Аҭоурых иазҿлымҳау 1916 шықәсазы Гагра аԥшаҳәаҿы иӡааҟәрылаз аӷба "Орион" амаӡа ҭырҵааит
12:38 02.06.2026 (ирҿыцуп: 12:50 02.06.2026)
© Sputnik / Акоп Кущян
Анапаҵаҩра
Гагратәи аҭоурых иазҿлымҳау рклуб еиҿкаан шықәсқәак раԥхьа, уажәы уи алахәылацәа Аԥсны мацара акәымкәа, егьырҭ атәылақәа рҟынтәигьы 60-ҩык иреиҳауп.
АҞӘА, рашәара 2 — Sputnik, Бадри Есиава. Аҭоурых абзиабаҩцәа Актәи адунеизегьтәи аибашьраан Гагра аԥшаҳәаҿы апассаџьыртә ӷба "Орион" аӡааҟәрылара зыхҟьаз аилкаара рҽазыршәеит. Абри атәы Sputnik иазеиҭалҳәеит аклуб аиҿкааҩ, аҳақьым Татиана Лакәаԥҳа.
1916 шықәсазы аӡаҵаҟатәи анемец ӷба U-38 "Орион" ӡаанарҟәрылеит. Иара Аҟәантә Новороссискҟа ауааԥсыреи афатә-ажәтәи мҩаннагон.
1916 шықәсазы аӡаҵаҟатәи анемец ӷба U-38 "Орион" ӡаанарҟәрылеит. Иара Аҟәантә Новороссискҟа ауааԥсыреи афатә-ажәтәи мҩаннагон.
"Ҳара архивтә материалқәа, агазеҭтә архивқәа, ажәабжьқәа, алитературатә усумҭақәа ҭаҳҵаауеит. Убас, "Аԥснытека" асаит аҟны узызҿлымҳахаша аматериал ҳԥыхьашәеит — аурыс фицар А.Л. Марков иҩымҭақәа "Ииасхьоу иазку анҵамҭақәа". Уаҟа, уаанӡа иаҳмаҳацыз, ҳажәлар рҭоурых аҟынтә аинтерес зҵоу, ахлымӡаахтә хҭыс ахәҭа далацәажәоит", — лҳәеит лара.
Агәыԥ алахәылацәа еилыркааит "Орион" аҭархара Ахԥатәи ареих афырхаҵас иԥхьаӡоу, еицырдыруаз аибашьратә цәгьоуҩы акапитан Макс Валентинер иус шакәыз.
Иӡааҟәрылаз реиқәырхаразы ақалақь ауааԥсыреи, аруааи, аиҳабыреи рҽаладырхәит.
"15 тәыла амузеиқәеи архивқәеи адԥхьаланы, аџьабаа рацәа зцыз, аколлективтә усуроуп. Ҳара иҳалшеит ахҭысқәа реишьҭанеира иахьынӡазалшоз аиҭашьақәыргылара, насгьы анемец ԥшыхәратә еилазаара Амшын еиқәа аԥшаҳәаҿы имҩаԥыргоз аинтерес зҵоу, иҵәахыз афактқәа рацәаны раартра", — ҳәа азгәалҭеит Лакәаԥҳа.
Аҭҵаара аматериалқәа Татиана Лакәаԥҳа еидылкылеит "1916 шықәсазы Гагра аԥшаҳәаҿы аӷба "Орион" аӡаарҟәрылара" захьӡу аочерк аҿы. Уи ҭыҵит аԥсуа ҭоурыхҭҵааҩы Станислав Лакәаба иредакциала альманах "Нестор" 5-тәи аномер аҟны, 2025 шықәсазы.
Иӡааҟәрылаз реиқәырхаразы ақалақь ауааԥсыреи, аруааи, аиҳабыреи рҽаладырхәит.
"15 тәыла амузеиқәеи архивқәеи адԥхьаланы, аџьабаа рацәа зцыз, аколлективтә усуроуп. Ҳара иҳалшеит ахҭысқәа реишьҭанеира иахьынӡазалшоз аиҭашьақәыргылара, насгьы анемец ԥшыхәратә еилазаара Амшын еиқәа аԥшаҳәаҿы имҩаԥыргоз аинтерес зҵоу, иҵәахыз афактқәа рацәаны раартра", — ҳәа азгәалҭеит Лакәаԥҳа.
Аҭҵаара аматериалқәа Татиана Лакәаԥҳа еидылкылеит "1916 шықәсазы Гагра аԥшаҳәаҿы аӷба "Орион" аӡаарҟәрылара" захьӡу аочерк аҿы. Уи ҭыҵит аԥсуа ҭоурыхҭҵааҩы Станислав Лакәаба иредакциала альманах "Нестор" 5-тәи аномер аҟны, 2025 шықәсазы.
Иара убас, Лакәаԥҳа иазгәалҭеит, "Орион" иадҳәалоу икьыԥхьым, зыҭҵаара иаҿу адокумент ҿыцқәа шыҟоу. Урҭ алҵшәақәа альманах анаҩстәи аномер аҿы ркьыԥхьра шазгәаҭоу.
"Рашәарамза 10 рзы, ахлымӡаах 110 шықәса ахыҵра амшаз, иҭахаз ргәалашәараз гагратәи ауахәамаҿы анцәаиҳәара мҩаԥгахоит. Урҭ ауаа ргәаларшәара алахьеиқәратә усмҩаԥгатә мацараны имҩасуам — ауаатәыҩса рԥсҭазаара аҵакы аилкаараз ҳара ҳманифест акәхоит", — лҳәеит лара.
Аӷба "Орион" аӡааҟәрылара теманы иҟалоит Гагра, Арӡынба имҩаду 189, асааҭ 17:00 рзы имҩаԥысраны иҟоу алекциа.
Гагратәи аҭоурых иазҿлымҳау рклуб еиҿкаан шықәсқәак раԥхьа, уажәы уи алахәылацәа Аԥсны мацара акәымкәа, егьырҭ атәылақәа рҟынтәигьы 60-ҩык инареиҳаны иалоуп. Урҭ рхыԥхьаӡараҿы иҟоуп аҭоурыхҭҵааҩцәа, азиндырҩцәа, аҳақьымцәа, архитекторцәа, аҵарадырра аусзуҩцәа, абызшәадырҩцәа, афилологцәа.
"Рашәарамза 10 рзы, ахлымӡаах 110 шықәса ахыҵра амшаз, иҭахаз ргәалашәараз гагратәи ауахәамаҿы анцәаиҳәара мҩаԥгахоит. Урҭ ауаа ргәаларшәара алахьеиқәратә усмҩаԥгатә мацараны имҩасуам — ауаатәыҩса рԥсҭазаара аҵакы аилкаараз ҳара ҳманифест акәхоит", — лҳәеит лара.
Аӷба "Орион" аӡааҟәрылара теманы иҟалоит Гагра, Арӡынба имҩаду 189, асааҭ 17:00 рзы имҩаԥысраны иҟоу алекциа.
Гагратәи аҭоурых иазҿлымҳау рклуб еиҿкаан шықәсқәак раԥхьа, уажәы уи алахәылацәа Аԥсны мацара акәымкәа, егьырҭ атәылақәа рҟынтәигьы 60-ҩык инареиҳаны иалоуп. Урҭ рхыԥхьаӡараҿы иҟоуп аҭоурыхҭҵааҩцәа, азиндырҩцәа, аҳақьымцәа, архитекторцәа, аҵарадырра аусзуҩцәа, абызшәадырҩцәа, афилологцәа.
