Ииасыз уахыки-ҽнаки рзы Аԥсны акоронавирустә инфекциа рымоу ирымаму азы атестқәа ирхыжьын 88-ҩык ауааԥсыра.

Аҟәа ақалақь ахада инапынҵақәа назыгӡо Беслан Ешба Аԥсны коронавирус аламырҵәаразы ахада иусдҵа анагӡаразы лаҵара 18 рзы аилацәажәара мҩаԥигеит.

Ауаажәларратә усзуҩ, жәлар рҿаԥыцтә ҳәамҭақәа реизгаҩ, аԥсуа милаҭ-хақәиҭратә қәԥара алахәыла, Леон иорден занашьоу Мирод Гәажәба диижьҭеи 85 шықәса ҵит. Лили Ҳагԥҳа арадио Sputnik аефир аҿы илҳәеит Мирод Гәажәба ԥсабарала илаз афилософиатә хәыцшьа змоу иахьа ишҳагу.

Ареспублика СЕС адыррақәа рыла, 2020 шықәса мшаԥымзаахыс акоронавирустә инфекциа Аԥсны 21-ҩык ироухьеит.

COVID-19 аҿагыларазы аԥкратә уснагӡатәқәа рыхәҭак рашәара 1 аҟынӡа ирыцҵоуп Аԥсны иахьаҵанакуа. Убри аҳәаақәа ирҭагӡаны ҳтәылахь атуристцәа ралалара, асанаториқәеи асасааирҭақәеи рҟны аҭыԥқәа раанкылара, аекскурсиамҩаԥгара ҟалом.

Аԥснытәи ашколқәа роушьҭымҭацәа рзы аҵараҵара хацыркхоит рашәарамза 2 рзы, уи мҩаԥыслоит ҩымчыбжьа рыҩнуҵҟа.

Лаҵара 18 Жәларбжьаратәи амузеиқәа рымш ауп. Аԥсуа ҳәынҭқарратә музеи аиҳабы Аркади Џьопуа арадио Sputnik аефир аҟны еиҭеиҳәеит акультуратә хәышҭаара аусураҟны ихадаратәны ииԥхьаӡо, уи ҭыԥс иааннакыло аҳәынҭқарраҟны.

Адунеитә џьармыкьаҿ анефт ахәԥса шьҭыҵит адунеи атәылақәа акоронавирус азы аԥкыратә уснагӡатәқәа дырԥсыҽуа ианалага ашьҭахь.

Лаҵара 12 рзы Аԥсны ахада Аслан Бжьаниа инапынҵақәа рҟынтәи ихы дақәиҭитәит 2014 шықәса раахыс Аԥсны Ашәарҭадаратә маҵзура ахантәаҩыс иҟаз Зураб Марганиа.

Аԥсны АҶА ахь лаҵара 17 асааҭ 20:48 рзы аҭел иасит амцакра ҟалеит ҳәа. Амца ибылуаз аҩнаҟынтәи егьырҭ аҩнқәа рахь ииасыр алшон.