Анатоли Лагәлаа

Анатоли Лагәлаа (1961) - апоет, апрозаик, апублицист. Асовет Еидгыла ашәҟәыҩҩцәа реидгыла алахәыла (1989), Урыстәыла Ашәҟәыҩҩцәа реидгыла алахәыла (1999), Аԥсны Ашәҟәыҩҩцәа реидгыла алахәыла. Аԥсны ажурналистцәа реидгыла далахәуп (1991). 2004 шықәса раахыс алитературатә-сахьаркыратә журнал "Алашара" аредактор хада. Алитературазы Д. Гәлиа ихьӡ зху аҳәынҭқарратә премиа далауреатуп, иара убас Т. Аџьба ихьӡ зху ахәыҷтәы литературазы аҳәынҭқарратә премиа далауреатуп. Иҭижьхьеит 15 инарзынаԥшуа иажәеинраалақәеи, иажәабжьқәеи, иповестқәеи еидызкыло ашәҟәқәа. Иҩымҭақәа еиҭагоуп аурыс, англыз, асерб, аерман, ауаԥс бызшәақәа рахь. Еиуеиԥшым ашықәсқәа рзы имҩаԥигон авторс дызмаз алитературатә дырраҭарақәа аԥсуа телехәаԥшраҿы, иара убас аԥсуа радио аҿы.