Маи 9 рзы Асовет Еидгыла иалаз аҳәынҭқаррақәа зегьы иазгәарҭеит Аиааира Ду 75 шықәса ахыҵра. Абаҟақәа рымҵан ашәҭшьыҵәрақәа шьҭарҵеит.

Аиааира Ду 75 шықәса ахыҵра аҳаҭыр азы арадио Sputnik амҩаԥгаҩцәа аиҿцәажәарақәа анырҵоит. Аџьынџьтәылатә еибашьра Ду аветеран Харитон Бобуа иҭоурых аефир аҟны еиҭалҳәеит иԥҳа Емма Бобуаԥҳа.

Аџьынџьтәылатә еибашьра Ду иахәлабгаз аԥсуа еибашьцәа рҭоурых иахьагьы ашьақәыргылара иаҿуп. Иҟоуп ибжьаӡны зхабар аилкаара макьаназы иалмыршахазгьы. Ҩыџьа аишьцәа Хагәшьаа, Михаили Баџьеи, рлахьынҵа зеиԥшрахаз атәы ҳадылгалоит Sputnik акорреспондент Саида Жьиԥҳа.

Аџьынџьтәылатәи еибашьра Ду иалахәыз, жәаа шықәса ирҭагылаз аибашьҩы Николаи Жьыгәа-иԥа инысымҩа дазааҭгылоит иара имаҭа, Sputnik аколумнист Сусанна Ҭаниаԥҳа.

Лаҵара 9 рызтәи аҭагылазаашьала Аԥсны иахьаҵанакуа зынӡа фҩык акоронавирустә инфекциа рыхьны иҟоуп.

Едуард Кәарҷиа арадио Sputnik Аԥсны аефир аҿы еиҭеиҳәеит Аџьынџьтәылатә еибашьра Ду иалахәыз иаб Ҷыка Кәарҷиеи уи иашьцәа ԥшьҩыки рҭоурых атәы.

Урыстәыла иреиҳау аҵараиурҭақәа ирҭоу аԥснытәи астудентцәа ԥшьҩык COVID-19 шрылаз аарԥшын ахәаша, лаҵара 8 рзы.

Аџьынџьтәылатә еибашьра Ду ахь Аԥснынтә еибашьра ицаз рахьтә аа-нызқьҩык рҟынӡа хабарда ибжьаӡит. Урҭ рхыԥхьаӡараҿы дыҟан Sputnik аколумнист Елеонора Коӷониаԥҳа ланшьа Амброси Ҷежьиагьы. Ааигәа уи илахьынҵа шеилкаахаз атәы шәаԥхьа иазлырхиаз анҵамҭаҿы.

75 шықәса раԥхьа Москва имҩаԥысит раԥхьатәи Аиааира Ду апарад. Асовет жәлар иазгәарҭон Аџьынџьтәылатә еибашьраҿы иргаз аиааира.

Ауааԥсыра акоронавирустә инфекциа рацәыхьчаразы аоперативтә штаб адырра ҟанаҵеит Аԥсны атәылауаа ԥшьҩык COVID-19 рылоуп ҳәа ахәаша ишышьақәыргылаз.

Акоронавирус рыхьит ҳәа ишьақәыргылаз ԥшьҩык ачымазцәа Гәдоуҭатәи араионтә хәышәтәырҭахь ииагоуп, уа дара иақәнагоу ахәышәтәра иахысуеит. Астудентцәа рҭагылазаашьа хар амам ҳәа ахәшьара арҭоит аҳақьымцәа.

Аиааира Ду 75 шықәса ахыҵра аҳаҭыр азы арадио Sputnik амҩаԥгаҩцәа аиҿцәажәарақәа анырҵоит. Аџьынџьтәылатә еибашьра Ду иалахәыз Азиз Ҭраԥшь иеибашьратә мҩа аефир аҟны еиҭалҳәеит уи имоҭа Алика Ҭраԥшьԥҳа.

Иахьа иԥсы ҭаны дҳалагылазҭгьы 75 шықәса ихыҵуазаарын ԥсабарала абаҩхатəра злаз асахьаҭыхҩы, аскульптор, Афонҿыцтəи аҳаԥы аартҩы, аибашьҩы Гиви Смыр. Уи имшира аҽны гəыблыла дигəалаиршəоит иара иҩыза Нугзар Логəуа.

Гәдоуҭа араион Џьырхәа акыҭан инхо Аџьынџьтәылатәи еибашьра ду аветеран Дараҭиа Қапба арадио Sputnik Аԥсны аефир аҟны еиҭеиҳәеит 1945 шықәсазы Аиааира ду дахьаԥылаз.

Аҟəатəи актəи абжьаратə школ аԥсуа бызшəеи алитературеи рырҵаҩы Лиудмила Ануаԥҳа Аџьынџьтəылатə еибашьра Ду иалахəыз лаб Владимир (Џьумка) Кəасҭа-иԥа Ануа дызнысыз аибашьратə мҩеи, изылкыз ажəеинраалеи, имшынҵа иагəылылгаз ахҭысқəеи ҳзеиҭалҳəоит.

Ԥақәашьтәи арԥыс Володиа Ԥачлиа, Матросов ифырхаҵара еиҭаҟазҵаз ҳәа зыӡбахә еицырдыруа аҵеи, иашьа имаҭа Аԥснытәи аҳәынҭқарратә университет афилологиатә факультет ажурналистика аҟәша II акурс астудент Шьазина Аԥшьлааԥҳа иаҳзеиҭалҳәоит аибашьҩы гәымшәа ифырхаҵаратә мҩа.

Акциа алахәхаразы арзаҳалқәа рыдыркылоит лаҵара 9 асааҭ 15:00 рҟынӡа, онлаин-мҩасра арбара иалагоит асааҭ ҩба рзы москватәи аамҭала.

Аоперативтә штаб адыррақәа рыла, ииасыз уахыки-ҽнаки ирҭагӡаны Аԥсны акоронавирус азы агәаҭара иахысит 33-ҩык ауаа.

Аҟәа аџьармыкьа хада анапхгара аџьармыкьа аусура ҳәа ишьақәдырӷәӷәеит ахәаша - амҽыша, асааҭ 6:00 - 16:00 рзы.

Сергеи Дбар ихьӡ зху Аԥсны Аџьынџьтәылатәи еибашьра аҳәынҭқарратә музеи афонд аиҳабы Гәыгәыца Џьыкырԥҳа Sputnik апроект "Афронт ахьӡынҵа" азы еиҭалҳәеит Аџьынџьтәылатәи еибашьра ду иалахәыз лаб Шаликәа Муса-иԥа Џьыкырба иҭоурых/