Афонд "Аидгылара ацҳа" алахәыла Аира Қапԥҳа арадио Sputnik Аԥсны аефир аҟны еиҭалҳәеит афонд инанагӡо апроектқәа ртәы.

Аԥсны ашьапылымпыл аҟны ишьақәгылаз аҭагылазаашьа инарҭбааны иҭызҵаауа акорреспондент Бадраҟ Аҩӡба арадио Sputnik аефир аҟны уи азҵаара дазааҭгылеит.

Искандер ихьӡ зху Аурыс драматә театр актиор, арежиссиор Џьамбул Жорданиа арадио Sputnik аҟны еиҭеиҳәеит Островски ипиесала ақәыргыламҭа аналырхуаз хықәкыс ирымаз атәы.

Аҟәа ақалақь Алашарбага араион, Адлеиба ихьӡ зху амҩаҿы инхо ауааԥсыра аҳҭнықалақь ахадарахь аҳәара ҟарҵеит аӡымҩангага аремонт азухарц.

Урыстәылеи Аԥсныи рҳәаа ахыҵра зҽазызшәоз ахаҿы итәыла, Киргизиа, ашьаус даҵаркуп. Иаанкылоу ахаҿы киргизиатәи рколлегацәа рыҭаразы шәачатәи аполициа рахь днагоуп.

Ҩ-гектарк инарзынаԥшуа аԥсара амца акит. Абылраан ԥсыҭбара ҟамлеит. Амцарцәара иаҿын 20-ҩык рҟынӡа амцарцәаҩцәа.

Аԥсны иҟоу Аладатәи арратә округ аруаа аинформациа аимдаразы анормативқәа нарыгӡеит, арратә техникеи абџьари рыла ахысрақәа мҩаԥыргеит, ҳәа аанацҳауеит Аладатәи арратә округ апресс-маҵзура.

Аԥсуа спортсмен Баџьа Хәытаба Шьамтәыла ахьӡала 2020 шықәса рзы Иапониа имҩаԥысраны иҟоу аԥхынтәи Аолимпиатә хәмаррақәа дрылахәхараны дыҟоуп. Уаанӡа, Шьамтәыла ахьӡала Хәытаба адунеи Ачемпионат аҿы 2019 шықәса рзы Нур-Султан ақалақь аҿы дықәгылахьан.

Урыстәылатәи аритеилерцәа цәыббрамза анҵәамҭазы иазгәарҭеит асмартфон ҿыц iPhone еиҳа аахәара шырҭаху.

Аҳәынҭқарратәи ауаажәларратәи усзуҩ Валери Аршба иира амш аҽны арадио Sputnik Аԥсны дсасны даҭан. Валери Шьалуа -иԥа иахьа 70 шықәса ихыҵит.

"Иаку абилеҭ" ахәԥса: "Шәача – Гагра" - 380 мааҭ, "Шәача - Пицунда" - 420 мааҭ, "Шәача - Гәдоуҭа" - 460 мааҭ, "Шәача - Афон ҿыц" - 520 мааҭ, "Шәача - Аҟәа" - 560 мааҭ. Уаныхынҳәуа ахәԥса шыҟоу иаанхоит.

Ҟабарда-Балкариа ахадас иалху Казбек Коков арегион анапхгаҩы имаҵзура дахагылеит ажәлар рҿаԥхьа аҭоубашьҭаҵара ҟаҵаны.

Амҵәышәымпыл азы Аԥснытәи акоманда ахәмарҩы Давид Бигәаа арадио Sputnik аефир аҟны дазааҭгылеит Аҟәа имҩаԥгаз атурнир алҵшәақәа, ҳахәмарыҩцәа уи шрыдыркылаз.

Аԥсны Ахақәиҭреи Ахьыԥшымреи рымшныҳәа иазку амҵәышәмпыл азы есышықәсатәи атурнир мҩаԥысуан Аҟәа цәыббра 29 – жьҭаара 3 рзы.

Аԥсны Алхратә комиссиа хада ԥаса напхгара азҭоз Виачеслав Цыгәба арадио Sputnik аефир аҟны игәалаиршәеит 20 шықәса раԥхьа ҳтәылаҟны имҩаԥгаз жәлары зегьы злахәыз абжьыҭара амҩаԥгара шеиҿкааз.

Аполигон "Ҵабал" аҟны имҩаԥысуа арратә ҽазыҟаҵарақәа ирылахәуп 300-ҩык инарзынаԥшуа "аӷа" дызшьаҟьараны адҵа змоу аԥшыхәратә ҟәшақәа рҟынтәи аруаа.

Аҭара акыҭан зхатә наплакы "Асыӡбал" еиҿкааны измоу Камила Кәыҵниаԥҳа арадио Sputnik аефир аҟны еиҭалҳәеит сынтәа абҳәаса аҽаҩра зеиԥшраз, шаҟа тонна рҟынӡа лнаплакаҟны иадыркыр рылшо.

Урыстәыла ахада Владимир Путин 2018 шықәса цәыббрамзазы Казбек Коков Ҟабарда-Балкариа ахада инапынҵақәа рынагӡаҩыс дҟаиҵеит.

Аџьынџьтәылатә еибашьра Ду аан еибашьуаз Чечниа ауааԥсыра, афашист концлагерқәа ирхысыз рганахь ала адыррақәа шеилкааз атәы еиҭаҳәан Sputnik апресс-центр аҿы имҩаԥысыз апресс-конференциаҟны.

Краснодар атәылаҿацә-уаажәларратә ҿартә еиҿкаара "Аҿартә аԥшьгамҭақәа рмаҵзура" Аԥсны иааны иҟоуп жьҭаара 2-5 рзы апроект "Агәылеимабзиаратә еизыҟазаашьа аҿиара аҵакыра" анагӡаразы.