https://sputnik-abkhazia.info/20261002/asharytsaga-shala-gagra-airtsuan-aibashy-adamyr-khagysh-iourykh-1066090627.html
"Ашәарыцага шәақьла Гагра ҭаирцәуан": аибашьҩы Адамыр Хагәышь иҭоурых
"Ашәарыцага шәақьла Гагра ҭаирцәуан": аибашьҩы Адамыр Хагәышь иҭоурых
Sputnik Аҧсны
Аԥсны Аџьынџьтәылатә еибашьра мызкы шагыз, 20 шықәса зхыҵуаз Бзыԥҭатәи арԥыс Адамыр Анатоли-иԥа Хагәышь арра маҵура ихганы аҩныҟа дааит. Иара иқәыԥшра... 02.10.2026, Sputnik Аҧсны
2026-10-02T12:57+0300
2026-10-02T12:57+0300
2026-10-02T12:57+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07ea/0a/01/1066090972_0:0:1280:721_1920x0_80_0_0_392855b165cc062d22dbbe1c01aa2208.jpg
Аԥсны Аџьынџьтәылатә еибашьра мызкы шагыз, 20 шықәса зхыҵуаз Бзыԥҭатәи арԥыс Адамыр Анатоли-иԥа Хагәышь арра маҵура ихганы аҩныҟа дааит. Иара иқәыԥшра игәазхара далаԥшаанӡа, хаҵаҵас иԥсадгьыл ахьчара дазгылеит. Аҭоурых анҵоуп аветеран иажәақәа рыла.Саида Жьиԥҳа, SputnikАдамыр Анатоли-иԥа Хагәышь, арра маҵура Гәдоуҭатәи аԥырратә архәҭа "62329" аҟны дахысуан. Иара икомандаҟаҵаҩ БМП бзианы иныҟәицон аҟнытә, Адамыр адҵа хадақәа инарываргыланы уи атехника хьанҭагьы, амашьына лас еиԥш аныҟәцашьа иирҵеит.1992 шықәса, нанҳәа 14 аҽны, Адамыр, Гагра аусбарҭа анҭыҵтәи ахьчараҟны аԥышәа дахысуан."Иаалырҟьаны Закан Тулашьвили акабинеҭ даадәылҵын, Бзыԥҭаҟа ҳцароуп иҳәан, симаны иҿынеихеит. Ԥсахара ацҳаҟны амашьына дуқәа рыла, ар маҭәа зшәыз ақырҭцәа ааит, аха дара амашьына иҭыҵаанӡа ҳара ҳрыцәцеит. Сара арҭқәа зегьы сыла иабоит, аха иҟалаз сзеилкаауам. Аҩны саннеи сышьҭалеит. Хара имгакәа саб иашьа ашҭа дааҭалеит. Сан ԥсыуаҵас аиҳабы иаԥхьа дцәажәомызт аҟынтә слырҿыхеит. Иара агәҭынчымра аарԥшуа, ателевизор ҿакы ҳәа сеиҳәеит. Минуҭқәак рышьҭахь, Владислав Арӡынба аекран аҟнытә аибашьра ишалагаз иҳәеит", — аибашьра раԥхьатәи амш игәалашәоит Адамыр.Адамыр иаб Анатоли Хагәышь, амилаҭ хақәиҭратә қәԥарақәа активла дрылахәын. Ақырҭцәа уи азы ҷыдала длаԥшықәҵаны дрыман. Изныкымкәа, "аабатәи аполк" аусзуҩцәа иҩны аԥшаарақәа мҩаԥыргахьан. Аҵыхәтәаны ианыҟаз, ашәарыцагатә ҳәызба ргеит.Аҷкәынцәа Адамыр раԥхьа днаргыланы, убас иашьа гәакьа Асҭамыр, анаҩс Славик Хагәышь, Гулик Хагәышь, Сергеи Славец еиманы, рхы иаԥшәыманы афронт ацәаҳәанӡа инеит. Устәи ашьхарахь идәықәлеит."Ҳарҭ ашәарыцага шәақьқәа ракәын иаҳкыз. Мамзышьха аҳаракыраҿы ӷәӷәала ахысбыжьқәа анҳаҳа, ҳхьаҵит. Аҩны ҳцаны, ҳпатронақәа еиҳа ижәпаз асачмала еиҵаҳҵеит. Ус саб дааин, сара азин шәысҭаанӡа шьаҿакгьы ҟашәҵар ҟалом иҳәеит. Гагра араион ахы ақәиҭтәразы ажәыларатә аоперациа ҽнак шагыз, "ашьыжь ҳаиццоит" ҳәа иҿы иаирҳәеит. Сара уажәшьҭа ибзианы еилыскаауеит, илаԥш аҿы сыҟазарц азы ишиҳәаз", — ҳәа азгәаиҭоит аԥа.Гагратәи ахырхарҭаҟны раԥхьатәи ахәцәа аныҟала, Адамыр иаби иареи Бзыԥҭатәи амбулаториахь иааргон. Аибашьҩы қәыԥш гәҭакыс имаз атрафеитә автомат ԥшааны ԥхьаҟа ацара акәын."Даара иуадаҩын ажәылара амҩаԥгара. Ақырҭцәа Ԥсахаратәи ацҳа анԥыржәа амҩа хада ҳаныланы ҳҿынаҳхеит. Ахәцәа аныҟала саби сареи Бзыԥҭанӡа иаҳгеит, аха сара исҭахыз саб ибзианы еиликаауан, убри аҟнытә имашьына "Жигули" а-6-тәи амодель ацаԥхақәа сиҭеит, нас саагәыдикылан "ухы хьча" ҳәа сдәықәиҵеит аҷкәынцәа зегь ахьцоз. Аиҿахысра ӷәӷәа КБРЦ ахыбраҟноуп иахьыҟалаз. Ҳара ҳтәқәа иҭахаз рацәаҩуп убраҟа. Аԥсшьарҭа ҩны "Украина" ҳаннеи, абнараҟны БМП шылагылаз збеит. Еилыскааит аӷацәа иааныжьны ишцаз, сара уи амашьына лас еиԥш арныҟәара здыруан аҟнытә, сақәтәарц салагеит, аха аккумулиатор тәаны ишыҟаз збеит. Устәи, Даур Жьибеи Сандро Шамбеи срыцны Сальмаҟа ҳцеит. Убра ӷәӷәала иҳалахысуа иалагеит. Ахысбыжьқәа анеиқәтәа аҳәаахьы ҳаихеит. Хара имгакәагьы Гагра араион ахи-аҵыхәеи аԥсуаа ҳнапахьы иааҳгеит. Исгәалашәоит аурыс полковник аҳәаа диасны ишҳадиныҳәалаз, иҳалшаз уамашәа ибауа", — еиҭеиҳәоит аибашьҩы Адамыр Хагәышь.Ԥсоу аҳәааҟны Аԥсны абираҟ ашьҭыхрала ихыркәшахеит ари ажәыларатә аоперациа. Адамыр иаб имашьынала дгәырӷьаҵәа аҩны иҭаацәа ирыдиныҳәаларц дышнеиуаз, амҩатә машәыр дақәшәоит. Мызкы ахәышәтәырҭаҿ дышьҭахоит. Анаҩс, ишәарыцага шәақь аашьҭхны Гәымсҭатәи афронт ахь иҿынеихоит. Ажьырныҳәатәи ажәылараан иара ахәцәа ҭигон. Убасҟан ихәыз аӡәы диҳәеит иавтомат ииҭарц. "Сара Кофа Хагәышь соуп, ушьапы уқәгылар исырхынҳәуеит" ҳәа шиаиҳәазгьы егьи имуӡеит.Гәымсҭатәи ахырхарҭаҟны Адамыр дахәҭакхоит Славик Анкәаб командаҟаҵаҩс дызмаз Аҟәатәи 1-тәи абаталион Бзыԥҭатәи арота.Хәажәкыратәи ажәылара аҿаԥхьа, автоматқәа хәба лбааганы аҷкәынцәа ирзыршеит. Адамыр уи алагьы ахысшьа иаразнак иқәманшәалахеит, аха гранатаршәыҩс иҟазаара шьақәырӷәӷәан."Автоматла ацәҟьарсҭа ибзиаӡаны иақәсыршәо саналага, исҭаххеит бџьарс уи ныҟәызгарц, аха сҿаԥхьа иқәгылаз адҵа сацәхьамҵит. Ажәылара ҳҽаназыҟаҳҵоз, сашьа еиԥш исԥхьаӡоз сгәыла Сергеи Славец ҳхы иаҳархәаша ахсаала еиқәиршәеит. Иара асахьаҭыхра дазҟазан аҟынтә, зегьы иџьаршьеит инапкымҭа. Аха ажәылара ҳандәықәла, аландшафт аҿаԥсахеит. Убасҟан ахыԥсаҟьагаҩс дҳаман Џьамал Григолиа, ицхырааҩс — Сергеи Славец. Гәымсҭа ҳарны афронт актәи ацәаҳәа аанкылара ҳалшеит. Аҩбатәи ацәаҳәахьы ҳандәықәла ҳамчқәа еиҟарамхеит", — иажәа иациҵоит аибашьра аветеран.Адамыр хәажәкыратәи ажәылараан ӷәӷәала дырхәит. Иара аӡиас далганы аԥсуа ган ахь дааргеит Русик Ҭраԥшьи Артур Хагәышьи. Ихәрақәа ҿалҳәеит, Бзыԥҭатәи аԥсуа ашкол аҟны, иан Венера Арџьениаԥҳа аамҭала аус луцызуаз арҵаҩы Нанули Ҳагԥҳа.Афонҿыцтәи агоспиталь аҟны Адамыр иарӷьа шьапы хырымҵәар амуит.Адамыр Хагәышьи даҽа 29-ҩык аинвалидцәеи, апротезқәа рзыҟарҵоит ҳәа Москваҟа ирышьҭит. Уи ахәышәтәырҭаҿы ишьҭан иҳабашьуаз, зшьапқәа хҵәаз ҩыџьа ақырҭцәа. Адамыри иҩыза Батка Папба ҳәа иҟази рпалатаҿы инеины ирыԥҟазаап. Адырҩаҽны дара ахәышәтәырҭантәи идәылырцеит. Сергеи Уасил-иԥа Багаԥшь ацәажәарақәа мҩаԥганы, ақырҭцәа даҽа хәышәтәырҭак ахь ииаганы Адамыри Баткеи дырхынҳәит."Апротезқәа анаҳзыҟарҵа, мчыбжьык ала аныҟәашьа сҵеит. Агәыӷра сыман сшьапы сшаақәгыло Аԥсныҟа сааны сҩызцәа срыхьӡоит ҳәа. Аха сахьымӡеит. Москва ҳшыҟаз Аԥсны аӷа далцахеит. Уи амш иацыз агәырӷьареи алаӷырӡи ртәы аҳәара уадаҩуп. Сара санырхә аамышьҭахь, хәажәкыратәи ажәылараҿы иҭахеит исызгәакьаз сҩызцәа Сергеи Славец, Дима Свиатокум, Русик Дашьиан, Русик Мықәба, Гиа Бестаев, Закан Қардиа", — илаӷырӡ аарла инкыло иҩызцәа рыӡбахә иҳәоит аибашьҩы.Асҭамыр Анатоли-иԥа Хагәышь иеибашьратә лшамҭақәа рзы ианашьоуп "Афырхаҵара" аорден. Актәи агәыԥ аинвалидра имоуп.
https://sputnik-abkhazia.info/20260916/sybara-amlaka-aibashra-naom-aibashy-zaur-saania-igalarsharazy-1065262611.html
https://sputnik-abkhazia.info/20231002/azhylara-rakhati-amsh-gagra-akhaitraan-iakhaz-aibashy-vasili-bazba-izkny-1048410723.html
https://sputnik-abkhazia.info/20261001/aikhaany-dadyrkheit-gagra-ialakhany-iaz-arkadi-pasania-iourykh-1066058166.html
https://sputnik-abkhazia.info/20250914/ian-dikhsaait-shalika-ykyrba-iourykh-1057449124.html
Sputnik Аҧсны
media@sputniknews.com
+74956456601
MIA „Rossiya Segodnya“
2026
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи
аналитикеи аиҿцәажәарақәеи
Аԥсны Аџьынџьтәылатә еибашьра мызкы шагыз, 20 шықәса зхыҵуаз Бзыԥҭатәи арԥыс Адамыр Анатоли-иԥа Хагәышь арра маҵура ихганы аҩныҟа дааит. Иара иқәыԥшра игәазхара далаԥшаанӡа, хаҵаҵас иԥсадгьыл ахьчара дазгылеит. Аҭоурых анҵоуп аветеран иажәақәа рыла.
Адамыр Анатоли-иԥа Хагәышь, арра маҵура Гәдоуҭатәи аԥырратә архәҭа "62329" аҟны дахысуан. Иара икомандаҟаҵаҩ БМП бзианы иныҟәицон аҟнытә, Адамыр адҵа хадақәа инарываргыланы уи атехника хьанҭагьы, амашьына лас еиԥш аныҟәцашьа иирҵеит.
1992 шықәса, нанҳәа 14 аҽны, Адамыр, Гагра аусбарҭа анҭыҵтәи ахьчараҟны аԥышәа дахысуан.
"Иаалырҟьаны Закан Тулашьвили акабинеҭ даадәылҵын, Бзыԥҭаҟа ҳцароуп иҳәан, симаны иҿынеихеит. Ԥсахара ацҳаҟны амашьына дуқәа рыла, ар маҭәа зшәыз ақырҭцәа ааит, аха дара амашьына иҭыҵаанӡа ҳара ҳрыцәцеит. Сара арҭқәа зегьы сыла иабоит, аха иҟалаз сзеилкаауам. Аҩны саннеи сышьҭалеит. Хара имгакәа саб иашьа ашҭа дааҭалеит. Сан ԥсыуаҵас аиҳабы иаԥхьа дцәажәомызт аҟынтә слырҿыхеит. Иара агәҭынчымра аарԥшуа, ателевизор ҿакы ҳәа сеиҳәеит. Минуҭқәак рышьҭахь, Владислав Арӡынба аекран аҟнытә аибашьра ишалагаз иҳәеит", — аибашьра раԥхьатәи амш игәалашәоит Адамыр.
Адамыр иаб Анатоли Хагәышь, амилаҭ хақәиҭратә қәԥарақәа активла дрылахәын. Ақырҭцәа уи азы ҷыдала длаԥшықәҵаны дрыман. Изныкымкәа, "аабатәи аполк" аусзуҩцәа иҩны аԥшаарақәа мҩаԥыргахьан. Аҵыхәтәаны ианыҟаз, ашәарыцагатә ҳәызба ргеит.
"Аибашьра ианалага, ҳгәылара инхоз ашәуа хаҵа Валера Первели саб иҟны дааин, "уҷкәынцәа алга, арҭ аӡәгьы дыршаҭом" ҳәа иаиҳәеит. Аха саб, "ҳарҭ ҳаԥсадгьыл аҿы ҳаҟоуп, ари ҳаҩноуп" иҳәан уаҟа даҿаԥиҵәеит. Уи аҽны иалагеит саби, сашьа Асҭамыри сареи ҳаибашьратә мҩа", — иажәа иациҵоит Адамыр.
Аҷкәынцәа Адамыр раԥхьа днаргыланы, убас иашьа гәакьа Асҭамыр, анаҩс Славик Хагәышь, Гулик Хагәышь, Сергеи Славец еиманы, рхы иаԥшәыманы афронт ацәаҳәанӡа инеит. Устәи ашьхарахь идәықәлеит.
"Ҳарҭ ашәарыцага шәақьқәа ракәын иаҳкыз. Мамзышьха аҳаракыраҿы ӷәӷәала ахысбыжьқәа анҳаҳа, ҳхьаҵит. Аҩны ҳцаны, ҳпатронақәа еиҳа ижәпаз асачмала еиҵаҳҵеит. Ус саб дааин, сара азин шәысҭаанӡа шьаҿакгьы ҟашәҵар ҟалом иҳәеит. Гагра араион ахы ақәиҭтәразы ажәыларатә аоперациа ҽнак шагыз, "ашьыжь ҳаиццоит" ҳәа иҿы иаирҳәеит. Сара уажәшьҭа ибзианы еилыскаауеит, илаԥш аҿы сыҟазарц азы ишиҳәаз", — ҳәа азгәаиҭоит аԥа.
Гагратәи ахырхарҭаҟны раԥхьатәи ахәцәа аныҟала, Адамыр иаби иареи Бзыԥҭатәи амбулаториахь иааргон. Аибашьҩы қәыԥш гәҭакыс имаз атрафеитә автомат ԥшааны ԥхьаҟа ацара акәын.
"Даара иуадаҩын ажәылара амҩаԥгара. Ақырҭцәа Ԥсахаратәи ацҳа анԥыржәа амҩа хада ҳаныланы ҳҿынаҳхеит. Ахәцәа аныҟала саби сареи Бзыԥҭанӡа иаҳгеит, аха сара исҭахыз саб ибзианы еиликаауан, убри аҟнытә имашьына "Жигули" а-6-тәи амодель ацаԥхақәа сиҭеит, нас саагәыдикылан "ухы хьча" ҳәа сдәықәиҵеит аҷкәынцәа зегь ахьцоз. Аиҿахысра ӷәӷәа КБРЦ ахыбраҟноуп иахьыҟалаз. Ҳара ҳтәқәа иҭахаз рацәаҩуп убраҟа. Аԥсшьарҭа ҩны "Украина" ҳаннеи, абнараҟны БМП шылагылаз збеит. Еилыскааит аӷацәа иааныжьны ишцаз, сара уи амашьына лас еиԥш арныҟәара здыруан аҟнытә, сақәтәарц салагеит, аха аккумулиатор тәаны ишыҟаз збеит. Устәи, Даур Жьибеи Сандро Шамбеи срыцны Сальмаҟа ҳцеит. Убра ӷәӷәала иҳалахысуа иалагеит. Ахысбыжьқәа анеиқәтәа аҳәаахьы ҳаихеит. Хара имгакәагьы Гагра араион ахи-аҵыхәеи аԥсуаа ҳнапахьы иааҳгеит. Исгәалашәоит аурыс полковник аҳәаа диасны ишҳадиныҳәалаз, иҳалшаз уамашәа ибауа", — еиҭеиҳәоит аибашьҩы Адамыр Хагәышь.
Ԥсоу аҳәааҟны Аԥсны абираҟ ашьҭыхрала ихыркәшахеит ари ажәыларатә аоперациа. Адамыр иаб имашьынала дгәырӷьаҵәа аҩны иҭаацәа ирыдиныҳәаларц дышнеиуаз, амҩатә машәыр дақәшәоит. Мызкы ахәышәтәырҭаҿ дышьҭахоит. Анаҩс, ишәарыцага шәақь аашьҭхны Гәымсҭатәи афронт ахь иҿынеихоит. Ажьырныҳәатәи ажәылараан иара ахәцәа ҭигон. Убасҟан ихәыз аӡәы диҳәеит иавтомат ииҭарц. "Сара Кофа Хагәышь соуп, ушьапы уқәгылар исырхынҳәуеит" ҳәа шиаиҳәазгьы егьи имуӡеит.
Гәымсҭатәи ахырхарҭаҟны Адамыр дахәҭакхоит Славик Анкәаб командаҟаҵаҩс дызмаз Аҟәатәи 1-тәи абаталион Бзыԥҭатәи арота.
"Ҳара ҳрота командаҟаҵаҩс даман, сҳабла иатәыз арԥыс Дима Свиатокум. Убраҟа ҳаиқәшәеит Бзыԥҭа еицызҳаз аиқәлацәа. Гагаратәи ажәылара инакрны автомат иашьҭаз араҟагьы акагь смоуит. Амала Дима агранатаршәгала ахысшьа сирҵеит. Уи нахыс гранатаршәҩыс уҟазаауеит ҳәа сеиҳәеит. Уи аԥхьаҟа гранатак сыԥшаахьан, убри сара истәыстәит, исыман абинокль, убас аҳәызба. Уамашәа ижәбаргьы арратә формагьы сшәымызт", — игәалашәоит Адамыр.
Хәажәкыратәи ажәылара аҿаԥхьа, автоматқәа хәба лбааганы аҷкәынцәа ирзыршеит. Адамыр уи алагьы ахысшьа иаразнак иқәманшәалахеит, аха гранатаршәыҩс иҟазаара шьақәырӷәӷәан.
"Автоматла ацәҟьарсҭа ибзиаӡаны иақәсыршәо саналага, исҭаххеит бџьарс уи ныҟәызгарц, аха сҿаԥхьа иқәгылаз адҵа сацәхьамҵит. Ажәылара ҳҽаназыҟаҳҵоз, сашьа еиԥш исԥхьаӡоз сгәыла Сергеи Славец ҳхы иаҳархәаша ахсаала еиқәиршәеит. Иара асахьаҭыхра дазҟазан аҟынтә, зегьы иџьаршьеит инапкымҭа. Аха ажәылара ҳандәықәла, аландшафт аҿаԥсахеит. Убасҟан ахыԥсаҟьагаҩс дҳаман Џьамал Григолиа, ицхырааҩс — Сергеи Славец. Гәымсҭа ҳарны афронт актәи ацәаҳәа аанкылара ҳалшеит. Аҩбатәи ацәаҳәахьы ҳандәықәла ҳамчқәа еиҟарамхеит", — иажәа иациҵоит аибашьра аветеран.
Адамыр хәажәкыратәи ажәылараан ӷәӷәала дырхәит. Иара аӡиас далганы аԥсуа ган ахь дааргеит Русик Ҭраԥшьи Артур Хагәышьи. Ихәрақәа ҿалҳәеит, Бзыԥҭатәи аԥсуа ашкол аҟны, иан Венера Арџьениаԥҳа аамҭала аус луцызуаз арҵаҩы Нанули Ҳагԥҳа.
Афонҿыцтәи агоспиталь аҟны Адамыр иарӷьа шьапы хырымҵәар амуит.
"Аҳақьым-аԥҟаҩы Славик Аргәын иоуп сшьапы хызҵәаз. Акыр шықәса рышьҭахь иара акьатеиеилашәагьы сымихеит. Уи ашьҭахь дызбацыԥхьаӡа, "ты у меня всегда что-то отрезаешь" ҳәа иасҳәон" — дахлафаауа еиҭеиҳәоит аветеран.
Адамыр Хагәышьи даҽа 29-ҩык аинвалидцәеи, апротезқәа рзыҟарҵоит ҳәа Москваҟа ирышьҭит. Уи ахәышәтәырҭаҿы ишьҭан иҳабашьуаз, зшьапқәа хҵәаз ҩыџьа ақырҭцәа. Адамыри иҩыза Батка Папба ҳәа иҟази рпалатаҿы инеины ирыԥҟазаап. Адырҩаҽны дара ахәышәтәырҭантәи идәылырцеит. Сергеи Уасил-иԥа Багаԥшь ацәажәарақәа мҩаԥганы, ақырҭцәа даҽа хәышәтәырҭак ахь ииаганы Адамыри Баткеи дырхынҳәит.
"Апротезқәа анаҳзыҟарҵа, мчыбжьык ала аныҟәашьа сҵеит. Агәыӷра сыман сшьапы сшаақәгыло Аԥсныҟа сааны сҩызцәа срыхьӡоит ҳәа. Аха сахьымӡеит. Москва ҳшыҟаз Аԥсны аӷа далцахеит. Уи амш иацыз агәырӷьареи алаӷырӡи ртәы аҳәара уадаҩуп. Сара санырхә аамышьҭахь, хәажәкыратәи ажәылараҿы иҭахеит исызгәакьаз сҩызцәа Сергеи Славец, Дима Свиатокум, Русик Дашьиан, Русик Мықәба, Гиа Бестаев, Закан Қардиа", — илаӷырӡ аарла инкыло иҩызцәа рыӡбахә иҳәоит аибашьҩы.
Асҭамыр Анатоли-иԥа Хагәышь иеибашьратә лшамҭақәа рзы ианашьоуп "Афырхаҵара" аорден. Актәи агәыԥ аинвалидра имоуп.
