Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15463-ҩык ыҟоуп, ргәы бзиахеит 14876-ҩык, рыԥсҭазаара иалҵит 236-ҩык.

Аҟәа аԥшаҳәаҿы Сергеи Багаԥшь ихьӡ зху ашҭаҿы идыргылаз аӡыршә аусура иалагеит лаҵарамза 1 азы.

2021 шықәса актәи аԥшьбарак азы Аԥсны ашәахтәқәеи аизгақәеи рҟны миллиардки 26 миллион мааҭи ашәахтәқәа еизыргеит.

Алитературатә конкурс "Араӡны калам" хыркәшоуп. Алҵшәақәа арадио Sputnik аефир аҟны дрылацәажәеит аиҿкааҩцәа ируаӡәку Саида Ҳаџьымԥҳа.

Ауаҩы идҳәалоу еиуеиԥшым аԥсуа жәлар разгәаҭарақәеи урҭ рҵакқәеи Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа ланҵамҭа.

Аҟәа агәаны игылоу егьырҭ аҩнқәа иаарылукаауеит Аԥсны уаанӡатәи аекономика аминистр, Ашахмат азы афедерациа ахада Константин Ҭыжәба иҩны. Sputnik уи иҭааны еилыркааит ари аҩыза анашанатә баҳча шаԥиҵаз.

Аԥсны амшынҭаларатә сезон официалла иаартын асабша рашәара 5 рзы. Уи асезон иалагаанӡа Аԥсны Аӷба маҷқәа рзы аҳәынҭқарратә инспекциа есышықәса араионқәа рҟны амшын аҟәареи амшын аҵеи дрыцқьоит.

Ҭырқәтәыла, аԥсуа қыҭа Калдахәара (Балбалы) инхо ҳџьынџьуаҩ Ҳаҭиџье Зарданиаԥҳа дшыхәыҷызнатә асахьаҭыхра бзиа илбон. Лара ахаан Аԥсны шылымбацызгьы, лусумҭақәа рҟны уи аԥшӡара акәын иаалырԥшуаз. Ишԥаиуаз лхаҿы урҭ асахьақәа? Ари азҵаара аҭак анаҩстәи анҵамҭаҿы.

Ҳџьынџьуаа ахьынхо атәылақәа рҿы, хаҭала Шьамтәыла, ҳаамҭазы аимадарақәа ирыҿиашьоу атәы арадио Sputnik аефир аҟны еиҭеиҳәеит Аԥсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа.

Аԥсны акриптовалиута арҳареи уи азы ахархәагақәа ралагалареи рзин аанкылоуп 2022 шықәса хәажәкыра 31 рҟынӡа.