Аҳәаахьчаратә карантинтә фитосанитартә инспекциа аушьҭырҭатә ҭыԥқәа "Ԥсоуи" "Гали" рҿы аевкалипт ахкқәа зегьы рахыгара ааныркылоит. Ари ақәҵара арадио Sputnik Аԥсны аефир аҿы ахҳәаа азыҟаиҵеит Аԥсны Аҵиаақәа рзы аҳәынҭқарратә карантинтә хылаԥшра аиҳабы Аркади Џьынџьиа.

Абҵара 24 рзы Франциск Нагасаки иқәгылараан ааԥхьара ҟаиҵеит адунеи аиадертә бџьар мап ацәнакырц. Абри ашьҭахь иара даҭааит Хиросима. Ари ақалақь 1945 шықәса рзы раԥхьаӡа акәны атомтә бомба алажьын.

Аҟәа иаатит Фазиль Искандер ихьӡ зху V Жәларбжьаратәи акультура афестиваль "Ауаҩы игыларҭа". Аԥсны Акультура аминистр Ельвира Арсалиаԥҳа арадио Sputnik аефир аҿы еиҭалҳәеит сынтәатәи апрограмма ашьақәгылашьа атәы.

Аконституциа Амш Аԥсны иазгәарҭоит есышықәса абҵара 26 рзы. 2019 шықәса рзы ҳҳәынҭқарра азакәан хада 25 шықәса ахыҵуеит.

Аҟәа иӡырган Аԥсны АҶА амедицинатә усбарҭеи асанитартә авиациеи. Аусбарҭа аиҿкаашьеи, насгьы иара инаныгӡо аусура атәи арадио Sputnik Аԥсны аефир аҿы еиҭеиҳәеит АҶ рзы аминистр Лев Кәыҵниа.

Ақьафурҭа "Сан-Ремо" аҟны аус зуа ахәыҭаҩ Доминика Ақырҭааԥҳа лхы ахәра аиуит абҵара 22 рзы Аҟәа аԥшаҳәаҿы иҟалаз аиҿахысра аан, уи ахәышәтәырҭаҟны дышьҭоуп, акома дҭагылоуп.

"Урыстәылатәи аҵараиурҭақәа роушьҭымҭацәа иаку рымш" Аԥсны имҩаԥысуеит абҵарамза аҵыхәтәантәи амчыбжь азы, уи азкуп абитуриентцәа рыпрофессионалтә хырхарҭа рзалхра.

Аԥсны Аҭагылазаашьа ҷыдақәа рзы аминистрра иатәу амедицинатә усбарҭа ҩымз ҵуеит аус ауеижьҭеи, ари аамҭа иалагӡаны 90-нтә ацхыраара ҟанаҵахьеит.

Аԥсны Аҳәынҭқарра аекологиеи аԥсабарахьчареи рзы аҳәынҭқарратә еилакы аҳауеи аӡқәеи ргәаҭара аҟәша аспециалист хада Лариса Ахԥҳа арадио Sputnik Аԥсны аефир аҿы еиҭалҳәеит абҵара анҵәамҭеи иааиуа ԥхынҷкәыни рзы амшқәа зеиԥшрахо.

Жәларбжьаратәи атеатртә фестиваль "Аиҩызара ацҳа" мҩаԥысит Иошкар-Ола. РУСДРАМ афестиваль аҿы ицәырнагеит аспектакль "Кьоџьаа рҭыӡшәа".