵара азин аԥсҭазаара иаларҵәазар, адунеи хыла-гәыла еилалоит, убри азоуп дара Аԥсны зазхарымҵо ҳәа.
Аԥсны адәныҟатәи аусқәа рминистр Инал Арӡынба Казахсҭан ахада иҟаиҵаз ари аҳәамҭа аҭак аиҭеит.
Аслан Бжьаниа рашәара 13 рзы инапы аҵаиҩит Алхас Манаргиа Аҳәынҭқарра Ахада Иусбарҭа Амассатә информациа ахархәагақәа реимадаразы аусбарҭа аиҳабыс иаҭаразы аусԥҟа. Адырҩаҽны аколлектив ррнапхгаҩ ҿыц дыдирдырит ахада Иусбарҭа аиҳабы Алхас Кәыҵниа.
Алхас Манаргиа - еицырдыруа алафҳәаҩ, ажурналист, амҩаԥгаҩ, Аԥсуа телехәаԥшреи Абаза-ТВ уаанӡатәи ржурналист. Аамҭақәак рзы аус иуан Аԥсны акультура аминистр ихаҭыԥуаҩс, Аԥсны ашьапылампыл Афедерациа апресс- маҵзуҩыс, акыр шықәса инеиԥынкыланы Sputnik Аԥсны арадио аҟны амҩаԥгаҩыс дыҟан, иара аԥсышәала еиуеиԥшым аиҿцәажәарақәа мҩаԥигон.
Аԥсны Аџьынџьтәылатә еибашьра аветеранцәа руаажәларратә еиҿкаара "Аруаа" ажәабатәи реизара мҩаԥысит рашәара 14 рзы Аҟәа.
Аизараҿ аделегатцәа рықәгыларақәа рышьҭахь Иреиҳаӡоу ахеилак "Аруаа" 56-ҩык алахәылацәа абжьыҭарала иалырхит, ирыдыркылеит аизара арезолиуциа.
Ахәҭакахьала ашәҟәы аҟны иаҳәоит, Аҳәынҭқарра ахадеи Апарламенти рнапынҵақәа реиҭныԥсахлара анагӡараҿы мҽхакыҭбаала аполитикатә еиҭакрақәа аҭахны ишыҟоу. Уи адагьы, жәларбжьаратәи аҭагылазаашьатә еибарххарақәа инарымаданы "Аруаа" иазгәарҭоит ареспубликаҟны арбџьармчқәа рыҩаӡара ашьҭыхра шаҭаху, атехнологиатәи атехникатәи еиқәыршәара шрыҭатәу, руалафахәы шышьҭыхтәу, рҭаацәара социалла рыҩаӡара шышьҭыхтәу.
Иара убас "Аруаа" Апарламент иаднагалоит аҵыхәтәантәи аԥхьарала ирыдыркыларц, Аԥсны аџьынџьтәылатә еибашьра аветеранцәа рзы азакәан.
Абарҭқәа рнаҩс, аиҿкаара атәылаҟны афымцалашара ахәԥса ашьҭыхра инамаданы аҳәынҭқарра ахада иахь аҳәара ҟарҵоит Аԥыза-министри аекономика аҟәшеи русура ахәшьара аиҭарц. Апарламент аҵыхәтәантәи аԥхьарала ирыдыркыларц "Ареспублика ауаажәларратә телехәаԥшразы" азакәан.
Аҳақьымцәа аҳамҭақәа рыҭара
Рашәара 17, Амедицинатә усзуҩ Имш аламҭалазы, Аԥснытәи аҳәынҭқарратә филармониаҿы COVID-19 аламырҵәара иазааԥсоз аԥснытәи аҳақьымцәа "Ахьӡ-Аԥша" аорден ахԥатәи аҩаӡарақәа ранаршьеит.
Иреиҳаӡоу аҳәынҭқарратә ҳамҭақәа ирыԥсахеит Анжела Арҷелиаԥҳа, Алла Белиаева, Давид Бжинаа, Херсина Гәлиаԥҳа, Ирма Каҷарааԥҳа, Сариа Лакәаԥҳа, Викториа Тарԥҳа, Иана Хәарцкьиаԥҳа.
Аофициалтә хәҭа ашьҭахь еизаз зегьы ргәалаҟазаара шьҭыхуа рҿаԥхьа иқәгылеит аԥсуа естрада шәаҳәаҩцәеи акәашаратә коллективқәеи.
Есышықәса амедицина аусзуҩцәа рымш азгәарҭоит рашәарамза ахԥатәи амҽышазы - сынтәа уи иақәшәеит рашәара 19.
Иҳаҩсыз амчыбжь азы иналукааша хҭысхеит иара убас Аԥснытәи аҳәынқарратә университет анапхгаҩцәа ҿарацәа реицлабра "Аԥсны агәадура" мҩаԥнагоит ҳәа ахьрыларҳәаз. Аицлабра аҽалархәразы арзаҳалқәа рыдыркылоит ԥхынгәы 1 инаркны 7-нӡа.
Алхрақәа мҩаԥгахоит еиуеиԥшым ахәҭақәа рыла: ԥхынгәы 18 рзы- авидео-аессе аҿцәажәара, ԥхынгәы 25 рзы- аԥышәахыжьра, нанҳәа 1- аицлабра афинали алахәылацәа рпроектқәа аӡыргареи.
"Аԥсны агәадура" - анапхгараҭаҿы аус зур зылшо аҿар реицлаброуп, уи хықәкыс иамоуп Аԥсны Аҳәынҭқарраҿы абаҩхатәра злоу аҿар раарԥшреи рыдгылареи. Аиҿкааҩцәа ргәы излаҭаркыз ала, ари аицлабра анапхгаҩцәа ҿарацәа рзы социалтә цхыраагӡахоит, шьаҭасгьы иазыҟалоит ламыс злоу, зус здыруа абиԥара ҿа рыбзоурала аҳәынҭқарратә аппарат арҿыцра.
