https://sputnik-abkhazia.info/20220723/asni-urystylei-rarauaa-ochamchyra-azhytati-ankhara-ya-rny-azhraa-eiakhatsdyrkit-1040448724.html
Аԥсни Урыстәылеи рҵарауаа Очамчыра ажәытәӡатәи анхарҭа ҭыԥқәа рҟны ажрақәа еиҭахацдыркит
Аԥсни Урыстәылеи рҵарауаа Очамчыра ажәытәӡатәи анхарҭа ҭыԥқәа рҟны ажрақәа еиҭахацдыркит
Sputnik Аҧсны
2022 шықәсазы Гиуенос аҭыԥ аҟны акультуратә ҿысҭа аҭҵаара иалагоит, иара ихьшәоу аџьаз аамҭа иаҵанакуеит. Уи аҵаулара хә-метрак еиҳауп. 23.07.2022, Sputnik Аҧсны
2022-07-23T13:07+0300
2022-07-23T13:07+0300
2022-07-23T13:07+0300
аԥсны
ажәабжьқәа
очамчыра араион
ауаажәларра
https://cdnn1.img.sputnik-abkhazia.info/img/07e6/07/12/1040331760_0:161:3067:1886_1920x0_80_0_0_0dc491c1fb17a8d3240e11539ed1dce5.jpg
АҞӘА, ԥхынгәы 23 - Sputnik, Сариа Кәарцхьиаԥҳа. Аԥсни Урыстәылеи рҵарауаа Очамчыра ажәытәӡатәи анхарҭа ҭыԥқәа рҟны ажрақәа еиҭахацдыркит, абри атәы еиҭеиҳәеит Аԥснытәи аҳәынҭқарратә музеи адиректор, Аԥсуаҭҵааратә институт археологиа аҟәша аҭҵаарадырратә усзуҩы аиҳабы Аркади Џьопуа."Иахьа Аԥсны аҭҵаарадыррақәа Ракадемиа аҟынтәи иаарту абӷьыц ҳауит, уи ашьҭахь Аԥснытәи аҳәынҭқарратә музеии, Аԥсуаҭҵааратә институти Москватәи археологиатә институти аекспедициа аицымҩаԥгара ҳалагеит. Ажәытәӡатәи ақалақь Гиуенес аҟны ажрақәа ҳрылагеит. Шықәсқәак ҵуеит уаҟа ажрақәа мҩаԥаагоижьҭеи", - иҳәеит Џьопуа.Гиуенос аҭҵаара иалахәуп 15-ҩык, Урыстәылатәи агәыԥ еиҳарак ишьақәгылоуп аволонтиорцәа рыла. Аԥсуа ган ала ажрақәа напхгара аиҭоит Аркади Џопуа, урыстәылатәи - аҭоурыхҭҵаарақәа ркандидат, Мрагылараҭҵаара аинститут аиҳабы ихаҭыԥуаҩ Александр Скаков.Сынтәа аҵарауаа Гиуенос ажрақәа мҩаԥыргоит ҵыԥх иахьымҩаԥыргоз аҭыԥ аҟны. Ажрақәа руак аан дара акультуратә ҿысҭанӡа инаӡеит, уи византиатәи аамҭа иаҵанакуеит, егьи аҭыԥаҿы - заатәи антика.Аԥсни Урыстәылеи рҵарауаа антикатәи ақалақь Гиуенос ахьыҟаз аҭыԥ аҿы ажрақәа мҩаԥыргоит нанҳәамза 20 рҟынӡа.Гиуенос аҭҵаара иалагеит 1934-1935 шықәсқәа рзы, арратә баӷәаза аргылараан, амала усҟан ажрақәа мҩаԥгамызт. Гиуенос – Аԥсны аҵакыраҿы ишьақәырӷәӷәаҵәҟьоу антикатә полисуп.Аԥшаарақәа раан иаарԥшхеит аҭоубыҭ ахҩеи ахьымаҭәаки. Уаанӡа ара иԥшаан арамеи бызшәала ицәажәоз ахаҳәҟьаԥс. 2021 шықәса нанҳәамза анҵәамҭазы Урыстәылеи Аԥсни рҟынтәи аҭҵааҩцәа Гиуенос аҭыԥ аҿы адаздам аԥшаах рымԥыхьашәеит – атсалых ҭоубыҭ ҳара ҳераан V-VI ашәышықәсақәа раамҭа иаҵанакуа.
https://sputnik-abkhazia.info/20220214/giuenos-ishaaz-aouby-asnyti-amuzei-aeksponata-ireiuakhoit-1037584354.html
https://sputnik-abkhazia.info/20211021/giuenos-ay-ay-ishaaz-atsalykh-ouby-aarauaa-ikhdyrtit-1036009001.html
очамчыра араион
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, очамчыра араион, ауаажәларра
ажәабжьқәа, очамчыра араион, ауаажәларра
Аԥсни Урыстәылеи рҵарауаа Очамчыра ажәытәӡатәи анхарҭа ҭыԥқәа рҟны ажрақәа еиҭахацдыркит
2022 шықәсазы Гиуенос аҭыԥ аҟны акультуратә ҿысҭа аҭҵаара иалагоит, иара ихьшәоу аџьаз аамҭа иаҵанакуеит. Уи аҵаулара хә-метрак еиҳауп.
АҞӘА, ԥхынгәы 23 - Sputnik, Сариа Кәарцхьиаԥҳа. Аԥсни Урыстәылеи рҵарауаа Очамчыра ажәытәӡатәи анхарҭа ҭыԥқәа рҟны ажрақәа еиҭахацдыркит, абри атәы еиҭеиҳәеит Аԥснытәи аҳәынҭқарратә музеи адиректор, Аԥсуаҭҵааратә институт археологиа аҟәша аҭҵаарадырратә усзуҩы аиҳабы Аркади Џьопуа.
"Иахьа Аԥсны аҭҵаарадыррақәа Ракадемиа аҟынтәи иаарту абӷьыц ҳауит, уи ашьҭахь Аԥснытәи аҳәынҭқарратә музеии, Аԥсуаҭҵааратә институти Москватәи археологиатә институти аекспедициа аицымҩаԥгара ҳалагеит. Ажәытәӡатәи ақалақь Гиуенес аҟны ажрақәа ҳрылагеит. Шықәсқәак ҵуеит уаҟа ажрақәа мҩаԥаагоижьҭеи", - иҳәеит Џьопуа.
Гиуенос аҭҵаара иалахәуп 15-ҩык, Урыстәылатәи агәыԥ еиҳарак ишьақәгылоуп аволонтиорцәа рыла. Аԥсуа ган ала ажрақәа напхгара аиҭоит Аркади Џопуа, урыстәылатәи - аҭоурыхҭҵаарақәа ркандидат, Мрагылараҭҵаара аинститут аиҳабы ихаҭыԥуаҩ Александр Скаков.
Сынтәа аҵарауаа Гиуенос ажрақәа мҩаԥыргоит ҵыԥх иахьымҩаԥыргоз аҭыԥ аҟны. Ажрақәа руак аан дара акультуратә ҿысҭанӡа инаӡеит, уи византиатәи аамҭа иаҵанакуеит, егьи аҭыԥаҿы - заатәи антика.
"Ажрақәа ҵыԥх иахьымҩаԥаҳгоз имҩаԥаагоит. Руак аҟны ҳера V-VI ашәышықәсақәа раамҭа иаҵанакуа атсалых ҭоубыҭ ҳԥыхьашәеит. Уи аҭыԥ ҵыԥх аҭҵаара ахыркәшара ҳалымшеит, уи азоуп сынтәагьы уаҟа изацаҳҵо. Мрагылартәи аган ала хә-метрак рҟынӡа иаҳжхьеит, уаҟа инҵәоит заатәи антикатә ҿыгҳара, анаҩс иалагоит ихьшәоу аџьаз аамҭа, уи аҭыԥантәи колхидатәи анхарҭақәа раамҭоуп. Алҵшәа бзиақәа ҳарзыԥшуп", - иҳәеит Џьопуа.
Аԥсни Урыстәылеи рҵарауаа антикатәи ақалақь Гиуенос ахьыҟаз аҭыԥ аҿы ажрақәа мҩаԥыргоит нанҳәамза 20 рҟынӡа.
Гиуенос аҭҵаара иалагеит 1934-1935 шықәсқәа рзы, арратә баӷәаза аргылараан, амала усҟан ажрақәа мҩаԥгамызт. Гиуенос – Аԥсны аҵакыраҿы ишьақәырӷәӷәаҵәҟьоу антикатә полисуп.
Аԥшаарақәа раан иаарԥшхеит аҭоубыҭ ахҩеи ахьымаҭәаки. Уаанӡа ара иԥшаан арамеи бызшәала ицәажәоз ахаҳәҟьаԥс. 2021 шықәса нанҳәамза анҵәамҭазы Урыстәылеи Аԥсни рҟынтәи аҭҵааҩцәа Гиуенос аҭыԥ аҿы адаздам аԥшаах рымԥыхьашәеит – атсалых ҭоубыҭ ҳара ҳераан V-VI ашәышықәсақәа раамҭа иаҵанакуа.
