Бганба: аштаттә оптимизациа иахьымӡаз афинанстә санкциақәа рзухоит

© Sputnik / Томас ТхайцукВалери Бганба
Валери Бганба - Sputnik Аҧсны
Анапаҵаҩра
Аԥыза-министр Валери Бганба абҵара 7 рзы адҵа инапы аҵеиҩит 2019 шықәса абҵара 20 рҟынӡа аоптимизациа иаҵанакуа ачынуаа рсиа рхианы аоптимизациа иахьырԥшны аԥаразоужьра ахышәаҵышәа ҿыцқәа шьақәыргылазарц.

АҞӘА, абҵара 20 – Sputnik, Бадри Есиава. Аԥыза-министр Валери Бганба Аминистрцәа реилазаара алахәылацәа ргәырҽаниҵеит аштаттә оптимизациа иахьымӡаз афинанстә санкциақәа рзухоит ҳәа.

"Аминистрцәа Реилазаара аоптимизациа хыркәшам. Ҳара иаҳзышьақәыргылом ҽаантәи аԥаразоужьра ахышәаҵышәа. Адокументқәа ианаамҭоу ианыхиамха, афинанстә санкциақәа адгалатәхоит", - иҳәеит иара.

Аԥсны ахада Рауль Ҳаџьымба жьҭаара 28 рзы аусԥҟа инапы аҵеиҩит Аминистрцәа Реилазаара ҿыц ашьақәыргыларазы.

Кабинет министров республики Абхазия - Sputnik Аҧсны
Аԥсны аминистрцәа реилазаара аструктура аиҭакрақәа алагалахеит

Иара адҵа ҟаиҵеит аҳәынҭқарратә напхгараҭаратә усбарҭақәа рзеиԥш штаттә хыԥхьаӡара 15 процент рыла аоптимизациа азухарц азы. Абри аус ҿҳәарас иамоуп 2020 шықәса ажьырныҳәа 1-нӡа.

Аԥсны аԥыза-министр Валери Бганба абҵара 12 рзы адҵа инапы аҵаиҩит "Аԥсны аҳәынҭқарратә усбарҭақәак рзеиԥш штаттә хыԥхьаӡара аоптимизациа азуразы". Адокумент аҟны иарбоуп Аԥсны Аҳәынҭқарра Арепатриациа афонд 15% иреиҵамкәа аштаттә хыԥхьаӡара аоптимизациа азутәуп абҵара 20, 2019 шықәсанӡа ҳәа. Иара убас Агәабзиарахьчареи асоциалтә еиқәыршәареи рминистрре, Адемографиеи арепатриациеи рминистрреи, Аргыларазы Аԥсны Аҳәынҭқарратә усбарҭа абҵара 15, 2019 шықәсанӡа аоптимизациа ҟарҵароуп.

Иара убас шәаԥхьар ҟалоит:

Ажәабжьқәа зегьы
0