Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20159-ҩык ыҟоуп, ргәы бзиахеит 16367-ҩык, рыԥсҭазаара иалҵит 282-а.

Гал ақалақь иахьа 89 шықәса ахыҵит. Уи аԥызҵаз ҳәа аҭоурых аҟны дарбоуп Ҭлабӷан Қьецба. Гал араион аҵара аусбарҭа аметодист Ельмира Аҳәԥҳа арадио Sputnik аефир аҟны еиҭалҳәеит ақалақь аҭоурых, амшныҳәа сынтәа ишазгәарҭо.

"Аекономикатә ҿиара алшарақәа" атемала астол гьежь мҩаԥысит Асоциал-економикатә ҭҵаарақәа Рцентр аҿы ԥхынгәы 13 азы. Ажәахә "Аԥсны аекономикатә еизҳара – аинституционалтә ԥхасҭақәа" ҟалҵеит Ацентр амилаҭтә економика аҟәша аиҳабы Хатуна Шаҭԥҳа.

Очамчыра араион Џьал ақыҭан инхо Витали Ҭыжәба иашҭаҿы еиҭаҳаны имоуп хкы рацәала ашәҭқәа, агәырбӷьыҵлақәа, апальмақәа.

Апсихолог Алиса Хәарааԥҳа арадио Sputnik аефир аҟны дазааҭгылеит аволонтиорцәа рхыԥхьаӡара амаҷра зыхҟьаз, аҿар аус рыдулара азҵаара иаҵанакуа, урҭ еидызкыло, русура ҳәаақәызҵо арбану, иара убас акоронавирус ацәшәара ауаа заҟәыҵ уҳәа.

Аԥсны Аџьынџьтәылатә еибашьраан иҭахаз ргәалашәара иазку Иаарту ареспубликатә турнир иалахәын 80-ҩык аспортсменцәа, иара убасгьы Ростовынтәи асасцәа.

Ҳазреҭ Совмен Аԥсны 50 миллион мааҭ ҳамҭас иазааишьҭит акоронавирустә инфекциа аԥырҟәҟәаарази азинхьчаратә усбарҭақәа рыцхраарази. Урҭ рыла Аҟәатәи аҟәшазы иаахәахоит ацхыраара лас амашьынақәа, абри атәы иҳәеит Аслан Џьопуа, аҳҭнықалақь ацхыраара ласы аҳақьым хада.

FWA иаҵанакуа аҳақәа рыбжьара ари раԥхьатәи ҳауп 2300 МГц иҟоу адиапазон аҿы аус зуа, уи ахатәы нхамҩақәа рҿы ахархәаразы иманшәалоуп.

Аҳауагәаҭаҩцәа разԥхьагәаҭарала, ашәахьа ԥхынгәы 19 рзы Аԥсны ашоура ӷәӷәаны иҟалоит, аультрафиолеттә индекс ҳаракхоит.

Иахьатәи аамҭазы акоронавирус-хкқәа рҟынтә еиҳа зыҽзырцәгьаз ҳәа иԥхьаӡоуп дельта-штамм COVID-19, иара авирус ауаҩы ицәеижь еиҳа ирццакны иаланагалоит.

Аԥсылманцәа иазгәарҭо Кәырбанныҳәа инамаданы ареспубликаҿы ԥхынгәы 20 ԥсшьарамшны ирылаҳәоуп.

Аинформациатә маҵзура Sputnik абжьааԥнеиԥш иазнархиеит иҳаҩсыз амчыбжь - ԥхынгәы 12-18 рыҩнуҵҟа иҟалаз ахҭысқәа реизга.

Оҭҳара ақыҭан инхо, занааҭла ирҵаҩу Амиран Бжьаниа арадио Sputnik аефир аҿы еиҭеиҳәеит аҿар зегьы ақыҭа ааныжьра рҭахуп ҳәа аҳәара шиашам, иҳәеит ақыҭаҿы ахныҟәгашьазы иҟоу алшарақәеи ауадаҩрақәеи ртәы.

Аԥсны аҩнуҵҟатәи аусқәа рминистрра адырра ҟанаҵеит Аҟәа Аҳабла ҿыц аҿы асабша ԥхынгәы 17 рзы ҩыџьа ахьҭахаз аиҿахысра шыҟалаз азы.

Аушьҭымҭацәа рзеиԥшқалақьтә хәылԥазқәа ахьаԥырхыз азы Аԥсны аҳҭнықалақь ашколқәа урҭ хаз-хазы имҩаԥыргеит.

Иналукааша аҵарауаҩ-абызшәаҭҵааҩы, афольклорист, аҭоурыхҭҵааҩ, аетнограф, ашәҟәыҩҩы, арккаҩы, аԥсуа мҳаџьырцәа рхылҵшьҭрақәа иреиуоу Омар Беигәаа диижьҭеи сынтәа 120 шықәса ҵит. Уи игәалашәара иазкуп апоет Анатоли Лагәлаа иахьатәи ианҵамҭа.

Тҟәарчал ақалақь Аҟармаратәи аӡхыҽҽақәа рахь узлацо амҩа хҟьоуп агортензиашәҭ чықьқәа рыла. Урҭ рыԥшӡара аҭыхра иҽазишәеит Sputnik авидеооператор.

Аиҿахысра ҟалеит асабша ԥхынгәы 17 рзы ахәылԥаз, уи иахҟьаны ҩыџьа рыԥсҭазаара иалҵит, азәы ахәрақәа иманы ахәшәтәырҭаҿы дышьҭоуп.

Абраскьыл иҳаԥы аиҳабы Асҭамыр Адлеиба арадио Sputnik аефир аҿы еиҭеиҳәеит сынтәа русура шеиҿкаау, насгьы ирҭаауа ауааԥсыра рхыԥхьаӡара ахьынӡанаӡо.

Аҩада Кьалашәыр аӡымҩангага ԥжәеит, уи аиҭашьақәыргыларазы аҳҭнықалақь ахәҭақәак рҟны аамҭала аӡы аанкылатәуп.