Ҭаҭартәи аҳәынҭқарратә драматә театр Аԥсны

© Sputnik / Томас ТхайцукФанис Мусагитов.
Фанис Мусагитов. - Sputnik Аҧсны
Анапаҵаҩра
НовостиTelegram
Карим Тинчурин ихьӡ зху Ҭаҭартәи аҳәынҭқарратә адрамеи акомедиеи ртеатр Аԥсны иддырбеит ақәыргыламҭақәа ҩба: "Родник любви", "Хотелось увидеть".

Ҭаҭартәи артистцәа Аԥсны имҩаԥыргараны иҟоу атәы далацәажәоит Ҭаҭартәи аҳәынҭқарратә адрамеи акомедиеи ртеатр адиректор Фанис Мусагитов.

– Фанис Наил-иԥа аԥсуа хәаԥшҩы дызлашәыршанхарц ишәҭахузеи?

– Ақәыргыламҭақәа рыҩбагь аԥсҭазаара иазааигәоуп. Урҭ авторс дрымоуп Исламиа Махмутова — Ҭаҭар Жәлар рартистка, Урыстәыла зҽаԥсазтәыз артистка. Аспектакльқәа рсиужет аԥсҭазаараҟынтәи игоуп. Атеатр аҟны иҟоуп ашәақәагьы, акәашарақәагьы, ацәажәарақәагьы. Иҟоуп асиужет.

Аспектакль О, Марат аурыс драматә театр асценаҿы - Sputnik Аҧсны
Аспектакль "О, Марат" аурыс драматә театр асценаҿы имҩаԥысит

– Аԥсуа сценаҟны рықәыргыларазы абарҭ аспектакльқәа залышәхызеи?

– Ҳара аклассика аагарц ҳҭахымхеит. Ҳара иаҳҭаххеит ишәҳарбарц иахьа ҳазланхо. Аспектакльқәа рыҩбагь рҟны цәаҳәа ҟаԥшьла иалсуеит: "аибашьра ада зегьы ухугар улшоит. Аибашьра зегь агоит".

– Шәытруппаз ари раԥхьатәи гострольума?

– Ааи. Сгәыӷуеит иҵыхәтәантәихарым ҳәа.

– Шәтеатр арепертуар шәаҳзалацәажәа.

– Ҳрепертуар акыр иҭбаауп. Иахьазы 32 спектакль ҳамоуп. Еснагь иҿыцу акы ҳашьҭоуп. Иҳамоуп амилаҭтә драматургиа, адрама, амелодрама, Шекспир и-"Гамлет", Лорка еиҭагамҭақәа…

Ҟарачы-Черқьессктәи артистцәа аԥсуа сценаҟны. - Sputnik Аҧсны
Ҟарачы-Черқьессктәи артистцәа иреиӷьыз аспектакльқәа ықәдыргылеит

– Шәара Аԥсуа театр атәы жәдыруазар акәхап. Арҭ атеатрқәа, аԥснытәии ҭаҭарсҭантәии еиԥшрас ирымоузеи, ҷыдарақәасгьы ирымоузеи?

– Аԥсуа театр ақәыргыламҭақәа аинтернет аҿоуп иахьызбахьоу. Цәыббразы ҳгәы иҭоуп амилаҭтә драматургиа жәларбжьаратәи афестиваль аиҿкаара. Сынтәа уи аабатәиуп. Афестиваль аҳәаақәа ирҭагӡаны ҳрылацәажәоит ҳақәҿиарақәа, ҳапроблемақәа. Ҳԥышәа еимаадоит.

– Шәаԥхьаҟатәи шәыпланқәа шәрылацәажәар?

– Аамҭа иақәшәо аусуроуп планны иҳамоу. Ахәаԥшҩы дузнеирц уҭахызар аамҭа маҷкгьы иаԥугалароуп.

– Шәыпланқәа Аԥсны рылоума?

– Ҳәарада. Агастрольқәа рышьҭахь иаҳгәиҭоуп ҭынч ԥсшьара ҳәа аара. Ҳаргьы инаҳаԥхьоит аԥсуа актиорцәа. Аиҩызара аԥсҭазаара шьаҭаны иазыҟазароуп. Ҳара уажәы ҳҟазара шәҳарбоит. Нас ҳазыԥшуп шәара шәҟазарагьы ҳахәаԥшцәа ирбарц.

Ажәабжьқәа зегьы
0