Очамчыра ақалақь "Аӡыканал" аусбарҭа аиҳабы Авдени Џьопуа арадио Sputnik Аԥсны аефир аҿы еиҭеиҳәеит ақалақь аҿы ауааԥсыра ӡыла реиқәыршәаразы аус шцо атәы.

Аџьынџьтәылатә еибашьра Ду аветеранцәа есышықәса рхыԥхьаӡара маҷхоит. Урҭ ирыдҳәалоу аҭоурыхтә хҭысқәеи ажәабжьқәеи ракәзар, ԥшьала аамҭа иалаӡоит… Иахьа, аԥхьаҩцәа ишәсырдырар сҭахуп, Лыхныи Берлини еимаздаз, саб Владимир Жьиба иҟынтә исаҳахьоу ҭоурых хәыҷык.

Аҭоурыхтә ҭҵаарадыррақәа ркандидат, ААУ адоцент Гәырам Гәымба арадио Sputnik Аԥсны аефир аҿы еиҭеиҳәеит Аԥсуа милаҭтә конференциа алахәылацәа анаҩстәи ршьаҿақәа ртәы.

Сыла зыҽҭазыҳәҳәаз Тҟәарчал афотосахьақәа исоциалтә даҟьаҿы иӡыригеит актиор Ахра Кәарҷиа. Иара арадио Sputnik Аԥсны аефир аҿы еиҭеиҳәеит араион ауааԥсыра уи шрыдыркылаз, насгьы уадаҩрас ирызцәырнагаз атәы.

Аҟазара иаша зеиԥшроу, уи ауаҩы иеиқәырхара алшо иалымшо, аҟазара идеологиас иамоу арбану… Аскульптор, апоет Амиран Адлеиба арҭи егьырҭ азҵаарақәа жәпаки рзы имоу агәаанагара ҳацеиҩишеит.

Аиҳәшьцәа Берзениаԥҳацәа рдует апродиусер Мзиа Берзениаԥҳа арадио Sputnik Аԥсны аефир аҟны еиҭалҳәеит ашәаҳәаҩцәа Гәындеи Фридеи Москва имҩаԥысуа аконцерт рхы шаладырхәуа.

Ҳџьынџьуаҩ Али Аншба Ҭырқəтəылантəи иԥсадгьыл ахь дызқəылаз амҩа аҭоурых дазааҭгылоит ажурналист Сырма Ашəԥҳа.

Аԥсны Аҵара аминистрра апресс-маҵзура аиҳабы Аслан Қәҭелиа арадио Sputnik аефир аҿы еиҭеиҳәеит ашколқәа рҟны аԥкрақәа ирыцҵахо, иаанкылахо азы аӡбамҭа рыдыркыларан ианыҟоу атәы.

Жәабран 7 рзы имҩаԥысит "Аԥсны Аҳәынҭқарра аҭагылазаашьеи аҿиара аԥеиԥши" захьӡыз аԥсуа милаҭтә конференциа. Уи иалахәын аҵарауаа реиԥш ауаажәларра рхаҭарнакцәагьы.

Кремльнтәи аофициалтә делегациеи ажурналистцәеи зҭаз аԥырратә отриад "Россия" иатәыз аҳаирплан амшцәгьа иахҟьаны абаӷәазаҿ изымтәеит.

Аҳәаанырцә тәылауаа Урыстәыла атәылауаҩра аиуразы ирымоу даҽа тәылауаҩрак мап ацәыркыр акәхом хара имгакәа.

Риҵа акәша-мыкәша асоура ишаҿыц иаҿуп, аӡиа ахаҭа аҵаа хылеит. Ари аҩыза аԥсабаратә цәырҵра абжьааԥны иуԥылом.

Аԥсны Аекологиатә институт ауcзуҩ, ААУ адоцент, афизика-математикатә ҭҵаарадыррақәа ркандидат Асида Ахсалԥҳа арадио Sputnik Аԥсны аефир аҿы еиҭалҳәеит аӡиа Риҵа аҵаара шымҩаԥысуа, уқәчаразырц аҭагылазаашьа зеиԥшразар акәу.

Аԥсны ашьхараҿы асы шлеиц илеиуеит. Риҵа ишьҭоу асы аҿыгҳара метрак иҩаӡоит. Аӡиа ахаҭа акәзар, иҵааркхеит.

Гәдоуҭа араион ақыҭанхамҩа аҟәша аиҳабы Иура Кәарцхьиа арадио Sputnik Аԥсны аефир аҟны еиҭеиҳәеит иахьазы адгьыл иқәаарыхуа рнапы злаку.

Airbus-320, 170-ҩык апассаџьырцәа зҭаз, урыстәылатәи аҳаиртә баӷәаза "Хмеймим" ахь анагара иахьӡеит.

Арратә база амедицинатә усзуҩцәа агриппи егьырҭ ачымазарақәеи рҟынтәи алаҵақәа рзыҟарҵеит 200-ҩык рҟынӡа ҿыц аррахь инаԥхьоу.

Китаитәи амчрақәа ԥхынҷкәын 31, 2019 шықәса рзы алаҳәара ҟарҵеит идырым ачымазарахк ахы цәырнагеит ақалақь Ухань аҿы ҳәа. Аҟазауаа ишьақәдыргылеит ачымазара цәырызгаз коронавирус ахк ҿыц - 2019-nCoV шакәу.

Аԥсны Асасааирҭақәа ргильдиа ахада Асҭамыр Ахба арадио Sputnik аефир аҟны еиҭеиҳәеит атуристцәа рганахьала заанаҵы аҭыԥқәа раанкыларазы аҭагылазаашьа зеиԥшроу атәы.

Ажьырныҳәа 9-12 рзы Аҟәа Ахада иусбарҭа аҿаԥхьа имҩаԥысуаз аҿагыларатә акциақәа раан аиҳабыратә хыбрақәа ркомплекс аԥхасҭа аҭан.