Дранда ақыҭа ахада Оҭар Елерџьиа арадио Sputnik аефир аҿы иҳәеит ақыҭа амҩадуқәа рҿы акаҭран ақәҵаразы аусурақәа шцо.

Аԥсны иахьаҵанакуа акоронавирустә инфекциа 536-ҩык ишрылоу аадырԥшхьеит. Урҭ рахьтә 158-ҩык апациентцәа ргәы бзиахеит, хәҩык рыԥсҭазаара иалҵит.

Еилаԥсоу ақәԥаразы атурнир, аԥсуа қәԥаҩы Ҭимур Акаба дызлахәу мҩаԥгахоит цәыббра 9 рзы, Москва.

Апалигон Ҵабал аҿы имҩаԥысуаз ҩ-ганктәи атактикатә ҽазыҟаҵарақәа ирыдыԥхьалан зықьҩык рҟынӡа аруаа, ахархәара рыҭан 300 ак арратә техника.

Ииашаны аҩреи ииашаны аҳәареи жәларбжьаратәи амш аҽны ААУ аԥсуа бызшәа акафедра арҵаҩы еиҳабы Риҵа Сақаниаԥҳа арадио Sputnik аефир аҿы еиҭалҳәеит абызшәа аҩышьаԥҟарақәа рыԥсахра ауаҩы идыррақәа анырра шанаҭо атәы.

Аԥсныҟа усутә ныҟәарала цәыббра 8 рзы иааит Урыстәыла агәабзиарахьчара аминистрра аделегациа. Аԥсны агәабзиарахьчара аминистр Ҭамаз Ҵахнакьиа урҭ дырԥылеит, анаҩсан дара Тҟәарчалҟа еиццеит.

Ашьапылампыл азы Аԥсны Ахраҿаз аиндаҭларақәа ирылахәуп аа-командак: "Нарҭ", "Динамо", "Ерцахә", "Риҵа", "Афон", "Самырзаҟан", "Гагра", "Саӡ".

Аԥсны Аҭагылазаашьа ҷыдақәа рминистрра Аҟәа, Воронов имҩа аҩны №7 аҩналарҭақәа ҩба рҟны арзҩыдаратә усурақәа мҩаԥыргеит.

Амуниципалтә унитарнтә наплакы "Аӡыканал" Аҟәа ақалақь асасааирҭа "Риҵа" аҵакыраҿы цәыббра 9 рзы аремонттә усурақәа мҩаԥнагараны иҟоуп.

Марыхәтәи акаҵәараҿы ихыркәшоу аԥсуа аҵарауаа рекспедициа алҵшәақәа ртәы арадио Sputnik иазеиҭеиҳәеит аҭоурых ҭҵаарадыррақәа ркандидат, археолог Руслан Барцыц.

Мчыбжьык инахыҳәҳәоит Гагра араион ауааԥсыра асоциалтә ҳақәа рҿы аӡы рымамзаара ишаргәаҟуа атәы рҳәоижьҭеи.

Асиа шьақәыргылоуп 2020 шықәса рашәара 1 инаркны нанҳәа 31 рҟынӡа атуристцәа зыхәԥса ршәахьоу аҭыԥқәа рҵаҵӷәала.

Апандемиа иахырҟьаны адунеитә економикатә кризис ашәарҭара иҭанаргылараны иҟоуп адоллари еврои реиԥш иҟоу авалиутақәа.

Аԥсни Донецки еизгоу ршьапылампылтә командақәа реицыхәмарра Аԥсны Аиааиреи Ахьыԥшымреи Рымш иазкуп.

Урыстәыла акоронавирус аҿагылара мҩаԥнагоит иара аҵакыраҿы адагьы егьырҭ атәылақәа рҿгьы цхыраарак аҳасаб ала. Цәыббра 4 рзы урҭ атәылақәа рхыԥхьаӡара 39 рҟынӡа инаӡеит.

Аԥсны ауааԥсыра нхарҭаҭыԥла реиқәыршәаразы аус зуа апрограммақәа апандемиа анырра ӷәӷәа шанаҭаз атәы арадио Sputnik аҿы еиҭеиҳәеит Аԥсны Аџьеи, аусурамазаареи, асоциалтә еиқәыршәаразы аминистр Руслан Аџьба.

Нанҳәамзазы Урыстәыла ашәҟәы иҭаргалеит акоронавирустә ҿкы чымазара ҿыц (COVID-19) апрофилактиказы адунеи аҿы ираԥхьаӡатәиу алаҵа. Алаҵа аԥырҵеит Гамалеи ихьӡ зху аепидемиологиеи амикробиологиеи рыҭҵаарадырратә центр аҟны. Алаҵа хьӡыс иарҭеит "Спутник V".

Қырҭтәыла имҩаԥысуа аҽазыҟаҵарақәа ирылахәхоит акырнызқь аруаа, арратә техника хьанҭа, авиациа, ЕАА арра-мшынтә флот аӷбақәа.

Гал араион аҵараҟәша аиҳабы Екатерина Габелиаԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит апандемиа аамҭазы ашколқәа аус шыруа.

Аслан Бжьаниа Аԥсны Аҳәынҭқарра ахадас дҟалеижьҭеи ари ԥшьынтәуп Москваҟа усутә ныҟәарала дцоижьҭеи.