Акультуратә-гәыҳалалратә фонд "Ашана" аиҳабы Мактина Џьынџьалԥҳа арадио Sputnik аефир аҿы еиҭалҳәеит Тҟәарчал зыргылара иаҿу Евстафи Аԥсилтәи ихьӡ зху ауахәамаҿы аусурақәа шцо атәы.

Иахьатәи аамҭазы Аԥсны иахьаҵанакуа 756-ҩык акоронавирус шрылоу шьақәдыргылахьеит. Урҭ рахьтә 198-ҩык апациентцәа ргәы бзиахеит, 7-ҩык рыԥсҭазаара иалҵит.

Аԥсны ахада Аслан Бжьаниа Гәдоуҭатәи ковид-центр ахь днеит цәыббра 16 рзы, аҭыԥ аҿы аҭагылазаашьа ҭиҵаарц, иҟоу апроблемақәа еиликаарц.

Ареспубликаҿ акоронавирус алаҵәара инадҳәаланы имҩаԥган атәыла ахада Аслан Бжьаниа дызлахәыз акоординациатә штаб аилатәара.

Амчра ӷәӷәа згәылаҵәаху акәны аԥсуаа ирыԥхьаӡо аӡы иазкуп арадио Sputnik арубрика "Жәлар рдоуҳа" аҿы Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа еиҭалҳәо азгәаҭарақәа.

Амуниципалтә унитартә наплакы "Аӡыканал" Гәымсҭа ақыҭан аӡымҩангага аремонт мҩаԥнагоит.

Алитературеи, аҟазареи, архитектуреи рзы Д.И. Гәлиа ихьӡ зху Аԥсны Аҳәынҭқарратә премиа ес-хышықәса анашьара мҩаԥыргоит.

Аԥсны атәылауаа ахара зызрыдырҵо ацәгьоуразы хышықәса инаркны жәашықәсанӡа аҭакра рықәшәар алшоит.

Италиатәи Неаполь иҟоу ЕАА афбатәи афлот аштаб-квартира имҩаԥнагоит НАТО адгылаҩцәеи апартниорцәеи рырра-мшынтә операциақәа напхгара рыҭара.

Цәыббрамза 16 рзы иалагоит Аҟәа ахақәиҭтәразы ажәылара. Ажәылара иалахәыз Аԥсны Афырхаҵа Руслан Зарданиа арадио Sputnik аефир аҿы игәалаиршәеит уи шеиҿкааз атәы.

Аԥсны Аҵәахырҭатә банк есымза урыстәылатәи атәанчахәқәа ршара аграфик аус аднаулоит. Цәыббрамзазы атәанчахәыҭара амҩаԥысшьа хылаԥшра арҭоит Урыстәыла Атәанчахәытә фонд аделегациа.

Аррамаҵзурауаа аҳауатә ҭагылазаашьа аԥшыхәра азыруит, ацәҟьарақәа ркоординатқәа шьақәдыргылеит, иара убасгьы "аӷа" аҳауантә ижәылара аԥдырҟәҟәааит.

Америкатәи аесминец аныҟәара ашьҭазаара анаҭоит урыстәылатәи афрегат "Адмирал Эссен".

Аԥснытәи ашколқәа рҿы аҵаратә процесс иалагеит ишахәҭаз еиԥш – цәыббра 1 азы, аха акоронавирус иахырҟьаны аурокқәа арежим ҷыдала имҩаԥысуеит.

Амармалташьтә птқәа рганахьала анхацәа рҽаҩра ԥырхага амоурц азы имҩаԥысуа аусурақәа ртәы арадио Sputnik аефир аҟны еиҭеиҳәеит ақыҭанхамҩа аминистрра агрономиа аҟәша аиҳабы Едуард Барганџьиа.

Аҟәа имҩаԥысит акоронавирус аҿагыларазы акоординациатә штаб аилатәара. Аилатәараҿы излацәажәози COVID-19 аҭагылазаашьеи – Sputnik аматериал аҿы.

Афатәаалыҵи, анефҭыҵхратә ааглыхреи, аԥстәқәеи рзы рхы иадырхәо акультура гуар, Аԥсны ԥышәарак аҳасабла аарыхра иалагеит. Аҵиаа аҷыдарақәеи, араҟа ироуз алҵшәақәеи ртәы арадио Sputnik аефир аҟны далацәажәеит Ақыҭанхамҩатә институт аиҳабы Лиосик Аиба.

Цәыббра 15 азтәи адыррақәа рыла Гәдоуҭатәи ахәышәтәырҭаҿ аус руеит 125-ҩык аҳақьымцәа.

Иахьатәи аамҭазы Аԥсны иахьаҵанакуа 726-ҩык акоронавирус шрылоу шьақәдыргылахьеит. Урҭ рахьтә 192-ҩык апациентцәа ргәы бзиахеит, 7-ҩык рыԥсҭазаара иалҵит.

Аԥсны ахада Аслан Бжьаниеи аԥыза-министр Александр Анқәаби алахәны имҩаԥысит аоперштаб аилатәара цәыббра 15 рзы.