https://sputnik-abkhazia.info/20221212/aa-iaatueit-alesandr-shervashie-chachba-diizhei-155-shysa-ara-iazku-atsyrgaa-1043089903.html
Аҟәа иаатуеит Алеқсандр Шервашиӡе-Чачба диижьҭеи 155 шықәса аҵра иазку ацәыргақәҵа
Аҟәа иаатуеит Алеқсандр Шервашиӡе-Чачба диижьҭеи 155 шықәса аҵра иазку ацәыргақәҵа
Sputnik Аҧсны
Ацәыргақәҵа аартызаауеит ԥхынҷкәын 15-24 рҟынӡа, уаҟа ицәыргахоит 80 инареиҳаны асахьаҭыхыҩ иусумҭақәа. 12.12.2022, Sputnik Аҧсны
2022-12-12T19:44+0300
2022-12-12T19:44+0300
2022-12-12T19:44+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e4/08/11/1030773673_0:1:1763:992_1920x0_80_0_0_7355f2ff32dff0d7eb8a3b1151cbb73d.jpg
АҞӘА, ԥхынҷкәын 12 - Sputnik. Аԥсуа сахьаҭыхыҩ, асценограф, аҟазаҭҵааҩы Александр Шервашиӡе-Чачба диижьҭеи 155 шықәса аҵра иазкны Аҟәа Асахьаҭыхыҩцәа Реидгыла рцәыргақәҵатә зал хадаҟны иаатуеит ацәыргақәҵа. Абри атәы аанацҳауеит Аԥсны акультура аминистрра апресс-маҵзура. Уи адагьы аҭааҩцәа ирбар рылшоит уи аамҭа иаҵанакуаз асахьаҭыхыҩцәа рпотретқәа - арежиссиор, адраматург Николаи Евреинов, актрисацәа Наталиа Бутковскаиа, Клодин Биссон уҳәа аӡәырҩы. Ацәыргақәҵаҿ ихадоу аҭыԥ аанакылоит асахьаҭыхыҩ Франциа амилаҭтә сахьаҭыхыҩцәа реилазаара дызхаларҵаз - автопортрет.Алеқсандр Чачба - Аԥсны аҳ Қьалышьбеи Чачба имоҭа иԥа, раԥхьаӡатәи аԥсуа профессионалтә сахьаҭыхыҩ, Урыстәыла ареволиуциа ҟалаанӡа атеатрқәа рдекоратор ду, еицырдыруаз петербургтәи атеатрқәа асценограф.Асахьаҭыхҩы иԥсҭазаара далҵит нанҳәамза 17, 1968 шықәса рзы, 101 шықәса дшырҭагылаз, Монако абыргцәа рыҩнаҿы. Анышә дамадан Ницца, аурыс нышәынҭраҿы. Лаҵарамза 12, 1985 шықәса рзы Аԥсны аҳҭнықалақь Аҟәаҟа иԥсыбаҩ ииаган, амилаҭтә музеи азааигәара джуп.Алеқсандр Чачба (Шервашиӡе) иусумҭақәа ҵәахуп Аҳәынҭқарратә милаҭтә сахьаҭыхратә галереиаҿы, аҳәынҭқарратә аурыстә театр аҿы, атеатралтә музеи аҿы, атеатралтә библиотекаҿы(Санкт-Петербург), Москва, Бахрушин ихьӡ зху атеатралтә музеи аҿы, Урыстәылеи, адунеи атәылақәеи жәпакы рҿы ахатәы коллекциақәа рҿы. Алеқсандр Чачба ихьӡ ахуп Аҟәатәи асаахьаҭыхратә ҵараиурҭа.
https://sputnik-abkhazia.info/20221212/asny-akulturat-afisha-shervashie-chachba-itsyrgaa-aibashra-akhati-amsh--1043073014.html
https://sputnik-abkhazia.info/20181224/aduneit-kultura-duzza-ahychyrta-zdyruaz-aleksandr-chachba-igualashara-iazkny-1026089333.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Аҟәа иаатуеит Алеқсандр Шервашиӡе-Чачба диижьҭеи 155 шықәса аҵра иазку ацәыргақәҵа
Ацәыргақәҵа аартызаауеит ԥхынҷкәын 15-24 рҟынӡа, уаҟа ицәыргахоит 80 инареиҳаны асахьаҭыхыҩ иусумҭақәа.
АҞӘА, ԥхынҷкәын 12 - Sputnik. Аԥсуа сахьаҭыхыҩ, асценограф, аҟазаҭҵааҩы Александр Шервашиӡе-Чачба диижьҭеи 155 шықәса аҵра иазкны Аҟәа Асахьаҭыхыҩцәа Реидгыла рцәыргақәҵатә зал хадаҟны иаатуеит ацәыргақәҵа. Абри атәы
аанацҳауеит Аԥсны акультура аминистрра апресс-маҵзура.
Ацәыргақәҵа аартызаауеит ԥхынҷкәын 15-24 рҟынӡа, уаҟа ицәыргахоит 80 инареиҳаны Шервашиӡе-Чачба иусумҭақәа. Иара убас, ицәыргахоит асахьаҭыхыҩ Александриатәии Мариитәии атеатрқәа рыҟны декораторс даныҟаз иаԥиҵаз адекорациақәеи акостиумқәа рескизқәеи.
Уи адагьы аҭааҩцәа ирбар рылшоит уи аамҭа иаҵанакуаз асахьаҭыхыҩцәа рпотретқәа - арежиссиор, адраматург Николаи Евреинов, актрисацәа Наталиа Бутковскаиа, Клодин Биссон уҳәа аӡәырҩы. Ацәыргақәҵаҿ ихадоу аҭыԥ аанакылоит асахьаҭыхыҩ Франциа амилаҭтә сахьаҭыхыҩцәа реилазаара дызхаларҵаз - автопортрет.
Алеқсандр Чачба - Аԥсны аҳ Қьалышьбеи Чачба имоҭа иԥа, раԥхьаӡатәи аԥсуа профессионалтә сахьаҭыхыҩ, Урыстәыла ареволиуциа ҟалаанӡа атеатрқәа рдекоратор ду, еицырдыруаз петербургтәи атеатрқәа асценограф.
Асахьаҭыхҩы иԥсҭазаара далҵит нанҳәамза 17, 1968 шықәса рзы, 101 шықәса дшырҭагылаз, Монако абыргцәа рыҩнаҿы. Анышә дамадан Ницца, аурыс нышәынҭраҿы. Лаҵарамза 12, 1985 шықәса рзы Аԥсны аҳҭнықалақь Аҟәаҟа иԥсыбаҩ ииаган, амилаҭтә музеи азааигәара джуп.
Алеқсандр Чачба (Шервашиӡе) иусумҭақәа ҵәахуп Аҳәынҭқарратә милаҭтә сахьаҭыхратә галереиаҿы, аҳәынҭқарратә аурыстә театр аҿы, атеатралтә музеи аҿы, атеатралтә библиотекаҿы(Санкт-Петербург), Москва, Бахрушин ихьӡ зху атеатралтә музеи аҿы, Урыстәылеи, адунеи атәылақәеи жәпакы рҿы ахатәы коллекциақәа рҿы. Алеқсандр Чачба ихьӡ ахуп Аҟәатәи асаахьаҭыхратә ҵараиурҭа.
