Аҵыхәтәантәи аҵәҵәабжьы геит Аԥсны ашколқәа 155 рыҟны.

Ҳазлацәажәаша ҳамоуп: акультура, аспорт, аҟазара - уи ҳара ҳаԥсҭазаара.

Лаҵарамза 25 инаркны ессабша агәыҳалалратә фонд имҩаԥнагало акциа ззырхоу, насгьы уи хықәкыс иамоу атәы арадио Sputnik Аԥсны иазеиҭалҳәеит агәыҳалалратә фонд "Ашана" аусзуҩ Асида Мархолиаԥҳа.

Акциа "Илахҿыху ашьыжь" афонд "Ашана" имҩаԥнагалоит ессабша, асааҭ 9:00 рзы Аҟәа амшын аԥшаҳәаҿы.

Ахәаахәҭра-ааглыхратә палата инанагӡо аусура абзоурала Словакиантәи Аԥсныҟа иааны иҟан ажурналистцәеи атуроператорцәеи. Дара ҳтәыла шырбази уи ирызцәырнагаз агәаанагареи атәы арадио Sputnik Аԥсны иазеиҭалҳәеит Ахәаахәҭра-ааглыхратә палата Адәныҟатәи аусқәеи аинвестициақәеи рыҟәша аиҳабы Кама Ҵәыџьԥҳа.

Гагра иахыкәшо амҩаду аҿы амашьына лас амҩатә машәыр иақәшәеит лаҵара 24 рзы.

Аҵыхәтәантәи аҵәҵәабжьы Аԥсны иахьаҵанакуа ашколқәа 155 рыҟны игеит.

Агәыҳалалратә фонд "Ашана" аԥареизгара хацнаркит фышықәса зхыҵуа Леон Қриеи ԥшьышықәса зхыҵуа Амир Ҳалуашьи рзы.

Иахьа Аԥсны ашколқәа зегьы рҿы игеит аҵыхәтәантәи аҵәҵәабжьы. Аҟәатәи аԥшьбатәи абжьаратә школ аҿы рҵара хдыркәшеит 60-ҩык аушьҭымҭацәа. Дара дрыдныҳәало, ашкол адиректор Нонна Ломиаԥҳа иазгәалҭеит сынтәатәи аҵарашықәс аихшьаалақәа рыла аҵаҩцәа иаадырԥшыз аихьӡарақәа акырӡа ишеиҳау, ииасхьоу ашықәсқәа ирҿырԥшны.

Аҟәатәи абжьаратә школ №2 аҟны аҵыхәтәантәи аҵәҵәабжьы шгази аушьҭымҭацәа ргәалаҟазаара шыҟази шәаԥхьар шәылшоит Sputnik аматериал аҿы.