17:41 21 Лаҵара 2018
Аҟәа+ 24°C
Ишиашоу ицо аефир
С любимой женой Сарией

Зыԥсҭазаара қәԥараз: Нестор Лакоба диижьҭеи 125 шәықәса ҵит

© Фото : из книги Адиле Аббас-оглы “Моя Абхазия... Моя судьба”
Аԥсны
Икьаҿу ахьарԥш аиура
5910

125 шықәса ҵит иналукааша амилаҭ-хақәиҭратә қәԥара аԥхьагыла Нестор Аполлон-иԥа Лакоба диижьҭеи.

Sputnik

Нестор Аполлон-иԥа Лакоба диит лаҵарамза 1 1893 шықәса рзы, аԥсуа нхаҩы иҭаацәараҿы, Гәдоуҭа араион, Лыхны ақыҭан.

1905 шықәса рзы ашкол даналга ашьҭахь Нестор лакоба дҭалоит Тифлистәи адоуҳатә ҵараиурҭа.

Асовет ҳәынҭқарратә, апартиатә усзуҩ Михаил Бӷажәба иҩуеит 1910 шықәса рзы жәибыжь шықәса зхыҵуаз Нестор асеминариа дҭалеит ҳәа.

"Асеминариаҟны хықәкыла аус адиулон ареволиуциатә дунеихәаԥшра", — иҩуеит Бӷажәба.

Гәажәба Лакоба изку истатиақәа рҟны иҩуеит 1919 шықәса рзы Аҟәатәи абахҭа иаҭааз аменшевик-палач Валико Џьуӷьелиа Нестор Лакоба ихы иқәкны дҵааит ҳәа:

— Сара сыҭҟәаны сшәыднагалазҭгьы шәышԥасызныҟәарыз?

— Ҳәарада, шәкыдҵан шәаҳшьуан — иҳәеит Лакоба.

Аменшевикцәа Лакобеи иҩызцәа акоммунистцәеи абахҭа иҭрыжьит ажәлар рықәгылара иацәшәаны.

Лакоба абри ашьҭахь иҳәон: "…Аменшевикцәа еснагь ашәара рыман. Урҭ ирдыруан ԥеиԥш шрымамыз. Иахьакә уаҵәакә аџьажәлар урҭ рымчра шахырҳәоз еилыркаауан".

Абахҭа иҭыҵыз Лакоба иаразнакы ареволиуциатә усура аилашыҩкра дналагылеит. Кавказтәи атәылаҿацәтә РКП(б) акомитет маӡалатәи адҵала 1919 шықәса рзы Очымчыратәи аучасток амилициа рхадас аусура далагоит.

"Лакоба Маркс иҵареи акоммунизм атеориеи иныҭкааны издырамызт, аха агуманисттә идеиақәеи асоциалтә иашареи ридеиақәа игәаԥхон", — иҳәоит иинтервиуқәа руак аҟны аҵарауаҩ Игор Марыхәба.

Қырҭтәыла аменшевикцәа Аԥсны анрымпыҵархала Нестор Лакоба аԥсуа жәлар рмилаҭ-хақәиҭратә қәԥара ахаҿы дгылеит. Иаԥиҵеит "Кьараз".

"1918 —1921 шықәсқәа рзы Аԥсны шьала икәабаны иахысит аменшевик ар. Абарҭ аамҭақәа раан ауп "Кьаразаа", аԥсуа револиуциа а-Дантон, Нестор Лакоба дызхагылаз атәыла ахьчара анрылдыршаз", — иҳәоит Марыхәба.

Ирацәаҩуп аҵарауаа Сталин Лакоба иқәгара 1935 шықәса алагамҭазгьы иӡбахьан ҳәа изшьо.

Лакоба ианашьан Аеҵәа Ҟаԥшь аорден асовет мчра аҿаԥхьа илшамҭақәа рзы.

Жәабран 17 1922 рзы Лакоба далырхуеит Аԥсны Жәлар Ркомиссарцәа Рхеилак ахантәаҩыс. Иара убри аамҭазы ареспублика Аекономикатә хеилак дахылаԥшуан.

Бӷажәба иҩуеит Лакоба ишьра Бериа ихҟьеит ҳәа.

"Лакоба иԥсра ашьҭахь мызқәак ааҵхьаны "ажәлар драӷан" ҳәа ахьӡ ихырҵеит. Иара убри аамҭазы иҭархан аԥсуа партиатә усуҩцәа нагақәа Владимир Ладариа, Самсон Ҷанба", — иҩуеит Бӷажәба.

Ихадоу атемақәа