Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ҳлитература амаҵ азызуа: ажурнал "Алашара" афбатәи аномер ахҳәаа

CC0 / / Книга
Книга - Sputnik Аҧсны, 1920, 26.12.2021
Анапаҵаҩра
Иҭыҵит ажурнал "Алашара" изаамҭанытәиу афбатәи аномер. Уи ахҳәаа азыҟаиҵоит аредактор хада, апоет Анатоли Лагәлаа.
Иҭыҵит сынтәатәи ашықәс аҵыхәтәантәи афбатәи аномер ажурнал "Алашара." Уи аатуеит Аԥсны жәлар рпоет Витали Амаршьан 80 шықәса ихыҵра аҳаҭыраз икьыԥхьу иреиӷьӡоу иажәеинраалақәа рыла. Витали Амаршьан изкны Баграт Шьынқәба зны даара ажәа ԥхақәа иҩхьан: "Сара сыблақәа ишырбоз раԥхьатәи ушьаҿа еихугеит, иузҳаит. Иахьа уҭәымҭа уҭагылоуп, убаҩхатәра иабзоураны, аԥсуа поезиаҿы иаанукылт ҩашьара зқәым, зегьы еицырбарҭоу ухатә ҭыԥ".
Виталий Амаршан - Sputnik Аҧсны, 1920, 22.09.2021
Зхьаа згәалақәа ацәызҳәаз апоет: Витали Амаршьан игәалашәара иазкны
Абраҟа иааҳгар ҳҭахуп, иахьатәи ҳаамҭа даара иақәшәо, ажурнал абри аномер иану, икьаҿу, аха зҵакы дуу апоет иажәеинраалақәа руак:
Ауаа рыхәшә
Рааҵраҿ иҟоу рыхәшә рбаӡом,
Идурбаргьы - агәра ргаӡом,
Ихарахаԥшуеит хара -
Ҳахәшә ахьыҟоу ҳәа џьара!..
Алаҵәҟьа иадыруеит ичмазаҩхар,
Ашьацра илаԥшуеит абар.
Ихнаҵәоит уи уа ҳаскьынк,
Аԥсы ҿызххьоу усеиԥш шәынтә!..
Сынтәа 75 шықәса ихыҵит абаҩхатәра злоу ашәҟәыҩҩы, адраматург, апублицист, ауаажәларратәи-аҳәынҭқарратәи усзуҩы, СССР-и, Аԥсни, Урыстәылеи рышәҟәыҩҩцәа реидгылақәа ирылоу арҿиаҩы Анзор Кәакә-иԥа Мықәба. Абри арыцхә аҳаҭыраз ажурнал иакьыԥхьуеит адраматург ҩ-қәгыларак змоу иҭоурыхтә драма "Асамарлықь анцәырҵыз ашықәсан".
Анзор Мықәба - Sputnik Аҧсны, 1920, 17.11.2021
Аԥсны
Ҳаԥсуа драматургиа аҿы зырцәажәо: ашәҟәыҩҩы Анзор Мықәба 75 шықәса ихыҵит
Апоезиа аҟәшаҿы ажурнал иануп апоетесса Заира Ҭҳаиҵыкә лажәеинраала ҿыцқәа. Урҭ ирныԥшуеит аԥсадгьыл абзиабара, абызшәа ахӡыӡаара, уаҵәтәи амш азхәыцра, иацтәи амш ахамыршҭра. Абар уи лажәеинраалақәа руак шынлырҵәо:
Жәыни-ҿани схылҵшьҭра ирбарҭоу,
Ашьхацамҩоуп са сызну…
Сыжәлар рԥеиԥшоуп сразҟы иалоу,
Урҭ Еҵәаџьаауп изеиԥшу!..
Заира Тхаицук - Sputnik Аҧсны, 1920, 07.02.2021
Ахара ихәыцуа арҿиаҩы: Заира Ҭҳаиҵыкә 55 шықәса лхыҵит
Ашәҟәыҩҩы-ажурналист Борис Қаџьаииа сынтәа 70 шықәса ихыҵит. Борис Аԥсны иҭышәынтәалоу журналиступ, шәҟәыҩҩуп. Уи агазеҭ "Аԥсны" аҟны аредактор хада дихаҭыԥуаҩуп, деиҭагаҩуп, даара акыр аҩымҭа бзиақәа инапы иҵижьхьеит публицистк иаҳасабала. Иахьатәи ҳаамҭа иақәҿызҭуа аочеркқәа рацәаӡаны иҭижьхьеит. Ажурнал абри аномер иануп уи ипрозатә ҩымҭақәа иаарылукааша иажәабжь "Ашьыбжьышьҭахь."
Борис Каджая - Sputnik Аҧсны, 1920, 15.10.2021
Апоезиа аҳәаақәа ирҭыҵыз ашәҟәыҩҩы: 70 шықәса ихыҵуеит ашәҟәыҩҩы Борис Қаџьаиа
Сынтәа ҳпоет бзиа Сарион Ҭаркьыл диижьҭеи 85 шықәса ҵит. Уи ҳаԥсуа литература иалеигалеит ахәыҷқәа ирызку ажәеинраала бзиақәа, ажәабжьқәа, иҵаулоу апоезиатә рҿиамҭақәа, иара убасгьы ааигәа иаҳхаагаз аԥсуа-қыртуатә еибашьраан Аҟәа далахан дахьыҟаз иҩит хәы змаӡам амшынҵақәа. Ажурнал абри аномер аҿы икьыԥхьуп апоет иреиӷьӡоу иажәеинраалақәа рыхәҭак. Абраҟа иааҳгоит урҭ ажәеинраалақәа рҟынтәи икьаҿӡоу лирикатә жәеинраалак:
Абзиабара
Акәа леиуан, абӷьы каԥсон,
Иҭынчмызт усҟан аԥшагьы:
Зны аҵла рымахә еиннаҟьон,
Аршәаа иасуан ҽазынгьы.
Ақәа ҳалсит уа, аха дцомызт,
Бцандаз сымҳәеит, сымцеит саргьы…
Ахам мап, ахьҭа ҳарҭ ҳакӡомызт,
Ҩыџьа ҳарԥхон мракы…
Сарион Таркил - Sputnik Аҧсны, 1920, 15.10.2021
Апоезиа ԥсҭазаарас измаз: Сарион Ҭаркьыл игәалашәара иазкны
Ажурнал апоезиа аҟәшаҿы иануп иара убасгьы Сергеи Агындиа иажәеинраала ҿыцқәа. Урҭ ирныԥшуеит аԥсадгьыл абзиабара, аԥсуа бызшәа амырӡра азхәыцра, аԥшӡареи аразреи, аихӡыӡаареи ҳацзарц азы аматанеира.
Сергей Агындиа - Sputnik Аҧсны, 1920, 11.07.2021
Иҭынчу апоезиа: Сергеи Агындиа 68 шықәса ихыҵра иазкны
"Аиҭага ҿыцқәа" аҟәшаҿы ажурнал иануп аурыс шәҟәыҩҩы ду Александр Грибоедов ԥшь-қәгыларак змоу иажәеинраалоу икомедиа "Зыхшыҩ зызрыцҳарахаз" аԥсшәахь еиҭаганы. Ари аномер иану иацу ауп, алагарҭа рнылахьан ажурнал аԥшьбатәии ахәбатәии рномерқәа. Уи аԥсшәахь ҟазарыла еиҭеигеит апоет Геннади Аламиа. Ҳгәы иаанагоит аԥхьаҩ асеиԥш ари аҩымҭа ду еидкылан, журналк аҿы, шәҟәык аҿы аԥсышәала иахьимбац азы даара даргәырӷьап ҳәа.
 Геннади Аламиа ианашьоуп Нафи Џьусоиты ихьӡ зху Нхыҵ-Уаԥстәыла Аҳәынҭқарра амилаҭтә премиа - Sputnik Аҧсны, 1920, 12.12.2021
Аԥсны
"Адунеи ҳазлалахәу ҳбызшәалоуп": Геннади Аламиа иҿцәажәара
"Аиҭага ҿыцқәа" рыҟәшаҿы иара убасгьы ажурнал иануп аурыс поет Дмитри Мизгулини аҟабарда поет Артур Кенчешаови ражәеинраалақәа. Урҭ аԥсшәахь еиҭаргеит апоетцәа Валери Касланӡиеи Владимир Занҭариеи.
Ажурнал "Акритика" аҟәшаҿы иануп акритик Руслан Қапба икритикатә статиа "Баҩхатәрак анапаҵаҟа" анҵәамҭа. Акритик иара ишиҟазшьоу еиԥш, дзыхцәажәо аҩымҭа раԥхьа излаҟоу абзарӡы иҳәоит, нас иагу иабзоу, автори аԥхьаҩи ирыхәаша азгәаҭарақәа рацәаны иҟаиҵоит. Астатиа алагарҭа анын ажурнал ахәбатәи аномер.
Руслан Капба - Sputnik Аҧсны, 1920, 07.11.2021
Аԥсны
Ашәҟәыҩҩы дҳаразкуа акритик: Руслан Қапба иҿцәажәара
Сынтәа аԥсуа ҵарауаҩ ду Шалуа Инал-иԥа диижьҭеи 105 шықәса ҵит. "Ашәышықәса ацәырҵра" ахьӡуп академик Зураб Џьапуа аҵарауаҩ изкны ажурнал ианиҵаз истатиа. Иара убасгьы араҟа икьыԥхьуп аҵарауаҩ ду ианҵамтақәа рыҟнытә Сасрыҟәа изку аҳәамҭақәа. Иазгәаҭатәуп арҭ анҵамҭақәа шаагоу аҵарауаҩ зҭыжьра азырахиара даҿу быжь-томк иҟаларан иҟоу жәлар рҳәамҭа хьыршәыгәқәа.
"Алашара" ихнаркәшоит ашәҟәыҩҩы Владимир Басариа "Сымшхҭысқәа ирыцу" захьӡу имшынҵақәа. Арҭ амшынҵақәа ирныԥшуеит ашәҟәыҩҩы данхәыҷӡаз инаркны иахьа уажәраанӡатәи иԥсҭазаара, ихигаз аџьамыӷәа, дызлаԥшыз аԥсуа-қырҭуатә еибашьра. Уи амца шыра иалагылаз иҷкәын анцәа иҟынтә деибга, деизҩыда дхынҳәит. Рыцҳарас иҟалаз, автор иԥсҭазаара далҵгәышьеит, аха ила иабеит урҭ имшыҵақәа зегьы ҭыжьны ажурнал "Алашара" адаҟьақәа рҿы.
Владимир Басариа - Sputnik Аҧсны, 1920, 26.12.2021
Аԥсны
Пату зқәыз абаҩхатәра: Владимир Басариа игәалашәара иазкны
Апедагогикатә ҭҵаарадыррақәа рдоктор, апрофессор Алықьса Касланӡиа ажурнал аҿы дықәгылоит "Зхәыҷра насыԥдаз адуцәа ргәалашәарақәак" захьӡу истатиала. Араҟа аҵарауаҩ дырзааҭгылоит иара иабиԥара иалиааз аҵарауаа ирхыргаз аџьабаа, амлакра, ахьҭакра, амамзаара, аха зегьы ириааины, ршьапқәа ишрықәгылаз, уимоу, рыжәлар арӷьажәҩан ирывагылартә ишыҟалаз.
Апоет-академик Валентин Кәаӷәаниа ажурнал иану иҭҵаарадырратә усумҭа иахьӡуп "Владимир Аҵнариа анемец поезиа аиҭагаҩык иаҳасабала". Аҵарауаҩ уаҟа иазгәеиҭоит Владимир Аҵнариа апоезиатә рҿиамҭақәеи афилологиатә усумҭақәеи инарываргыланы иааиԥмырҟьаӡакәа дшаҿыз аиҭагара аусгьы. Ари ахырхарҭаҿ уи дхандеиуан зеиуахк уҭахыз ажанрқәа рҟны, апоезиаҿ, апрозаҿ, адраматургиаҿ. Апоет анемец бызшәа бзиаӡаны иахьидыруаз иабзоураны дазҿлымҳахеит уамакала ибеиоу анемец культура, литераторк иаҳасабала дытҟәаны дрыман иара немец бызшәала иаԥҵаз асахьаркыратә рҿиамҭақәа, лымкаала алирикатә жәеинраалақәа. Уи даара ҟазарыла аԥсшәахь еиҭеигеит ҩыџьа адунеитә литература аклассикцәа – Ҳаинрих Ҳаинеи Иоҳан Вольфган Гиотеи русумҭақәа. Автор истатиаҿы дызлацәажәо абарҭ апоетцәа дуӡӡақәа Аҵнариа еиҭеигаз рҩымҭақәа роуп.
Валентин Когония - Sputnik Аҧсны, 1920, 16.08.2020
Уи харантәи даауеит: академик Валентин Кәаӷәаниа диҿцәажәоит Анатоли Лагәлаа
"Ашәҟә ҿыцқәа" арубрикаҿ "Алашара" иануп "Аԥҳәынҭшәҟәҭыжьырҭа" ашықәс анҵәамҭаз иҭнажьыз ашәҟәқәа рӡыргара иазку астатиақәа. Урҭ иреиуоуп: "Ацҳа" (Аԥсныҟа инарышьҭуаз асалам шәҟәқәа), "Без вины виноватые" - Екатерина Бебиа, "Кавказские воспоминания" - Мысҭафа Быҭәба, "Я счищу, как старую краску печаль" - Владимир Делба, "Абхазская тетрадь" - Владимир Занҭариа.
Владимир Зантария - Sputnik Аҧсны, 1920, 11.12.2021
Аԥсны
Тәамҩахә змам апоет, аҵарауаҩ: Владимир Занҭариа иҿцәажәара
Ажурнал "Алашара" афбатәи аномер знапы аҵаҩу Аԥсны араионқәа зегьы ирызнаргахьеит.
Ажурнал ахәбатәи аномер иазку ахҳәаа шәаԥхьар ҟалоит абра>>
Ажәабжьқәа зегьы
0