Ажәабжьқәа зегьы

Амҵәышәымпыласҩы қәыԥш Сандро Ҳаразиа арадио Sputnik Аԥсны аефир аҟны еиҭеиҳәеит Ханты-Мансииск имҩаԥысуа ахәмаррақәа рҟны иаадырԥшыз алҵшәақәа ртәы.

Урыстәыла Атеатр аусзуҩцәа рхеилак XIII Жәларбжьаратәи аԥхынтә театртә школ мҩаԥысуеит Москва рашәара 2 - 30 рзы.

Ателеканал Sky News Arabia адыррақәа рыла, атеррористцәа аполициаа роушьҭырҭатә ҭыԥ иажәланы иеихсит.

Аҟәатәи актәи абжьаратә школ адиректор Нонна Делԥҳа арадио Sputnik аефир аҟны еиҭалҳәеит актәи акласс ахь ахәыҷқәа шрыдыркыло.

Ихьыԥшым атәылақәа реидгыла - ИАР атәылақәа ртәылахьчара аминистрцәа реилатәара мҩаԥысуеит рашәара 5 рзы, Анапа.

Аԥсны Аҭҵаарадыррақәа ракадемиа ахада Зураб Џьапуа арадио Sputnik аҟны еиҭеиҳәеит ашәҟәы "Аԥсуа фольклор аизгаразы азҵааранҵа" ахшыҩҵак шизцәырҵыз.

Аҳақьымцәа рмультидисциплинартә гәыԥ иалахәуп: атравматолог-ортопед, ареабилитолог, апротез ҟазҵо аҟазауаа.

Аԥсны Апрокуратура хада Апарламент аҿаԥхьа аҳасабырба ҟанаҵеит Аслан Бжьаниеи ихьчаҩцәеи рганахьала имҩаԥнагаз аусҭҵааразы.

Адунеизегьтәи абанк аналитикцәа иазгәарҭеит Урыстәыла аекономика аизҳара жәларбжьаратәи асанкциақәа шаԥырхагамхаз.

Уаанӡа Англиа Венесуела ахада Николас Мадуро мап ицәнакхьан 1,2 миллиард доллар хьыла иҭара.

14-15 шықәса зхыҵуа Аԥснытәи аспортсменцәа злахәыз V Адунеизегьтәи аџьынџьуаа қәыԥшцәа рыхәмаррақәа мҩаԥысуеит Ханты-Мансииск, рашәара 1 - 6 рзы.

Европа ачемпионат ConIFA-2019 афиналбжаҿы Аԥсны акомандеи Мраҭашәаратәи Ермантәыла акомандеи еиԥылоит рашәара 6 асааҭ 17:30 рзы.

Аурыс драматә театр актиор, арежиссиор Џьамбул Жорданиа арадио Sputnik Аԥсны аефир аҟны еиҭеиҳәеит ақәыргыламҭа "Визит старой дамы" аҟны инаигӡо ахаҿсахьа инапахьы ишааигаз атәы.

Иҟоу адыррақәа рыла, автомашьына BMW аԥсҟы зкыз амашьына изнымкылакәа ажрахь ицәҭаҳаит.

Аԥсныи Ашьха Ҟарабахи ркомандақәа рыхәмарра ақалақь Мартуни имҩаԥысит рашәара 4 рзы.

Аԥснытәи аҳәынҭқарратә акәашаратә ансамбль "Кавказ" аиҳабы, абалетмеистр хада Омар Ҭарба арадио Sputnik аҟны еиҭеиҳәеит Москва имҩаԥысуаз афестиваль аҟны рықәгылара шымҩаԥысыз.

Германиа аканцлер Ангела Меркель уаанӡа аҳәамҭа ҟалҵахьан Еврокомиссиа Евроеидгыла агазтә директива ҿыц шаднакылазгьы агазмҩангага "Северный поток-2" азаанкылом ҳәа.

Аԥсныи Ашьха Ҟарабахи ркомандақәа реицыхәмарра ахәаԥшыҩцәа идырбахоит ишиашоу ицо аефир ала иахьа, Sputnik Аԥсны асаит аҿы асааҭ 17:00 рзы.

Аҟәатәи аҳәынҭқарратә акультура аҵараиурҭа аиҳабы Сира Аҩӡԥҳа арадио Sputnik аҟны еиҭалҳәеит сынтәа аҵарашықәс еихызшьаало аконцерт аҷыдарақәа ртәы.

Аԥсны иахьаҵанакуа азеиԥш диспансеризациа мҩаԥысуеит мшаԥы 5 инаркны рашәара 9 рҟынӡа.