Тҟәарчал ақалақь ахадара акультура аҟәша аиҳабы Рита Ажьиԥҳа арадио Sputnik Аԥсны аефир аҿы еиҭалҳәеит Аџьыџьтәылатәи еибашьра Ду аан игаз Аиааира амшныҳәа араион аҿы ишазгәаҭахо атәы.

Нарҭ Гамгьиа аҳақьымцәа акьыба чымазара бааԥс – алеикемиа имоуп ҳәа шьақәдырӷәӷәеит. Хышықәса зхыҵуа ахәыҷы шықәсык инацуп аԥсҭазаара дазықәԥоижьҭеи.

Аԥыза-министр Александр Анқәаб иусдҵала, коронавирус аламырҵәаразы ареспубликаҿы аҵараиурҭақәа рҟны аҵараҵара аамҭала иаанкылоуп лаҵара 15 рҟынӡа.

Гьаргь Аԥсыцқьа имш, мамзаргьы Аергьныҳәа ҳәа изышьҭоу амш аԥсуаа рҿы ишазгәарҭоз, насгьы уи ҵакыс иамаз атәы арадио Sputnik аефир аҿы еиҭеиҳәеит Аԥсуаҭҵааратә институт аиҳабы, афилологиатә ҭҵаарадыррақәа ркандидат, афольклорҭҵааҩ Арда Ашәба.

Асоциалтә еиқәыршәареи адемографиатә политикеи рминистр Руслан Аџьба арадио Sputnik иаиҭаз аинтервиу аҿы иҳәеит аминистрра аструктура аԥсахра ашьҭахь адемографиа азҵаарақәа аус шрыдулахо атәы.

Аԥсны Аҩнуҵҟатәи аусқәа рминистр Дмитри Дбар инапынҵала Аԥсны Аҳәынҭавтоинспекциа атәыла амҩадуқәа рҿы аԥсыҭбарақәа рхыԥхьаӡара армаҷрази амҩатә машәырқәа ҟамларц ази ауснагӡатәқәа аус рыднаулеит.

Гал араион аҿы инхо Зинаида Шамугьиа диит лаҵара 5 1908 шықәсазы Барӷьаԥ ақыҭан. Лара Аԥсны реиҳа ақәра рацәа нызҵахьоу дыруаӡәкуп.

Аԥсуа ҭоурыхҭҵааҩ ду Гьаргь Алықьса-иԥа Ӡиӡариа диижьҭеи лаҵара 6 рзы 106 шықәса ҵуеит. Уи аԥсуа ҭҵаарадырраҿи ауаажәларра ашьақәгылараҿи илагала далацәажәоит аҭоурыхтә ҭҵаарадыррақәа рдоктор, апрофессор, Аԥсуаҭҵааратә институт аиҳабы ихаҭыԥуаҩ Аслан Аҩӡба.

Иахьазы ачымазара ҿкы акоронавирус алаҵәоит ҳәа иҟоу ашәарҭара инамаданы ауааԥсыра аҩны итәоуп. Абри аамҭазы хәыҷи-дуи шәгәы мҿыӷьырц Sputnik аԥснытәи амузеиқәа рҟынтә авидеоекскурсиа шәзымҩаԥнагоит. Апроект хацыркхоит Дырмит Гәлиа илитература-мемориалтә музеи ала.

Зураб Ачба ихьӡ зху агәыҳалалратә центр аҿы мызкы инацны иаԥҵоу аволонтиортә штаб "Абырг" аусура атәы арадио Sputnik аефир аҟны еиҭалҳәеит уи анапхгаҩы Далила Ԥлиаԥҳа.