Аналитикеи аиҿцәажәарақәеи

Иахьа жәабран 11 рзы иԥсы ҭазҭгьы 88 шықәса ихыҵуан еицырдыруа аԥсуа шәҟәыҩҩы Никәала Ҳашыг. Ари амш азы Сырма Ашәԥҳа ҳагәылалгалоит уи иҩымҭа "Абду Ажьгьери" афырхаҵа хада ижәлантә, амҳаџьыраа рхылҵшьҭра Ҳәмарба Шьенери ашәҟәыҩҩи реибадырра шыҟалаз атәы.

Аҟазара иаша зеиԥшроу, уи ауаҩы иеиқәырхара алшо иалымшо, аҟазара идеологиас иамоу арбану… Аскульптор, апоет Амиран Адлеиба арҭи егьырҭ азҵаарақәа жәпаки рзы имоу агәаанагара ҳацеиҩишеит.

Мышқәак раԥхьа лымшира азгәалҭон аԥсуа журналист, ҳашьхақәа рдоуҳа, ҳахшыҩҭрақәа иара убас ахәыҷқәа ирзырхоу адырраҭарақәа акымкәа-ҩбамкәа иаԥызҵахьоу Инна Ҳаџьымԥҳа. Ишәыдаагалоит Sputnik акорреспондент Аинар Ҷыҭанаа ианиҵаз аинтерес зҵоу аиҿцәажәара.

Сынтәа жәашықәса ахыҵуеит адунеи аҿы ахархәара ду змоу асоциалтә ҳа Инстаграм. Аҵыхәтәантәи ашықәсқәа рзы ҳтәылаҿгьы зхатә блог мҩаԥызго ахархәаҩцәа цәырҵит. Инстаграм ала ухы узныҟәгома? Аинтерес аҵоума? Иабанӡауадаҩу? Хҩык аԥсуа блогерцәа арҭ азҵаарақәа ирылацәажәеит.

Еиду амилаҭқәа реиҿкаара аконвенциа 20-тәи ахәҭаҷ адкылара иадгылоу аԥшьгаратә гәыԥ ауаажәларра ирԥылеит ажьырныҳәа 21 рзы. Аиԥылараҟынтәи ихадаз азгәаҭақәеи 20-тәи ахәҭаҷ алхрақәа рҟынӡа Апарламент иаднамкылар иҟалар зылшо ахҭысқәеи дырзааҭгылоит Елеонора Коӷониаԥҳа.

Аӡынтәи ареволиуциа зыхҟьаз амзызқәеи, ҳаԥхьа ишьҭоу алхрақәа раан урҭ апроблемақәа ҩаԥхьа ицәырымҵырц азы иҟаҵатәуи, иара убас атәыла ахада ԥхьатәара ицара ашьҭахь ҭагылазаашьас иҟоу рәы лгәаанагара дазааҭгылоит Sputnik Аԥсны аколумнист Елеонора Коӷониаԥҳа.

Аҵыхәтәантәи амшқәа рзы ҳтәылаҟны имҩаԥысуан имариамыз аполитикатә хҭысқәа, урҭ рзы лгәаанагара ҳамалдоит Sputnik Аԥсны аколумнист Елеонора Коӷониаԥҳа.

Аҟәа ҩымш имҩаԥысуа амчреи аоппозициеи рхаҭарнакцәа реиҿагылара зыхҟьази аҭагылазаашьа уадаҩ алҵразы мҩақәас иҟоуи рзы лгәаанагара хацеиҩылшоит Sputnik аколумнист Елеонора Коӷониаԥҳа.

Ҳаамҭазы атехникатә прогресс иабзоураны еилыркаауеит амш зеиԥшрахо: ианыцәгьахо, ианыбзиахо. Уи азҵаара еилзырго аҳауагәаҭаҩцәа аԥсуаагьы иҳамоуп уажәшьҭа, аха иахьагьы ажәлар рамзартә гәаҭагақәа рыла амш, мамзаргьы аамҭа зеиԥшрахо еилзырго ауаа ыҟоуп.

Аибашьра ашьҭахь, ақыҭаҟынтә ақалақь ахь аемиграциа ҿио ианалага, абызшәатә культурагьы, уи иадҳәалоу атрадициақәагьы рцәаара ҳнахьыԥшуа мацара иааҟалеит. Абызшәа анхьысҳаха, ихьысҳахоит уи иадҳәалоу амилаҭ ирҟазшьарбагоу аабыкьанӡа еиқәханы иҟаз ажәытә традициақәа.

Иҳаҩсуа ашықәс алкаақәа ҟаҵо исҳәарц сылшоит, уи сара сзы игәышьҭыхгази илахьеиқәҵази ахҭысқәа рыла ишҭәыз…

Ҭырқәтәылантәи зыԥсадгьыл ахь нхара ҳәа иааз ҳџьынџьуаа рҭоурыхқәеи, Аԥсны Аџьынџьтәылатәи еибашьра иадҳәалоу ахҭысқәа аазырԥшуа аиҿцәажәарақәеи, афырхацәа рнысымҩеи, ранацәа ражәа лыԥшаахқәеи лырҿиараҿы анырра шыҟарҵо атәы дазааҭгылоит ажурналист Сырма Ашәԥҳа.

Зхатə гьама змоу анапҟаза Хамида Иакəыб-оглы лусумҭақəа рымаӡақәа ртәы дазааҭгылоит ажурналист Сырма Ашәԥҳа.

Ааигәанӡа ажәлар рыҩныҵҟа ахархәара рыман амузыкатә арҳәагақәа. Хәи шьхеи, каршәреи ирықәыҩуан урҭ рыбжьы. Иахьа уажәраанӡагьы аԥсуаа рмилаҭтә музыкатә инструментқәа азырҳәо, ансамбль еиҿкааны измо, аҿар аҵара дзырҵо Хьымца Хынҭәба иҭоурых.

Аԥхьаҟагьы лаԥхьаҩцәеи лареи реимадара иаҳагьы иӷәӷәахап ҳәа агәыӷра лымоуп Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.

Абаҩхатәра злоу асахьаҭыхҩы қәыԥш Саида Ԥлиаԥҳа лҟазара аҷыдарақәа ртәы еиҭалҳәеит Sputnik акорреспондент Сырма Ашәԥҳаи лареи реиҿцәажәараҿы.

Шықәсык иалагӡаны Sputnik Аԥсны асаити арадиои аҟны ишьҭылхуаз атемақәеи, лкалам иҵыҵуаз анҵамҭақәеи ртәы дазааҭгылоит ажурналист Елеонора Коӷониаԥҳа.

Аныҳәа ааигәахацыԥхьаӡа, анкьатәи аамҭақәа рахь хьаԥшырҭас ишьҭылхуеит Sputnik аколумнист Елеонора Коӷониаԥҳа. Лгәалашәараҿы иаанхаз атәы анҵамҭаҿы.

Аԥсны Аҳәынҭқарра ахьӡала Ҭырқәтәылатәи Ареспубликаҿы хаҭарнакс иҟоу Вадим Ҳаразиа 2019-тәи ашықәс аихшьаала ҟаҵо, дазааҭгылеит ахаҭарнакра имҩаԥнагаз аусурақәа ртәы, иара убас аԥхьаҟатәи рыгәҭакқәа, изхаҵгылараны иҟоу азҵаарақәа.

Изеиԥшроузеи аԥсуа политикатә кҿаҩра, иарбан жәабжьу ҳаԥхьаҟа уа "идырмазеираны" иҟоу, абарҭқәа рзы лгәаанагара дазааҭгылоит Sputnik аколумнист Елеонора Коӷониаԥҳа.