https://sputnik-abkhazia.info/20220124/sputnik-amchybzh-alkhraa-ryrzyaara-amaininga-raykhra-ashakhmatt-eitslabra-1037261628.html

Sputnik амчыбжь: алхрақәа рҽырзыҟаҵара, амаинингқәа раҿыхра, ашахматтә еицлабра

Sputnik амчыбжь: алхрақәа рҽырзыҟаҵара, амаинингқәа раҿыхра, ашахматтә еицлабра

Sputnik Аҧсны

Аинформациатә маҵзура Sputnik Аԥсны иазнархиеит ажьырныҳәа 17-23 рыҩнуҵҟа ареспубликаҿы еиҳа иналукааша ахҭысқәа. 24.01.2022, Sputnik Аҧсны

2022-01-24T10:00+0300

2022-01-24T10:00+0300

2022-01-24T10:00+0300

аԥсны

аспорт

ауаажәларра

аполитика

ажәабжьқәа

аԥсны амаинингтә фермақәа раҿыхра

аекономика

аԥсны аенергетика апроблемақәа

https://cdnn1.img.sputnik-abkhazia.info/img/102969/93/1029699319_0:33:2000:1158_1920x0_80_0_0_075307a335031e4cf0de57dc5e5947f8.jpg

Аԥсны Ауаажәларратә палатаҿ имҩаԥысуан атәылаҿ ауаажәларра-политикатә ҭагылазаашьа азҵаарақәа рзы аконсультациақәеи аполитикатә кризиз алҵшьази, Алхратә комиссиа хада Жәлар Реизарахь алхрақәа разыҟаҵараз ауснагӡатәқәа рымзартә план еиқәнаршәеит, Тамшь ақыҭаҿы имҩаԥысит раԥхьатәи жәларбжьаратәи атурнир ашахматасразы.Арҭи егьырҭ ажәабыжьқәеи Sputnik Аԥсны аҿы.Сариа Кәарцхьиаԥҳа, SputnikАлхрақәа ааигәахоитАжьырныҳәа 17 азы Аԥсны Алхратә комиссиа хада ишьақәнарӷәӷәеит Жәлар Реизарахь алхрақәа разыҟаҵараз ауснагӡатәқәа рымзартә план. Аплан инақәыршәаны аполитикатә партиақәеи аԥшьгаратә гәыԥқәеи ашәҟәы рҭагалара иалагеит ажьырныҳәа 21 азы.Аԥхьатәи амш азы АКХ 15 аԥшьгамҭатә гәыԥи аполитикатә партиақәа ҩбеи ашәҟәы иҭанагалеит. Ажьырныҳәа 22 азы аԥшьгаратә гәыԥқәа даҽа фба ашәҟәы иҭагалан.Ашәҟәҭагалара мҩаԥысуеит жәабран 10 асааҭ 18:00 рҟынӡа.Аполитиказ иаарту аицәажәарақәаАполитикатә еиҿкаарқәеи, ауаажәларратә еиҿкаарқәеи, аҵарауааи аинтеллигенциеи рхаҭарнакцәеи алархәны атәылаҿ ауаажәларра-политикатә ҭагылазаашьази аполитикатә кризиз алҵшьази аконсультациақәа Аԥсны Ауаажәларратә палатаҿ раԥхьатәи аиԥылара мҩаԥысит ажьырныҳәа 12 рзы. Зынӡа аиԥыларақәа хәба мҩаԥган.Ауаажәларратә палата ахантәаҩы Гәыли Кьычԥҳа иазгәалҭеит аицәажәарақәа шыхдыркәшазгьы, Апалата ԥхьаҟагьы аиԥыларақәа шымҩаԥнагало, аудаҩрақәа рылацәажәара ишазыхиоу.Адәныҟаполитикатә фронтИиасыз амчыбжь азы Аԥсны адәныҟатәи аусқәа рминистр Инал Арӡынба аиԥыларақәа мҩаԥигеит.Ажьырныҳәа 17 азы Аԥсны адәныҟатәи аусқәа рминистр Инал Арӡынба дидикылеит Ҭырқәтәылатәи Ареспубликаҿы иҟоу Аԥсны азинмчнагӡа змоу ахаҭарнак Ибраҳим Аҩӡба. Аҩӡба аминистр изеиҭеиҳәеит Аԥсны Ахаҭарнакра аусура шеиҿкаау, Ҭырқәтәыла инхо аԥсуа диаспорақәеи иара убас егьырҭ Кавказ жәлар рдиаспорақәеи руаажәлааратә еиҿкаарақәеи дареи русеицура шцо атәы.Уи адагьы иара еиҭеиҳәеит агуманитартәи акультуратә хырхарҭақәа рҟны аԥшьгамҭақәас иазгәаҭан ирымоу атәы еиҭеиҳәеит.Иара убри амш азы Аԥсны адәныҟатәи аусқәа рминистр Инал Арӡынба Аҟәа дидикылеит Шьамтәыла иҟоу Аԥсны азинмчнагӡа змоу ацҳаражәҳәаҩ Баграт Хәытаба. Шьамтәылатәи Арабтә Республикаҿы иҟоу Аԥсны Ацҳаражәҳәарҭаҿы хара имгакәа аконсултә ҟәша аартра ахәҭоуп ҳәа иҳәеит Баграт Хәытаба.Аԥсны адәныҟатәи аусқәа рминистр Инал Арӡынба ареспубликаҿы аус зуа жәларбжьаратәи еиҳабыратәым аиҿкаарақәа рхаҭарнакцәа идикылеит ажьырныҳәа 19 азы. Аԥсны адәныҟатәи аусқәа рминистр Инал Арӡынба иеиҳабыратәым еиҿкаарақәак рыпроектқәак дкылашьа рымам ҳәа дахәаԥшуеит. Хаҭала иазааҭгылан аиҿкаара ПРООН имҩаԥнагоз асоциологиатә зҵаараҭҵаареи COBERM апроекти.Аҭоурыхтә ԥсадгьыл ахь аараҬырқәтәыла иҟоу Аԥсуа культуратә центрқәа Рфедерациа аделегациа Аԥсны иааны иҟоуп. Дара ара рыҟазаара еихыршьалеит Sputnik апресс-центр аҿы.Аделегациа аиԥыларақәа мҩаԥнагеит еиуеиԥшым аусбарҭақәа рҿы: Аԥсны ААР, Аԥсны АшәМ, Аԥсадгьыл ахь ахынҳәразы аилак, Адәныҟатәи аусқәа рминистрра рҿы. Ирылацәажәан Ҭырқәтәыла инхо ҳқьынџьуаа рыпроблемақәа, зҭоурых ԥсадгьыл иазыхынҳәыз рыбзазашьа.Иалацәажәан аԥсуа тәылауаҩшәҟәқәа роура армариара, визада Урыстәылантә Аԥсны алалара рызҵаарақәа.Аԥсны ААУ аҿы арҵаҩцәа Ҭырқәтәылаҟа рынашьҭраз еилацәажәеит."Аԥсны. Тамыш-Village 2022"Тамшь иаатит Апсни Урыстәылеи рыхәмарҩцәа злахәу раԥхьаӡатәи жәларбжьаратәи ашахматтә еицлабра "Аԥсны.Тамшь-Village 2022".Аицлабра "Аԥсны.Тамшь-Village 2022" мҩаԥыргоит аспорт азы Аԥсны Аҳәынҭеилакыи Аԥсны ашахмат азы Афедерациеи Аԥсны аҵареи абызшәатә политикеи рминистрра ацхыраара ала. Афинанстә цхыраара ҟарҵеит "Унив­ерсал банк", "А-мобаи­л", Гәылрыԥшьи Очамчыреи араионқәа рхадарақәа.Аԥхьахәтә фонд - 500 нызқь мааҭ.Атурнир аҿы аиааира игеит урыстәылатәи ашахматасыҩ Павел Смирнов, аҩбатәии ахԥатәии аҭыԥқәа ргеит - Мирана Оганиани Савели Голубеви.Раԥхьаӡатәи жәларбжьаратәи атурнир "Аԥсны.Тамшь-Village 2022" мҩаԥысоит аинформациатә хеилак Sputnik Аԥсны адгыларала.Аӡаахра амши аԥсуа ҵааиАжьырныҳәа 19 азы Аиашахаҵаратә қьырсианра иаҵанакуа ауахәамақәа рҟны имҩаԥысит Иаса Қьырса Иӡаахра иазку Анцәа имҵаныҳәара.Аԥсны Аиашахаҵаратә уахәама аиҳабы аб Виссарион (Аԥлиа) Аҟәатәи Акафедралтә уахәамаҿы имҩаԥигеит анцәаихаҵаҩцәа излахәыз аныҳәатә матанеира. Анцәа дхазҵо маҷҩымкәа Акафедралтә уахәамахь инеит.Аныҳәа традициа хаданы иазыҟоуп аӡы аԥшьара. Аӡы рыԥшьоит ажьырныҳәа 18 аухеи ажьырныҳәа 19 аҽни. Ари аӡы ацәеижьи адоуҳаи арыцқьоит ҳәа иԥхьаӡоуп. Аари амш аҽны имҩаԥыргоит аӡаахрақәа.Уаанӡа ареспублика асанитар-епидемиологиатә маҵзура агәҽанҵара ҟанаҵахьан коронавирус аҽацәыхьчаразы массала ауаа реизара мҩаԥгамзарц.Ажьырныҳәа 18 - 19 рзы Риҵатәи ареликттә парк аҿы 50 сантиметр рҟынӡа асы леиит, 24- 40-тәи акилометрқәа рыбжьара ҩыџьараны асыԥса леиит, икаҳаит аҵлақәа. Апарк ахь амҩа аркын.Аҵыхәтәантәи жәохәшықәса раахыс сынтәа Риҵатәи ареликттә милаҭтә парк аҿы асы шаҟа леиз аҟара ҟамлацызт ҳәа еиҭеиҳәеит апарк аиҳабы Адамыр Багаҭелиа.Ажьырныҳәа 18 азы Камантәи аберҭыԥ аганахь ала амашьынақәа рныҟәара ԥкын ашәарҭадара аиҿкааразы. Аҳәынҭавтоинспекциа аусзуҩцәеи амҩатә маҵзурақәа рхаҭарнакцәеи аберҭыԥ ахь уназго амҩа иахәаԥшит, ашәарҭара уҭазыргыло ақәҵаарақәа аҭыԥ шрымоу азгәарҭеит.Абри ахырхарҭахь аӡынтә резина зҵам автотранспорт анеира ахәҭамкәа ишьан.Амаининг аҿагылараАԥсны Ашәарҭадаратә маҵзура аусзуҩцәеи Аҳәынҭстандарти Гәдоуҭа араион Калдахәара ақыҭан ирыԥшааит аус зуаз амаининг-ферма.Иԥшааз ахыбраҿы ашәҟәы иҭагалан закәаншьаҭада акриптовалиута зырҳауа 251 цыра амаининг-хархәагақәа.Иҟоу адыррақәа рыла, амаининг-ферма зтәу Едуард Хагәышь.Аԥсны АШәМ-и Аҳәынҭстандарти русзуҩцәа ажьырныҳәа 20 рзы Гәдоуҭа араион Амжәықәхәа ақыҭан 202 аппарат ахьықәгылаз амаининг-ферма рыԥшааит.Ирымоу аоперативтә дыррақәа рыла, амаининг-фермақәа ртәуп Андреи Мундиан, Дауҭ Габниа, Руслан Григолиа.Дара рганахьала административтә ԥкаанҵақәа шьақәыргылан изакәанымкәа атәыла афымцамч аҽаԥшьра афакт азы.

https://sputnik-abkhazia.info/20220122/asny-akkh-ashy-ianagaleit-adeputatrakh-akandidattsa-yzyrgylo-ashgarat-gya-fba-1037252133.html

https://sputnik-abkhazia.info/20220121/uati-amsh-azy-ailatsazhara-auaazhlarrat-palata-akrizis-alrazy-azhadgalaa-1037236859.html

https://sputnik-abkhazia.info/20220117/yrtyla-iou-asua-kulturat-kheidkylaa-rfederatsia-akhaarnaktsa-aa-iaany-ioup-1037175969.html

https://sputnik-abkhazia.info/20220119/asny-aar-akhada-ieiabyratym-eikaaraak-ryproekta-dkylasha-rymam-kha-rkhiaait-1037206772.html

https://sputnik-abkhazia.info/20220121/ikhadou-ashaaei-aeishi-yrtylanti-ynuaa-asny-ryazaara-eikhyrshaaleit-1037233396.html

https://sputnik-abkhazia.info/20220122/shakh-mat-zhlarbzharati-aitslabra-asnytamsh-village-2022-rakhati-amsh-1037248950.html

https://sputnik-abkhazia.info/20220123/ashakhmatt-eitslabra-asnytamsh-village-2022-khyrkshoup-1037260322.html

https://sputnik-abkhazia.info/20220119/1037208549.html

https://sputnik-abkhazia.info/20220119/antsa-iaakhra-amsh-aati-auakhamay--anyat-mataneira-shymaysyz-1037208492.html

https://sputnik-abkhazia.info/20220123/riati-amilat-park-ay-aamanyk-eishymka-asy-ratsany-ileit-1037258983.html

https://sputnik-abkhazia.info/20220122/asna-ashm-kaldakhara-iryshaait-amaining--ferma-du-1037248346.html

https://sputnik-abkhazia.info/20220123/daa-maining-fermak-eimyrkhit-gdoua-araion-ay-1037256943.html

2022

Ажәабжьқәа

ab_AB

аспорт, ауаажәларра, аполитика, ажәабжьқәа, аԥсны амаинингтә фермақәа раҿыхра, аекономика, аԥсны аенергетика апроблемақәа