Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15849 -ҩык ыҟоуп, ргәы бзиахеит 15101-ы, рыԥсҭазаара иалҵит 239-ҩык.

Гал араион аҵараҟәша аметодист хада Ельмира Аҳәԥҳа арадио Sputnik аефир аҿы еиҭалҳәеит араион аҿы шаҟаҩы абжьаратә ҵара хдыркәшо, урҭ раԥхьаҟа занааҭс иалырхуа ртәы.

Ахәыҷы изинқәа рзы Азинмчра змоу аинститут раԥхьаӡа акәны иаԥҵоуп Аԥсны.

Рашәара 12 инаркны 14 -нӡа, 1949 шықәсазы Сталин идҵала Аԥсны инхоз 30 000-ҩык абырзенцәа Ҟазахсҭанҟа иахыргеит. Рмазара акәзар, арахь иааргоз ақырҭқәа ирырҭон. Аҭоурыхтә ҭҵаарадыррақәа рдоктор Аслан Аҩӡба арадиоефир аҿы арҭ ахҭысқәа ахҳәаа рыиҭеит.

Ԥхьаҟатәи аҽазыҟаҵарақәа еиҳа иуадаҩны еиҿкаахоит, атехника ахыԥхьаӡара иацҵахоит ҳәа азгәарҭоит Аԥсны АҶА апресс-маҵзураҿы.

Аиқәырхаҩцәа амҩа-транспорт машәыр аԥыхреи ахыбрақәа руак аҿы амца арцәареи рзы апрактикатә уснагӡатәқәа мҩаԥыргон.

Аџьынџьтәылатә еибашьра Ду алахәылацәа, аибашьратә ҳамҭа занашьам реилкааразы 2015 шықәса раахыс еиҿкаауп "Аиааира аеҵәақәа" рбаза.

Рашәара 14 асааҭ 13.00 азы ЕгрыГЕС агенераторқәа аангылеит, уи иахҟьаны фымцалашарада иаанханы иҟан Гал, Очамчира, Гәылрыԥшь араионқәа, иара убас Аҟәеи Гагреи араионқәа рыхәҭақәа.

Пицундатәи ауахәама аконцерттә зал адиректор Гунда Агрԥҳа арадио Sputnik аефир аҿы еиҭалҳәеит аԥхынтәи аамҭазы иазгәаҭоу аконцертқәа ртәы.

АУН "Амшынеиқәафымцамч" аҳәамҭа ҟанаҵеит ЕгрыГЕС аҿтәи аҭагылазаашьа аҿиашьазы адырра шыҟанаҵало.