Акоррупциа аҿагыларазы азакәан аус аурцаз асистема иамоу акәамаҵамарақәа зегьы аарԥштәу, абас иҟаз агәаанагара арадио Sputnik Аԥсны аефир аҿы иҳәеит ауаажәларратә усзуҩ, аибашьра аветеран Рисмаг Аџьынџьал.

ЕАР Аконвенциа 20-тәи ахәҭаҷ адкылара адгылаҩцәа гәыԥҩык жәамш инарзынаԥшуа амлашьратә акциа мҩаԥыргон жәабранмзазы ирыдыркылаз азакәан ариашарақәа аларгаларц азы адепутатцәа рахь адҵа ҟаҵо.

Аҟәа ақалақь ацхыраара лас аҳақьым хада Аслан Џьопуа арадио Sputnik аефир аҟны еиҭеиҳәеит акрымфара ауаҩы игәабзиара ишаныԥшуа атәы.

Амлашьратә акциа иалахәыз Асида Кортуаԥҳа арадио Sputnik аефир аҟны илҳәеит агәыӷра шлымоу аҵарҭышагара иаҿагыло азакәан аҟны ражәалагалақәа ҳасаб рзуны иахьатәиамш иалагӡаны иалагалахап, азакәан иахәҭоу амч аиуны иҟарҵап ҳәа адепутатцәа реилатәараҟны.

Аҟәа имҩаԥысит Апарламент адепутатцәа "Амаҵзурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" азакәан ахь ариашарақәа аларгаларц азы амлашьратә акциа мҩаԥызго рыдгыларазы аизара.

ЕАР Аконвенциа 20-тәи ахәҭаҷ адкылара адгылаҩцәа ражәақәа рыла, хәажәкыра 9 рзы 5000 напынҵамҭа еизыргахьан, даҽа 2000 напынҵамҭа атәыла егьырҭ ақалақьқәеи араионқәеи рҟны еизгоуп.

Ауаажәларратә палата алахәыла Едуард Қәираиа, Аҟәа, Ахақәиҭра ашҭаҟны имҩаԥгаз амитинг аҟны иазгәеиҭеит кавказтәи аибашьра иахҟьаны зыԥсадгьыл иахыгаз рхылҵшьҭрақәа бираҟҵас изхәаԥшуа Аԥсынра, аҵарҭышагара иахҟьаны ҳәынҭқаррак аҳасабала ишзышьақәымгыло.

Апарламент адепутатцәа "Амаҵзурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" азакәан ахь хара имгакәа ариашарақәа аларгаларц азы хәажәкыра 11 рзы акциа мҩаԥызго ирызнеиит шәҩыла ауаа.

Ахақәиҭра ашҭаҿы амитинг имҩаԥысуа аӡәгьы еиҿимкааит, ихатә гәаԥхаралатәуп.

Аԥсны Аџьынџьтәылатә еибашьра аветеран, Леон иорден занашьоу Закан Нанба арадио Sputnik аефир аҟны еиҭеиҳәеит Аҟәа амлашьра иалахәу иахьатәи амш азы рус аныӡбамха ажәлар рахь ааԥхьара шыҟаҵахо.

Аԥсны Ауаажәларратә палата алахәылацәа агәҭынчымра рымоуп имлашьуа рҭагылазаашьазы, адепутатцәа рахьгьы аҳәара ҟарҵоит имлашьуа ирызхьаԥшырц.

Аԥсны ахада инапынҵақәа назыгӡо аус адулатәуп ҳәа зыӡбахә иҳәаз азакәан апроект Аԥсны Адәныҟатәи аусқәа рминистрра иазнархиоит, хара имгакәагьы Апарламент ахь инашьҭхоит.

Еиду амилаҭқәа реиҿкаара (ЕАР) Аконвенциа 20-тәи ахәҭаҷ адкыларазы амлашьра иаҿу ирыдгылоу Аԥсны Аџьынџьтәылатә еибашьра аветеранцәа гәыԥҩык Владислав Арӡынба ихьӡ зху Ахьӡ-аԥша амузеи аҟны аиԥылара мҩаԥыргеит хәажәкыра 9 рзы.

Жәларбжьаратәи аҳәса рымш азы Аҟәа амлашьратә акциа мҩаԥызго, даҽа хҩык Алина Ачԥҳаи, Марина Агрԥҳаи, Боҭа Ажьибеи рыцлеит. Ажурналист Алина Ачԥҳа арадио Sputnik аефир аҟны еиҭалҳәеит имлашьуа ауаа адгылара рырҭарц, даргьы ус еиԥш акциа рхы аладырхәырц зырӡбаз атәы.

Акоррупциа аҿагыларазы ҿҳәарадатәи амлашьра алахәылацәа руаӡәк Џьансыхә Адлеиба Sputnik Аԥсны аефир аҿы иҳәеит Жәлар Реизараҿы ирыдкылаз азакәан ахықәкы хада шынанамыгӡо.