Ареспубликатә хәышәтәырҭа аҳақьым хада Аполлон Гәыргәылиа арадио Sputnik аефир аҟны иҳәеит мызқәак раахыс аус зымуаз акомпиутертә томограф ҩаԥхьа еиҭашьақәыргылоуп ҳәа.

Аԥсуа ҳәынҭқарратә драматә театр адиректор хада Нодар Ҷанба арадио Sputnik Аԥсны аефир аҟны иҳәеит атеатралтә концерттә зал аиҿкаара гәҭакыс имеижьҭеи акыр шҵуаз, аҟазацәа аус иадԥхьаланы ус еиԥш аҭыԥ атеатр аҟны ишалырхыз.

Дарбанзаалак иԥсҭазаараҟны дрықәшәоит лассы-лассы ибла иаахгыло, еиуеиԥшым аҭагылазаашьақәа раан игәалашәало, ҿырԥшыгас даныхәыҷыз иоуз ахҭысқәа. Убас, Sputnik аколумнист Елеонора Коӷониаԥҳа иҳадылгалоит аӷьычцәа рахьырхәра иадҳәалоу лҭаацәараҿы аҭыԥ змаз узырлахҿыхша, уагьзырхәыцша хҭыск.

Ашәарыцара иадҳәалоу ақьабзқәа акыр ирацәоуп. Ашәарыцаҩ иҽазыҟаҵароума, даныбназо аума, дхынҳәны данаауа аума – еиуеиԥшым ритуалла ибеиоуп. Ашәарыцаҩ иныҳәашьеи ашәарыцаратә етикеи азҵаарақәак дрылацәажәоит НААР аҭҵаарадырратә усзуҩы Есма Ҭодуа.