https://sputnik-abkhazia.info/20220108/bziala-aibabap-susanna-aniaa-imasyz-ashys-azti-alkaaa-aleit-1037028046.html
"Бзиала ҳаибабап!": Сусанна Ҭаниаԥҳа имҩасыз ашықәс азтәи алкаақәа ҟалҵеит
"Бзиала ҳаибабап!": Сусанна Ҭаниаԥҳа имҩасыз ашықәс азтәи алкаақәа ҟалҵеит
Sputnik Аҧсны
Имҩасыз ашықәсан имҩаԥылгаз лусуразы алкаақәа ҟалҵоит Sputnik Аԥсны арубрика "Жәлар рдоуҳа" иазааԥсо Сусанна Ҭаниаԥҳа. 08.01.2022, Sputnik Аҧсны
2022-01-08T16:37+0300
2022-01-08T16:37+0300
2022-01-08T16:50+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07e5/04/09/1032182925_0:0:2600:1463_1920x0_80_0_0_6fd3aaab6ec5ca63faa4504dbb53244d.jpg
Аамҭа азхәыцраАамҭа аҽыҩ ццышә – иццакуеит, иԥыруеит. Иузгәамҭакәа иумпыҵхәраауеит, ԥхьаҟа ус шәкы узышьҭазаргь. Уи зҽызымԥсахуа аԥсҭазаара азакәанқәа иреиуоуп.Наунагӡа ҳәа адунеи аӡәгьы дықәӡам, досу иара иаамҭа изыԥҵәоуп.Абас маҷ-маҷ угәы еилазырԥшыша ацәаныррақәа сызныжьны, жәаҩа шықәса рнаҩс "Бзиала, ҳаибабап!" ҳәа иниасит ацә ашықәс.Аханатә аиҭаҳәара салагапСызгәылархалаз философиатә хәыцрақәа срыцәхьаҵны, шьҭа салацәажәар цәгьа избом иаҳхысыз ашықәсазтәи сусура, уимоу, аханатә аиҭаҳәара салагар еиӷьуп.Зегь раԥхьа инаргылан исҳәарц сҭахуп, сара "Аԥсуа бызшәеи алитературеи" рзанааҭ ала Аԥснытәи аҳәынҭқарратә университет афилологиатә факультет сшаушьҭымҭоу. Уи сагьазгәдууп. Сҵара анхсыркәша ашьҭахь сзанааҭ хадала аусура сгәы азыҳәон.Арҵаҩы изанааҭ снапахьы иаазгаратәы аҭагылазаашьа снаҭеит Кьыршьал Шамил-иԥа Чачхалиа ихьӡ зху Ԥақәашьтәи абжьаратә школ №2. Исызгәакьаз, схаҭа сзылгахьаз ашкол ашәқәа сзаатит шьҭа "Аԥсуа бызшәеи алитературеи" рырҵаҩык лаҳасабала. Шәымҭак ааҵуаны сзанааҭ иадҳәалоу егьырҭ ахырхарҭақәа рҿы аусура сыдыргало иалагеит. Анаҩс, аҟәышреи адырреи иргәеисырҭоу Д. И. Гәлиа ихьӡ зху Аԥсуаҭҵааратә институт аҟны сусура хацсыркит афольклортә лабораториа аусзуҩ лаҳасабала. Дук хара имгакәа сыԥсҭазаараҿы ицәырҵит Жәларбжьаратәи аинформациатә маҵзура Sputnik Аԥсны.Иахьеиԥш исгәалашәоит Sputnik Аԥсны аԥсуа аҟәша аредактор Рада Жьиԥҳа аҭел данысзасыз. Лгәыразреи лыхаареи зныԥшуа лыбжьала ԥхьаҟатәи ҳусеицура акәамаҵамақәа ансеиллыркааз.Абҵарамза 13, 2017 шықәсазы "Ахкаршәра, агараҿаҟәара – аԥсуаа ржәытә ҭаацәараԥҵара иазку згәаҭарақәак" захьӡыз сыстатиа маҷ акьыԥхь абеит Sputnik Аԥсны асаит аԥсуа ҟәшаҿы.2018 шықәсазы сшьақәырӷәӷәан арубрика "Жәлар рдоуҳа" иаҵанакуа анҭыҵтәи усзуҩк лаҳасабала, уи арубрика гәыблыла сазааԥсоит иахьа уажәраанӡагьы."Жәлар рдоуҳа" еиднакылоит ҳмилаҭ рҵас, ретнологиа, рфольклор, ркультура уҳәа еиуеиԥшым ахырхарҭала адыррақәа узҭо, иҷыдоу астатиақәа. Иаҳхысыз ашықәс иҭагӡаны Sputnik Аԥсны аԥсуа версиаҿы иҭагалоуп еиуеиԥшым атемақәа ирызку сыстатиақәа ҩажәи жәаха инарзынаԥшуа. Аиашазы, сеихьӡарақәа дуӡам, аха зынӡагьы гәырԥынҵак иаҟароуп ҳәагьы узҳәом. Ааигәа аус здызулаз астатиақәа иреиуоуп: "Агәыла агәы даҩызоуп", "Игәырҩахҽыгахаз, ихәрарӷьагахаз: амузыкатә рҳәага ахымаа иазкны", "Ауаа реиныршәараҿы ицхыраагӡаз амахазы дыррақәак", "Хцәы бырфын": ԥсыуаҵас аԥҳәызба лыхцәныҟәгашьа" уҳәа.АрадиоШьҭа ҩбаҟа шықәса инархыҳәҳәоит арубрика "Жәлар рдоуҳа" аусзуҩцәа еиқәдыршәо рыстатиақәа арадио Sputnik Аԥсны астудиаҿы иаԥхьартә, азыӡырҩцәа рзы рыбжьы ҭарҩыртә аҭагылазаашьа рымоуижьҭеи. Астатиа аиқәыршәара аамышьҭахь, автор имоуп аҭагылазаашьа, ицәыргоу атема ибжьала арадио азыӡырыҩцәа рызнагара. Асаит аҿы ауаа аԥхьаратәы, арадио аҿы иазыӡырыҩратәы аҭагылазаашьа рзаԥҵоуп.Акоммунизм акәым, аколумнистроупЖәларбжьаратәи аинформациатә маҵзуреи арадиои Sputnik Аԥсны цәырҵижьҭеи, жәаҳәарада, иаиухьеит ахатәы аудиториа. Аусзуҩцәа (хаҭала саргьы уахь сналаҵаны) дара ргәаанагара, рыгәҭахәыцрақәа зныԥшуа статиак аредакторцәа ианрыдыргалалак, иргәаԥханы асаит иҭарҵозар, изҩыз ихьӡ-ижәла анаҩс азанааҭтә терминологиа инақәыршәаны "аколумнист" ҳәа дадырбоит.Ажәа "аколумнист" лаф хҭыск сақәнаршәахьеит.Арадио Sputnik Аԥсны аефираҿы аколумнист лаҳасабала зны сыхьӡ-сыжәла рҳәазаарын, сыздыруаз, аиҳабыратә абиԥарахь иаҵанакуаз ауаа ари атермин аефираҿы ианраҳа, ишыгәныркылаз дара зышьцылахьаз "акоммунизм" ҳәа акәзаап.Ҽнак урҭи сареи ҳаиқәшәеит."Сусанна, Асовет мчра хыбгалеижьҭеи ианбатәиу, арахь бара коммунистс аусура балагеит ҳәа ҳаҳаит! Ҳаамҭазы акоммунизм абаабгеи?" - ҿааиҭит руаӡәк.Саргьы сыччаԥшь аасызнымкылеит. "Акоммунизм акәым, аколумнистроуп", - сҳәеит.Абас лахҿыхрыла ихсыркәшарц сҭаххеит имҩасыз ашықәсазтәи алкаақәа.Астатиа иаԥхьаз зегьы гәык-ԥсыкала ишәыдысныҳәалоит ҳазҭалаз 2022-тәи Ашықәс ҿыц!Ҽаанбзиала!
https://sputnik-abkhazia.info/20211010/Amyzha-zmou-atskhyraatsa-ashkhei-ashkhaaarei-iryzku-azgaaraa-1033388175.html
https://sputnik-abkhazia.info/20211204/asaasha-akha-alkra-asyua-azhaak-rykhaa-1036518920.html
https://sputnik-abkhazia.info/20171113/achkarshra-agarahakuara-apsuaa-rshit-taazarapzara-iasku-sguatakuak-1022373692.html
https://sputnik-abkhazia.info/20211222/zhlar-rdoua-aniaa-asabi-ieizasha-iadalou-zgaaraak-iryzkny--1036862808.html
https://sputnik-abkhazia.info/20190308/Asazaara-akhaara-azo-1026836646.html
https://sputnik-abkhazia.info/20211114/auardyn-amagana-aarapat-asuaai-aara-aingalarei-1036322108.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
аналитикеи аиҿцәажәарақәеи
аналитикеи аиҿцәажәарақәеи
"Бзиала ҳаибабап!": Сусанна Ҭаниаԥҳа имҩасыз ашықәс азтәи алкаақәа ҟалҵеит
16:37 08.01.2022 (ирҿыцуп: 16:50 08.01.2022) Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Имҩасыз ашықәсан имҩаԥылгаз лусуразы алкаақәа ҟалҵоит Sputnik Аԥсны арубрика "Жәлар рдоуҳа" иазааԥсо Сусанна Ҭаниаԥҳа.
Аамҭа аҽыҩ ццышә – иццакуеит, иԥыруеит. Иузгәамҭакәа иумпыҵхәраауеит, ԥхьаҟа ус шәкы узышьҭазаргь. Уи зҽызымԥсахуа аԥсҭазаара азакәанқәа иреиуоуп.
Наунагӡа ҳәа адунеи аӡәгьы дықәӡам, досу иара иаамҭа изыԥҵәоуп.
Аамҭа хнырҳәышьа ахьамам аҟнытә, еиҳагьы пату ақәуҵо, уеиҷаҳауа уалагоит. Уаамҭа рзукырц уҽазушәалоит уԥсҭазаараҿы зыда ухәарҭам ауаа, угәы ззыбылуа азанааҭ, аус. Уеизҳацыԥхьаӡа еилукаауеит уаамҭеи угәыбылреи арықәырӡра шаԥсам уи пату ззақәымҵо ауаа.
Абас маҷ-маҷ угәы еилазырԥшыша ацәаныррақәа сызныжьны, жәаҩа шықәса рнаҩс "Бзиала, ҳаибабап!" ҳәа иниасит ацә ашықәс.
Аханатә аиҭаҳәара салагап
Сызгәылархалаз философиатә хәыцрақәа срыцәхьаҵны, шьҭа салацәажәар цәгьа избом иаҳхысыз ашықәсазтәи сусура, уимоу, аханатә аиҭаҳәара салагар еиӷьуп.
Зегь раԥхьа инаргылан исҳәарц сҭахуп, сара "Аԥсуа бызшәеи алитературеи" рзанааҭ ала Аԥснытәи аҳәынҭқарратә университет афилологиатә факультет сшаушьҭымҭоу. Уи сагьазгәдууп. Сҵара анхсыркәша ашьҭахь сзанааҭ хадала аусура сгәы азыҳәон.
Арҵаҩы изанааҭ снапахьы иаазгаратәы аҭагылазаашьа снаҭеит Кьыршьал Шамил-иԥа Чачхалиа ихьӡ зху Ԥақәашьтәи абжьаратә школ №2. Исызгәакьаз, схаҭа сзылгахьаз ашкол ашәқәа сзаатит шьҭа "Аԥсуа бызшәеи алитературеи" рырҵаҩык лаҳасабала. Шәымҭак ааҵуаны сзанааҭ иадҳәалоу егьырҭ ахырхарҭақәа рҿы аусура сыдыргало иалагеит.
Анаҩс, аҟәышреи адырреи иргәеисырҭоу Д. И. Гәлиа ихьӡ зху Аԥсуаҭҵааратә институт аҟны сусура хацсыркит афольклортә лабораториа аусзуҩ лаҳасабала. Дук хара имгакәа сыԥсҭазаараҿы ицәырҵит Жәларбжьаратәи аинформациатә маҵзура Sputnik Аԥсны.
Иахьеиԥш исгәалашәоит Sputnik Аԥсны аԥсуа аҟәша аредактор Рада Жьиԥҳа аҭел данысзасыз. Лгәыразреи лыхаареи зныԥшуа лыбжьала ԥхьаҟатәи ҳусеицура акәамаҵамақәа ансеиллыркааз.
Абҵарамза 13, 2017 шықәсазы "Ахкаршәра, агараҿаҟәара – аԥсуаа ржәытә ҭаацәараԥҵара иазку згәаҭарақәак" захьӡыз сыстатиа маҷ акьыԥхь абеит Sputnik Аԥсны асаит аԥсуа ҟәшаҿы.
2018 шықәсазы сшьақәырӷәӷәан арубрика "Жәлар рдоуҳа" иаҵанакуа анҭыҵтәи усзуҩк лаҳасабала, уи арубрика гәыблыла сазааԥсоит иахьа уажәраанӡагьы.
"Жәлар рдоуҳа" еиднакылоит ҳмилаҭ рҵас, ретнологиа, рфольклор, ркультура уҳәа еиуеиԥшым ахырхарҭала адыррақәа узҭо, иҷыдоу астатиақәа. Иаҳхысыз ашықәс иҭагӡаны Sputnik Аԥсны аԥсуа версиаҿы иҭагалоуп еиуеиԥшым атемақәа ирызку сыстатиақәа ҩажәи жәаха инарзынаԥшуа. Аиашазы, сеихьӡарақәа дуӡам, аха зынӡагьы гәырԥынҵак иаҟароуп ҳәагьы узҳәом. Ааигәа аус здызулаз астатиақәа иреиуоуп: "
Агәыла агәы даҩызоуп", "
Игәырҩахҽыгахаз, ихәрарӷьагахаз: амузыкатә рҳәага ахымаа иазкны", "
Ауаа реиныршәараҿы ицхыраагӡаз амахазы дыррақәак", "
Хцәы бырфын": ԥсыуаҵас аԥҳәызба лыхцәныҟәгашьа" уҳәа.
Шьҭа ҩбаҟа шықәса инархыҳәҳәоит арубрика "Жәлар рдоуҳа" аусзуҩцәа еиқәдыршәо рыстатиақәа арадио Sputnik Аԥсны астудиаҿы иаԥхьартә, азыӡырҩцәа рзы рыбжьы ҭарҩыртә аҭагылазаашьа рымоуижьҭеи. Астатиа аиқәыршәара аамышьҭахь, автор имоуп аҭагылазаашьа, ицәыргоу атема ибжьала арадио азыӡырыҩцәа рызнагара. Асаит аҿы ауаа аԥхьаратәы, арадио аҿы иазыӡырыҩратәы аҭагылазаашьа рзаԥҵоуп.
Акоммунизм акәым, аколумнистроуп
Жәларбжьаратәи аинформациатә маҵзуреи арадиои Sputnik Аԥсны цәырҵижьҭеи, жәаҳәарада, иаиухьеит ахатәы аудиториа. Аусзуҩцәа (хаҭала саргьы уахь сналаҵаны) дара ргәаанагара, рыгәҭахәыцрақәа зныԥшуа статиак аредакторцәа ианрыдыргалалак, иргәаԥханы асаит иҭарҵозар, изҩыз ихьӡ-ижәла анаҩс азанааҭтә терминологиа инақәыршәаны "аколумнист" ҳәа дадырбоит.
Ажәа "аколумнист" лаф хҭыск сақәнаршәахьеит.
Арадио Sputnik Аԥсны аефираҿы аколумнист лаҳасабала зны сыхьӡ-сыжәла рҳәазаарын, сыздыруаз, аиҳабыратә абиԥарахь иаҵанакуаз ауаа ари атермин аефираҿы ианраҳа, ишыгәныркылаз дара зышьцылахьаз "акоммунизм" ҳәа акәзаап.
Ҽнак урҭи сареи ҳаиқәшәеит.
"Сусанна, Асовет мчра хыбгалеижьҭеи ианбатәиу, арахь бара коммунистс аусура балагеит ҳәа ҳаҳаит! Ҳаамҭазы акоммунизм абаабгеи?" - ҿааиҭит руаӡәк.
Саргьы сыччаԥшь аасызнымкылеит. "Акоммунизм акәым, аколумнистроуп", - сҳәеит.
Абас лахҿыхрыла ихсыркәшарц сҭаххеит имҩасыз ашықәсазтәи алкаақәа.
Астатиа иаԥхьаз зегьы гәык-ԥсыкала ишәыдысныҳәалоит ҳазҭалаз 2022-тәи Ашықәс ҿыц!
Иҟалааит ҳазҭалаз ашықәс ҳажәлар рзы аныҳәа дуқәеи аиааира ҿыцқәеи ирышықәсны. Дарбанзаалак ишәзеиӷьасшьоит агәабзиара, агәамч, аманшәалара шәнапы злаку аус аҿы!
