АРЕПАТРИАЦИА

Ҭырқәтәыла иҟоу аԥсуа қыҭа Есма-Ҳаным аӡхыҵра ӷәӷәа ҟалеит, аӡы аҩнқәа аҩбатәи аихагыла рҟынӡа инаӡахьеит. Ауааԥсыра реиқәырхаразы аруаа адҵа роуит. Абри атәы иҳәеит арадио Sputnik Аԥсны аинтервиу аҿы уи ақыҭа иалҵыз, иахьа зашьцәа уа инхо, ҳџьынџьуаҩ Ҳаири Қәҭарба.

Ҭырқәтәыла, Зонгәылдак ақалақь аҟны раԥхьаӡа акәны иаадыртит аԥсуаа рхеидкыла. Уи аиҿкаашьеи аартреи ртәы иазааҭгылоит Ҭырқәтәылатәи Ареспубликаҿы  иҟоу Аԥсны ахаҭарнак Вадим Ҳаразиеи Аԥсуа Федерациа аиҳабы Аҭанур Аҟәысбеи.

Аԥсны зыԥсшьарамшқəа зхызгоз ҳџьынџьуаа хəыҷқəа рыԥсадгьыл бзиа ишырбази, уи азы ргəаанагарақəеи ртəы ҳзеиҭеиҳəоит агəыԥ анапхгаҩцəа руаӡəк Ердынџь Аҭеиба.

Ԥхынгәы 1 аахыс Иорданиеи Ҭырқәтәылеи рҟынтәи ҳџьынџьуаа хәыҷқәа Аԥсны иаҭааны иҟоуп. Иахьа Аминистрцәа Реилазаара аилатәаратә зал аҟны урҭ дырԥылеит Аԥсны ахада Рауль Ҳаџьымба.

Ҭырқәтәыла иҟоу Аԥсны ахаҭарнак Вадим Ҳаразиа арадио Sputnik ахь адырра ҟаиҵеит уи аҳәынҭқарраҟны аԥсуа хеидкылақәа иахьанӡа ирыламыз ҳажәлар рхылҵшьҭрақәа ахьынхо ҩ-қыҭак рхаҭарнакцәа агәаҳәара шаадырԥшыз дара рҟынгьы ахеидкыла еиҿыркаарц.

Арҭ амшқәа рзы Аԥсны рыԥсшьараамҭа рхыргоит Ҭырқәтәылантәи иааз ҳџьынџьуаа рхәыҷқәа. Урҭ напхгаҩыс ирыцу, Сҭампыл иҟоу аԥсуа культуратә хеидкыла аиҳабы Шамиль Ешба арадио Sputnik Аԥсны иазеиҭеиҳәеит ахәыҷқәа рџьынџь-ԥсадгьыл агәыбылра шыркыз атәы.

Арепатриациазы аминистр Беслан Дбар арадио Sputnik аефир аҟны еиҭеиҳәеит атәым ҳәынҭқаррақәа рҟны инхо ҳџьынџьуаа хәыҷқәа рзы сынтәа аԥхынтәи алагер Аԥсны ишеиҿкаау.

Sputnik акорреспондент Сырма Ашәԥҳа иахьа ҳаргәылалгалоит 2007 шықәсазы ателехəаԥшреи арадиои ржурналист лаҳасаб ала Шьамтәыла даҭааны аԥсуаа рхылҵшьҭрақәа данырԥылаз амшқәа ирыдҳәалоу лгәалашәарақәа.

Шьамтəылантəи шықəсқəак раԥхьа зҭоурыхтə ԥсадгьыл ахь ихынҳəыз, уи агәыбылра ӷәӷәа ззаду, зҭоурыхи заԥсуареи пату ду ззақәу арԥыс Џьолан Маршьан изку анҵамҭа шәыдылгалоит Сырма Ашәԥҳа.

Намық Арсҭаа иԥсадгьыл аҿы инхара, ибзазара атəы еиҭазҳəо аҭоурых шәыдылгалоит Sputnik акорреспондент Сырма Ашәԥҳа.

Ҭырқәтәылантәи нхара ҳәа зҭоурыхтә ԥсадгьыл ахь ихынҳәыз ҳџьынџьуаҩ Ҳаади Лакрба иҭоурых ажурналист Сырма Ашәԥҳа ланҵамҭаҿы.

15 шықəса раҧхьа зҭоурыхтə ҧсадгьыл лабҿаба избаз Ҳасан Быҭəба, иахьа ихы-игəы дақəгəырҕьо дынхоит иабдуцəа рџьынџь дгьыл аҿы.

Ҭырқəтəыла еиҿкаау Аԥсуа Федерациа аиҳабы Аҭанур Аҟəысба дазааҭгылоит иара напхгара зиҭо аусбарҭа ҳазҭагылоу аамҭазы изхаҵгыло, аус здыруло азҵаарақəа ртəы.

Ҭырқəтəыло инхо ҳдиаспора ахаҭарнакцəа Урыстəыла Амш аныҳəа идырныҳəалеит Сҭампыл иҟоу Аконсул хада Андреи Поделышев.

Амҳаџьырра Аԥснынтәи иагаз ҳхылҵшьҭрақәа рахьтә зықəрахь инеихьоу абыргцəа есымша рылаԥш хаа ҳхын, иаҳхуп иахьагьы. Убас, згәыбылра есымша иҳаду, зажəа акрыԥхылнадоз иреиуаз Ҭалиаҭ Аҭрышба Аԥсны дааны даныҟаз Сырма Ашәԥҳа илеиҳәаз ажәа ҟәышқәа, ажәа мҩақәҵагақәа, иԥсадгьыл азы имаз агәҭахәыцрақәа шәыдылгалоит лматериал аҟны.

Амҳаџьырраан иӡыз акәылӡтәы ԥара́́ атехника ссир ҩышә шықәса инарзынаԥшуа рышьҭахь Аԥсныҟа ишыхынҳәыз атәы ҳзеиҭалҳәоит Асида Кәыҵниаԥҳа.

Лаҵарамза 7-8 рзы Ҭырқәтәылатәи аԥсуа делегациа Нхыҵ-Кавказтәи аиашьаратә республикақәа ирҭааит.

Сақариа аԥсуаа рхеидкылаҿы имҩаԥысит аҳәса анапҟазацәа рцәыргақәҵа "Аҩычага".

Занааҭла инџьныру ҭырқәтәылатәи ҳџьынџьуаҩ, Сҭамԥыл ақалақь аҿы инхо Есаҭ Ахба ихатәы бызшәа идыруеит, аԥсуарагьы акыр дазҿлымҳауп, Аԥсныҟагьы даахьеит, иара дазааҭгылоит иабдуцәа атәым дгьыл ахь ишықәнагалази, уаатәи иԥсҭазаареи.

Арҭ амшқәа рзы Германиантәи Аԥсны иаҭааны иҟоуп ҳџьынџьуаа гәыԥҩык. Урҭ дрылоуп аҟабарда ҭыԥҳа Дижьлеи Марзеи. Ишәыдаагалоит Sputnik акорреспондент Сырма Ашәԥҳа уи илызкны ианылҵаз аматериал.