https://sputnik-abkhazia.info/20250901/sputnik-amchybzh-anyat-mchybzhy-aa-imagaz-amedia-liga-shamtyla-atsyrgaa-1057226893.html
Sputnik амчыбжь: аныҳәатә мчыбжьы, Аҟәа имҩаԥгаз амедиа-лига, Шьамтәыла ацәыргақәҵа
Sputnik амчыбжь: аныҳәатә мчыбжьы, Аҟәа имҩаԥгаз амедиа-лига, Шьамтәыла ацәыргақәҵа
Sputnik Аҧсны
Аԥсны иҳаҩсыз амчыбжь аныҳәақәа рыла ибеиан. Ареспубликаҿ азхаҵара Амш азгәарҭеит, иазгәарҭеит Нанҳәа - Иԥшьоу Мариа лылацәеиқәыԥсара. Аҟәа, астадион "Динамо"... 01.09.2025, Sputnik Аҧсны
2025-09-01T08:30+0300
2025-09-01T08:30+0300
2025-09-01T08:53+0300
аԥсны
ажәабжьқәа
https://cdnn1.img.sputnik-abkhazia.info/img/07e9/08/1e/1057212099_0:85:1620:996_1920x0_80_0_0_f5449e739e12b48a43f1f79689e035f4.jpg
Иҳаҩсыз амчыбжь азы иҟалаз егьырҭ ахҭысқәа ртәы шәаԥхьа Sputnik аматериал аҿы.SputnikАныҳәа мчыбжьыИиасыз амчыбжь азы ареспубликаҿ азхаҵара Амш азгәарҭеит, иазгәарҭеит Нанҳәа - Иԥшьоу Мариа лылацәеиқәыԥсара.Нанҳәа 26 азы иазгәарҭеит Урыстәылатәи Афедерациа Аԥсны ахьыԥшымра азханаҵеижьҭеи 17 шықәса аҵра. Шьыжьы инаркны ауаажәларреи анапхгареи рхаҭарнакцәа Аԥсны ахьчаҩцәа ргәаладыршәеит, иара убасгьы Аԥсны уаанӡатәи ахадацәа Владислав Арӡынбеи Сергеи Багаԥшьи ргәаладыршәеит.Ахәылԥаз аҳҭнықалақь аҿы аныҳәатә концерт еиҿкаан аҭыԥантәи аколлективқәеи аԥсуа естрада ашәаҳәаҩцәеи алархәны.Ауснагӡатә иаҭааит Аԥсны ахада Бадра Гәынбеи Аԥсны иҟоу Урыстәыла ацҳаражәҳәаҩ Михаил Шургалини. Урҭ Аԥсны ажәлар ирыдныҳәалеит.Нанҳәа 28 рзы ареспубликаҿ иазгәарҭеит Нанҳәа. Уи Анцәа иан лылахьеиқәыԥсара амш иақәшәоит.Нанҳәа адинтә ҟазшьеиԥш акультуратә ҟазшьагьы амоуп. Уи амш азы зыԥсы ҭам ргәаладыршәоит.Ари амш ареспублика ауааԥсыра рзы иԥсшьарамшын. Аԥсны ажәлар аныҳәа рыдиныҳәалеит ахада Бадра Гәынба.Актәи атеатртә музеиАԥсны раԥхьаӡатәи атеатртә музеи аартра Аԥсны ахьыԥшымра Жәларбжьаратәи азхаҵара Амш иақәшәеит. Искандер ихьӡ зху Аурыс драматә театр аҿы аекспозициатә ҵакыра ҿыц цәырҵит.Бахрушин ихьӡ зху атеатртә музеи аспециалистцәа аекспозициа аконцепциа, адизаин аус адырулон, амтериал еидыркалон.Амузеи аартра иалахәын Аԥсны ахада Бадра Гәынба, Аԥсны иҟоу Урыстәыла ацҳаражәҳәаҩ Михаил Шургалин, Бахрушин ихьӡ зху атеатртә музеи адиректор хада Кристина Трубинова.Ахада иҟынтәи адҵақәаНанҳәа 27 азы ахада Бадра Гәынба аиҳабыра алархәны аилатәара мҩаԥигеит.Аԥсны ахада Бадра Гәынба аекономика, ақыҭанхамҩа, атуризм, аенергетика, атранспорт рхырхарҭақәа рыла атәыла Аиҳабыра анапынҵақәа жәпакы риҭеит.Аекономика аусхк аганахьала анапынҵа ҟаҵоуп ԥхынҷкәын 1 аҟынӡа: аамҭала мамзаргьы ахԥатәи ахаҿқәа рхы иадырхәогьы уахь иналаҵаны аҳәынҭқарратә мазара ахархәара еиҳа хра аманы аҟаларазы ажәалагалақәа азырхиазарц; аҳәынҭқарратә унитартә наплакқәеи аҳәынҭқарра злахәу анаплакқәеи русура аиӷьтәразы ажәалагалақәа азырхиазарц; анаплак маҷқәеи абжьаратәи анаплакқәеи рыцхрааразы аусбарҭатә хықәкытә программа шьақәырӷәӷәазарц у.у.е.Ақыҭанхамҩа аусхк аганахьала анапынҵа ҟаҵоуп аусбарҭа-хықәкытә программа "2026 шықәсазы ақыҭанхамҩа аҿиара" шьақәырӷәӷәазарц; ақыҭарақәа рҿы афермертә нхамҩақәеи анаплакҩцәеи рыцхрааразы ажәалагалақәа азырхиазарц.Атуризм аусхк аганахьала анапынҵа ҟаҵоуп атуристтә индустриа 2030 шықәсанӡа арҿиаразы Аконцепциа апроект аус адулазарц, насгьы еиҳа еиӷьу аҟазшьақәа зцу атуристтә мҩақәа рырҿыцразы ажәалагалақәа адгалазарц; 2026 шықәса хәажәкыра 10 рҟынӡа асасааирҭақәеи егьырҭ анхарҭатә ҭыԥқәеи рыклассификациазы Аԥҟарақәа аус рыдуланы ишьақәырӷәӷәазарц, иара убасгьы анхарҭа ҭыԥқәа рзы Иаку ареспубликатә шәҟәынҵа алагаларазы Аԥҟарақәа шьақәыргылазарц.Аенергетика аусхк аганахьала: Аԥсны иҭырмыжьуа, насгьы атәыла алагаларазы ашәахтә зқәым еиҭарҿыцым ахыҵхырҭақәа рҟынтәи афымцамч арҿиаразы атехнологиатә хархәагақәа реиқәыԥхьаӡа еиқәыршәазарц; 2026 шықәса хәажәкыра 10 рҟынӡа афымцамчтә нхамҩа аиҭарҿыцреи афымцамч альтернативатә хыҵхырҭақәа ралагалареи рызҵаарақәа зҵазкуа аенергетика аусхк аҿиара акраамҭатәи Астратегиа аус адулазарц.Атранспорт аусхк аганахь ала: аихамҩатә транспорт арҿиаразы ажәалагалақәа адгалазарц, Аԥсны атәылауаа атаксиқәа рҿы русура азԥхьагәазҭо апассаџьырцәа рныҟәгаразы алицензиа аҭаразы азакәанԥҵара аиҭакрақәа алагалазарц; аграждантә авиациа аусхк аганахьала азакәанеиҵатә актқәа азырхиазарц."Есҽынтәи аусураҟынтәи акыршықәсатәи ауснагӡатәқәа рахь ииастәуп" ҳәа иҳәеит Аԥсны ахада.Аҭоурыхтә хәмарраНанҳәа 30 азы Амедиалига аҳәаақәа ирҭагӡаны Аҟәа, астадион "Динамо" аҿы еиԥылеит ашьапылампылтә командақәа "Аԥсни" "Чертаново-и".Аԥсны ауааԥсыра рзы ари хҭыс духеит. "Динамо" ахәаԥшцәа рыла иҭәын. Астадион аҿы аҳра ауан аныҳәатә ҭагылазаашьа.Ахәмарра рбарц арахь иааит Бадра Гәынба дзаԥхьагылаз атәыла анапхгара."Чертаново" 0:3 ҳәа аиааира агеит.Аиндаҭлара ашьҭахь Бадра Гәынба Аԥснытәи ашьапылампыласҩцәа дырԥылеит, ахәмарразы ҭабуп ҳәа реиҳәеит, ҩымчыбжь рыла еиуеиԥшым акомандақәа рҟынтәи еидкылаз ашьапылампыласҩцәа ахәмарра адәаҿы иаԥсаны рхы аарԥшра шрылшаз инаҵшьны иазгәеиҭеит.Нанҳәа 30 рзы Аԥсны Аҳәынҭқарра ахада Амедиалига анапхгаҩы Николаи Осипов диԥылеит.Уи иазгәеиҭеит Амедиа-футболтә лига алахәхара Аԥсны аспорт аҿиареи ареспублика аҳәаанырцә ахьӡ аларҵәареи рзы акыр шаҵанакуа.Ашкол аҽазыҟаҵараИҳаҩсыз амчыбжь зегьы иалагӡаны ареспублика аҵарашықәс алагараз аҽазыҟаҵара иаҿын.Ареспублика азеиԥш ҵараиурҭақәа ирызшан арҵага шәҟәқәа, иара убас зматериалтә ҭагылазаашьа уадаҩу, ахәыҷы рацәа змоу аҭаацәа ирызшан ашколмаҭәа.Араионқәа рҵарадырратә ҟәшақәа рахь 13 000 инареиҳаны арҵага шәҟәқәа нашьҭын. Иара убас иҭыҵит ахәбатәи акласс азы аурыс бызшәа арҵага шәҟәы. Ашәҟәқәа цәыббра 15 рҟынӡа рыҭара мҩаԥыслоит. Сынтәа иааидкыланы ареспублика ашколқәа ироуеит 30 рҟынӡа рҵагашәҟәхкы.Иара убас, актәи акласс аҵаҩцәа рзы аҳәынҭқарра ахада иҟынтәи аҳамҭақәа рзырхиан – арҵагамаҭәахәқәа зҭоу ашәырақәа.Аҳәынҭқарратә автоинспекциа анапхгаҩы иҟаиҵаз адыррақәа рыла, Аԥсны автоинспекциа аусзуҩцәа цәыббрамза раԥхьатәи амшқәа рзы ашколқәа рзааигәара иӷәӷәоу арежим ала аусура иалагоит.Аԥсны Дамасктәи ацәыргақәҵаҿыАдәныҟатәи аусқәа рминистр Олег Барцыц напхгара зиҭо Аԥснытәи аделегациа 62-тәи Дамасктәи Жәларбжьаратәи ацәыргақәҵа аартра ацеремониа ахы аланархәит.Ацәыргақәҵаҿы идырбан Владислав Арӡынба ихьӡ зху аҳаирбаӷәаза аиҭашьақәыргыларазы апроект, ареспублика аинвестициатә лшара, иара убас еиуеиԥшым аԥсуа аалыҵқәа.Аҭаара аҳәаақәа ирҭагӡаны аофициалтә еиԥыларақәагьы мҩаԥган. Аԥсны адәныҟатәи аусқәа рминистр Олег Барцыци Урыстәылатәи Афедерациа ацҳаражәҳәаҩ Александр Ефимови аҩганктәи аусеицура арӷәӷәара азҵаарақәа ирылацәажәеит. Иара убас, Аԥсни Шьамтәылеи еиқәшаҳаҭхеит акультуреи ақыҭанхамҩеи рганахь ала русеицура арҿиаразы.
https://sputnik-abkhazia.info/20250826/asny-akhyshymra-azkhaara-amsh-aayraz-anyat-kontsert-maysit-aa-1057143706.html
https://sputnik-abkhazia.info/20250826/badra-gynba-asny-akhyshymra-azkhaara-amsh-iazkyz-akontsert-any-adnyalara-aieit-1057143826.html
https://sputnik-abkhazia.info/20250826/ateatrt-muzei-aatit-rusdram-ay-1057137235.html
https://sputnik-abkhazia.info/20250827/gynba-aiabyra-irydieit-aarei-aar-rpolitikei-asporti-ry-ausnagata-eidyrsharts-1057155716.html
https://sputnik-abkhazia.info/20250827/aekonomika-ayankhama-aturizm-aenergetika-atransport-rzy-aiabyra-anapynaa-ryoup-1057159273.html
https://sputnik-abkhazia.info/20250827/akhada-aministrtsa-iriaz-anapynaa-rynagashazy-aasabyrba-aralarts-ada-rieit-1057163281.html
https://sputnik-abkhazia.info/20250831/ashapylampyl-anya-asni-chertanovoi-reitsykhmarra-1057215675.html
https://sputnik-abkhazia.info/20250831/abati-aklass-azy-asua-akhara-eiarytsny-aati-akti-ashkol-ay-iyrshoit-synta-1057225299.html
https://sputnik-abkhazia.info/20250830/aynavtoinspektsia-auszutsa-ashkola-raaigara-rusura-dyroit-1057200367.html
https://sputnik-abkhazia.info/20250828/vladislav-arynba-ikh-zkhu-aairbaaza-aiashayrgylara-aproekt-shamtyla-iyryrgeit-1057180279.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Sputnik амчыбжь: аныҳәатә мчыбжьы, Аҟәа имҩаԥгаз амедиа-лига, Шьамтәыла ацәыргақәҵа
08:30 01.09.2025 (ирҿыцуп: 08:53 01.09.2025) Аԥсны иҳаҩсыз амчыбжь аныҳәақәа рыла ибеиан. Ареспубликаҿ азхаҵара Амш азгәарҭеит, иазгәарҭеит Нанҳәа - Иԥшьоу Мариа лылацәеиқәыԥсара. Аҟәа, астадион "Динамо" аҿы иҟан даҽа ныҳәак – аспорттә ныҳәа– Амедиалига аҳәаақәа ирҭагӡаны Аԥсны акоманда актәи аиқәшәара мҩаԥнагеит.
Иҳаҩсыз амчыбжь азы иҟалаз егьырҭ ахҭысқәа ртәы шәаԥхьа Sputnik аматериал аҿы.
Ииасыз амчыбжь азы ареспубликаҿ азхаҵара Амш азгәарҭеит, иазгәарҭеит Нанҳәа - Иԥшьоу Мариа лылацәеиқәыԥсара.
Нанҳәа 26 азы иазгәарҭеит Урыстәылатәи Афедерациа Аԥсны ахьыԥшымра азханаҵеижьҭеи 17 шықәса аҵра. Шьыжьы инаркны ауаажәларреи анапхгареи рхаҭарнакцәа Аԥсны ахьчаҩцәа ргәаладыршәеит, иара убасгьы Аԥсны уаанӡатәи ахадацәа Владислав Арӡынбеи Сергеи Багаԥшьи ргәаладыршәеит.
Ахәылԥаз аҳҭнықалақь аҿы аныҳәатә концерт еиҿкаан аҭыԥантәи аколлективқәеи аԥсуа естрада ашәаҳәаҩцәеи алархәны.
Ауснагӡатә иаҭааит Аԥсны ахада Бадра Гәынбеи Аԥсны иҟоу Урыстәыла ацҳаражәҳәаҩ Михаил Шургалини. Урҭ Аԥсны ажәлар ирыдныҳәалеит.
Нанҳәа 28 рзы ареспубликаҿ иазгәарҭеит Нанҳәа. Уи Анцәа иан лылахьеиқәыԥсара амш иақәшәоит.
Нанҳәа адинтә ҟазшьеиԥш акультуратә ҟазшьагьы амоуп. Уи амш азы зыԥсы ҭам ргәаладыршәоит.
Ари амш ареспублика ауааԥсыра рзы иԥсшьарамшын. Аԥсны ажәлар аныҳәа рыдиныҳәалеит ахада Бадра Гәынба.
Аԥсны раԥхьаӡатәи атеатртә музеи аартра Аԥсны ахьыԥшымра Жәларбжьаратәи азхаҵара Амш иақәшәеит. Искандер ихьӡ зху Аурыс драматә театр аҿы аекспозициатә ҵакыра ҿыц цәырҵит.
Бахрушин ихьӡ зху атеатртә музеи аспециалистцәа аекспозициа аконцепциа, адизаин аус адырулон, амтериал еидыркалон.
Амузеи аартра иалахәын Аԥсны ахада Бадра Гәынба, Аԥсны иҟоу Урыстәыла ацҳаражәҳәаҩ Михаил Шургалин, Бахрушин ихьӡ зху атеатртә музеи адиректор хада Кристина Трубинова.
Нанҳәа 27 азы ахада Бадра Гәынба аиҳабыра алархәны аилатәара мҩаԥигеит.
Аԥсны ахада Бадра Гәынба аекономика, ақыҭанхамҩа, атуризм, аенергетика, атранспорт рхырхарҭақәа рыла атәыла Аиҳабыра анапынҵақәа жәпакы риҭеит.
Аекономика аусхк аганахьала анапынҵа ҟаҵоуп ԥхынҷкәын 1 аҟынӡа: аамҭала мамзаргьы ахԥатәи ахаҿқәа рхы иадырхәогьы уахь иналаҵаны аҳәынҭқарратә мазара ахархәара еиҳа хра аманы аҟаларазы ажәалагалақәа азырхиазарц; аҳәынҭқарратә унитартә наплакқәеи аҳәынҭқарра злахәу анаплакқәеи русура аиӷьтәразы ажәалагалақәа азырхиазарц; анаплак маҷқәеи абжьаратәи анаплакқәеи рыцхрааразы аусбарҭатә хықәкытә программа шьақәырӷәӷәазарц у.у.е.
Ақыҭанхамҩа аусхк аганахьала анапынҵа ҟаҵоуп аусбарҭа-хықәкытә программа "2026 шықәсазы ақыҭанхамҩа аҿиара" шьақәырӷәӷәазарц; ақыҭарақәа рҿы афермертә нхамҩақәеи анаплакҩцәеи рыцхрааразы ажәалагалақәа азырхиазарц.
Атуризм аусхк аганахьала анапынҵа ҟаҵоуп атуристтә индустриа 2030 шықәсанӡа арҿиаразы Аконцепциа апроект аус адулазарц, насгьы еиҳа еиӷьу аҟазшьақәа зцу атуристтә мҩақәа рырҿыцразы ажәалагалақәа адгалазарц; 2026 шықәса хәажәкыра 10 рҟынӡа асасааирҭақәеи егьырҭ анхарҭатә ҭыԥқәеи рыклассификациазы Аԥҟарақәа аус рыдуланы ишьақәырӷәӷәазарц, иара убасгьы анхарҭа ҭыԥқәа рзы Иаку ареспубликатә шәҟәынҵа алагаларазы Аԥҟарақәа шьақәыргылазарц.
Аенергетика аусхк аганахьала: Аԥсны иҭырмыжьуа, насгьы атәыла алагаларазы ашәахтә зқәым еиҭарҿыцым ахыҵхырҭақәа рҟынтәи афымцамч арҿиаразы атехнологиатә хархәагақәа реиқәыԥхьаӡа еиқәыршәазарц; 2026 шықәса хәажәкыра 10 рҟынӡа афымцамчтә нхамҩа аиҭарҿыцреи афымцамч альтернативатә хыҵхырҭақәа ралагалареи рызҵаарақәа зҵазкуа аенергетика аусхк аҿиара акраамҭатәи Астратегиа аус адулазарц.
Атранспорт аусхк аганахь ала: аихамҩатә транспорт арҿиаразы ажәалагалақәа адгалазарц, Аԥсны атәылауаа атаксиқәа рҿы русура азԥхьагәазҭо апассаџьырцәа рныҟәгаразы алицензиа аҭаразы азакәанԥҵара аиҭакрақәа алагалазарц; аграждантә авиациа аусхк аганахьала азакәанеиҵатә актқәа азырхиазарц.
"Есҽынтәи аусураҟынтәи акыршықәсатәи ауснагӡатәқәа рахь ииастәуп" ҳәа иҳәеит Аԥсны ахада.
Нанҳәа 30 азы Амедиалига аҳәаақәа ирҭагӡаны Аҟәа, астадион "Динамо" аҿы еиԥылеит ашьапылампылтә командақәа "Аԥсни" "Чертаново-и".
Аԥсны ауааԥсыра рзы ари хҭыс духеит. "Динамо" ахәаԥшцәа рыла иҭәын. Астадион аҿы аҳра ауан аныҳәатә ҭагылазаашьа.
Ахәмарра рбарц арахь иааит Бадра Гәынба дзаԥхьагылаз атәыла анапхгара.
"Чертаново" 0:3 ҳәа аиааира агеит.
Аиндаҭлара ашьҭахь Бадра Гәынба Аԥснытәи ашьапылампыласҩцәа дырԥылеит, ахәмарразы ҭабуп ҳәа реиҳәеит, ҩымчыбжь рыла еиуеиԥшым акомандақәа рҟынтәи еидкылаз ашьапылампыласҩцәа ахәмарра адәаҿы иаԥсаны рхы аарԥшра шрылшаз инаҵшьны иазгәеиҭеит.
Нанҳәа 30 рзы Аԥсны Аҳәынҭқарра ахада Амедиалига анапхгаҩы Николаи Осипов диԥылеит.
Уи иазгәеиҭеит Амедиа-футболтә лига алахәхара Аԥсны аспорт аҿиареи ареспублика аҳәаанырцә ахьӡ аларҵәареи рзы акыр шаҵанакуа.
Иҳаҩсыз амчыбжь зегьы иалагӡаны ареспублика аҵарашықәс алагараз аҽазыҟаҵара иаҿын.
Ареспублика азеиԥш ҵараиурҭақәа ирызшан арҵага шәҟәқәа, иара убас зматериалтә ҭагылазаашьа уадаҩу, ахәыҷы рацәа змоу аҭаацәа ирызшан ашколмаҭәа.
Араионқәа рҵарадырратә ҟәшақәа рахь 13 000 инареиҳаны арҵага шәҟәқәа нашьҭын. Иара убас иҭыҵит ахәбатәи акласс азы аурыс бызшәа арҵага шәҟәы. Ашәҟәқәа цәыббра 15 рҟынӡа рыҭара мҩаԥыслоит. Сынтәа иааидкыланы ареспублика ашколқәа ироуеит 30 рҟынӡа рҵагашәҟәхкы.
Иара убас, актәи акласс аҵаҩцәа рзы аҳәынҭқарра ахада иҟынтәи аҳамҭақәа рзырхиан – арҵагамаҭәахәқәа зҭоу ашәырақәа.
Аҳәынҭқарратә автоинспекциа анапхгаҩы иҟаиҵаз адыррақәа рыла, Аԥсны автоинспекциа аусзуҩцәа цәыббрамза раԥхьатәи амшқәа рзы ашколқәа рзааигәара иӷәӷәоу арежим ала аусура иалагоит.
Аԥсны Дамасктәи ацәыргақәҵаҿы
Адәныҟатәи аусқәа рминистр Олег Барцыц напхгара зиҭо Аԥснытәи аделегациа 62-тәи Дамасктәи Жәларбжьаратәи ацәыргақәҵа аартра ацеремониа ахы аланархәит.
Ацәыргақәҵаҿы идырбан Владислав Арӡынба ихьӡ зху аҳаирбаӷәаза аиҭашьақәыргыларазы апроект, ареспублика аинвестициатә лшара, иара убас еиуеиԥшым аԥсуа аалыҵқәа.
Аҭаара аҳәаақәа ирҭагӡаны аофициалтә еиԥыларақәагьы мҩаԥган. Аԥсны адәныҟатәи аусқәа рминистр Олег Барцыци Урыстәылатәи Афедерациа ацҳаражәҳәаҩ Александр Ефимови аҩганктәи аусеицура арӷәӷәара азҵаарақәа ирылацәажәеит. Иара убас, Аԥсни Шьамтәылеи еиқәшаҳаҭхеит акультуреи ақыҭанхамҩеи рганахь ала русеицура арҿиаразы.
