Арадио

Аҳәынҭқарратә Аҿар ртеатр аԥҵоуижьҭеи 5 шықәса ҵит. Атеатр адиректор ихаҭыԥуаҩ Мдар Сақаниа русуразы алкаақәак ҟаиҵеит арадио Sputnik аефир аҟны.

Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа арадио Sputnik аефир аҟны еиҭалҳәеит Аԥсны Жәларбжьаратәи азхаҵара амш шазгәаҭахо.

Ҳазлацәажәаша ҳамоуп - акультура, аспорт, аҟазара, уи - ҳара ҳаԥсҭазаара.

Жәларбжьаратәи аизыҟазаашьақәа рзы аҭоурыхтә факультет ахԥатәи акурс астудент Лика Касланӡиаԥҳа арадио Sputnik Аԥсны астудиаҿы еиҭалҳәеит Оксфордтәи ауниверситет ахь лцара шыҟалаз, насгьы уаҟа аҵаратә процесс шымҩаԥысуаз атәы.

Урыстәылатәи Афедерациа аҟнытә аҳәынҭқарратә усбарҭақәа русзуҩцәа хаз игоу акатегориақәа руалафахәы ацҵаразы Аԥсныи Урыстәылеи рыбжьара апроект адкылара иалацәажәеит Аԥсны аминистрцәа реилазаараҿы. Аилатәара далахәын Sputnik Аԥсны акорреспондент Бадрак Аҩӡба.

Аԥсуа Баагәара аҭҵаара апроект аҳәаақәа ирҭагӡаны археологцәа Гал араион Махә иџьра ҳәа иҟоу ақыҭаҿы аргылара рыԥшааит, абри атәы арадио Sputnik Аԥсны иазеиҭеиҳәеит археолог Шандор Ҟаитан.

Аҟәа ақалақь иаҭан агәамсам еиҵазкәаҳауа иҷыдоу амашьынақәа ҩба. Урҭ раахәара шыҟалаз атәы Sputnik Аԥсны иазеиҭеиҳәеит атәыла аԥыза-министр Валери Бганба.

Москва, аҳәаанырцәтәи абызшәакәа рышкол аҿы аус зуа арҵаҩы Анжела Рабаиаԥҳа лыстудентцәа абызшәа шрыцааиуеи, ирымоу алҵшәақәеи ртәы арадио Sputnik Аԥсны иазеиҭалҳәеит.

Аҟәатәи аҳаирбаӷәаза аиҳабы Виачеслав Ешба арадио Sputnik Аԥсны аефир аҿы Урыстәыла Аҳаиртә транспорт афедералтә агентра "Росавиация" ахаҭарнакцәеи ҳтәыла аԥызы-министр Валери Бганбеи реиԥылара ахҳәаа азыҟаиҵеит.

Аҟазараҭҵааҩ, ажурналист Боча Аџьынџьал иҟамзаара аԥсуа жәлар зегьы рзы цәыӡ дууп ҳәа азгәеиҭеит асахьаҭыхҩы Виссарион Ҵәыџьба арадио Sputnik Аԥсны аефир аҿы.

Ҳазлацәажәаша ҳамоуп - акультура, аспорт, аҟазара, уи - ҳара ҳаԥсҭазаара.

Аԥснытәи атаибоксиорцәа Краснодар атәылаҿацә Ахраҿазы аиааира згаз аспортсменцәа руаӡәк Асҭамыр Лакашьиа арадио Sputnik Аԥсны аефир аҿы еиҭеиҳәеит аспорт ахь дышнеизи, иаԥхьаҟа гәҭакқәас имоу ртәы.

Гагра араион ахада ихаҭыԥуаҩ Геннади Ҵәыџьба арадио Sputnik Аԥсны иаиҭаз аинтервиу аҿы еиҭеиҳәеит Гагратәи агәашьа - архитектуратә баҟа ҿыц ҵакыс иамоу атәы.

Аԥсуа ҳәынҭқарратә драматә театр адиректор хада Нодар Ҷанба атеатр аҟны имҩаԥгаз апресс-конференциаҿы иазгәеиҭеит аҟазара знапы алакәу иахьыҟазаалак рмилаҭ ирыцхраароуп ркультуа аҭыгара аус аҟны ҳәа.

Гал араион ахада ихаҭыԥуаҩ, ақыҭанхамҩа аусбарҭа аиҳабы Ҭамаз Ҵәыџьба арадио Sputnik аефир аҟны иҳәеит сынтәа араса аҽаҩра зеиԥшроу атәы.

Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара аҳҭоит, алкаа рзыҟаҳҵоит.

Хәшәылеи амедицинатә маҭәашьарқәеи рыла аиқәыршәаразы агәабзиарахьчара аминистрра аусбарҭа аиҳабы Ахра Аџьба арадио Sputnik аҟны иҳәеит араионқәа рҟны амедицинатә ҭыԥқәа русушьа шеиҿкаау.

Ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа арадио Sputnik Аԥсны аефир аҟны ҳтәылаҟны ашәарыцаразы аҭагылазаашьа далацәажәеит иара убас ашәарыцаразы иахәҭоу ашәҟәқәа ртәы дазааҭгылеит.

Аҟәатәи аҩбатәи абжьаратә школ аҵарашықәс ҿыц аналаго ахәыҷқәа рзы ашәқәа аанартуа мамзаргьы аҵаҩцәа аднамкыло атәы арадио Sputnik аҟны еиҭеиҳәеит ажурналист Бадраҟ Аҩӡба.

Астолтә ԥкьаҭымԥыл азы афедерациа ахада Беслан Карчаа арадио Sputnik аҟны иҳәеит Аҟәа имҩаԥысраны иҟоу Жәларбжьаратәи атурнир иалахәхо, аспортсменцәа разыҟаҵара атәы.