Уахыки-ҽнаки рыла аурыс-аԥсуа ҳәаа иахысуеит бжьаратәла 30 нызқьҩык рҟынӡа ауааԥсыреи ф-нызқь рҟынӡа атранспорттә хархәагақәеи.

Апандемиа ҟалеижьҭеи Аԥсны ачымазара здырбалахьоу рхыԥхьаӡара 134-ҩык ыҟоуп. Урҭ рахьтә 38-ҩык ргәы бзиахеит, хҩык рыԥсҭазаара иалҵит.

Арасаарыхра знапы алаку Абессалом Кәарҷиа арадио Sputnik Аԥсны аефир аҿы еиҭеиҳәеит сынтәа араса аҽаҩра зеиԥшроу, насгьы аҭагылазаашьа еиҳа еиӷьхарц азы иҟаҵатәны ииԥхьаӡо.

2008 шықәса, нанҳәа ааба рзы Аахыҵ Уаԥстәыла аӷа данақәла, рхатә хьаа еиԥш ирыдыркылеит Аԥснытәи рашьцәагьы. Усҟантәи аамҭазы Гагра араион акультура аҟәша аиҳабыс иҟаз Слава Сақаниа еиҭеиҳәеит ауаԥсаа адгылара рыҭаразы агәыҳалалратә марафон шымҩаԥыргаз.

2008 шықәса, нанҳәа 8 ауха ақырҭуа ар Аахыҵ Уаԥстәыла аҳҭнықалақь Цхьинвал иалахысит, абџьаршьҭыхлатәи абри аконфликт нанҳәа 12 рҟынӡа имҩаԥысуан.

Очамчыра араион аҵара аҟәша аиҳабы Феликс Џьынџьиа арадио Sputnik аефир аҟны еиҭеиҳәеит Аԥсны аҵареи абызшәатә политикеи рминистр араион аҟны иныҟәараан ашколқәа дшырҭааз, Очамчыратәи аԥшьбатәи ашкол азы аҵарашықәс изнахахо атәы.

Гагра Араионтә Еизара адепутатцәа ирыдыркылахьан аӡбамҭа, Цандрыԥшь аҳаблан Ацанбақәеи Гьечааи ахьынхоз аҭыԥқәа рҟны ахаҳәқәа шышьақәыргылахо, аха еиуеиԥшым амзызқәа ирхырҟьаны ари апроект иахьанӡа инагӡамхеит.

35 шықәса раԥхьа, Москва имҩаԥысуаз Аҿар адунеизегьтәи рфестиваль аԥсуа ҿар ирнаҭази, цәаныррақәас ирзааннажьызи ртәы дазааҭгылоит уи иалахәыз ашәҟәыҩҩы, апоет Анатоли Лагәлаа.

Қырҭтәыла еибашьрала Аахыҵ-Уаԥстәыла иақәлеижьҭеи аҵыхәтәантәи аибашьра аахыс 12 шықәса ҵуеит иахьа. Аполитолог Беслан Ҳагба арадио Sputnik аефир аҟны далацәажәеит ақырҭцәа рымпыҵахаларатә хықәкы иахьынӡацәхьаҵыз атәы.

2012 шықәса рзы Шьамтәылантә зҭоурыхтә ԥсадгьыл ахь нхара иааз арԥыс Бассиль Уанаҿа иҭоурых ажурналист Сырма Ашәԥҳа ланҵамҭаҿы.

Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik аефир аҟны еиҭеиҳәеит сынтәа аҳәынҭқарраҟны шаҟа араса аҽаҩра иазыԥшу, ахаҭабзиара зеиԥшроу атәы.

Ииасыз уахыки-ҽнаки рыла акоронавирустә чымазара амазааразы агәаҭара иахысит 82-ҩык Аԥсны ауааԥсыра.

Бзыԥтәи алхырҭатә ҭыԥ хада №10 аҿы Апарламент ахь аиҭалхрақәа имҩаԥгахоит цәыббра 13 рзы.

Аԥсны ақыҭанхамҩа институт иатәу аԥышәаратә нхамҩа "Ҳара ҳбаҳча" аиҳабы Џьота Аиба арадио Sputnik аефир аҿы еиҭеиҳәеит сынтәа ашәырҵлақәа рҽаҩра зеиԥшроу, насгьы иарбан шәыру еиҳарак аԥсуаа азҿлымҳара зырҭо.

Аԥсны аҵакыраҿы атәанчахәқәеи асоциалтә шәарақәеи зауа 32 754-ҩык урыстәылатәи атәанчаҩцәа нхоит.

Уахынлатәии ҽынлатәии ахысрамҩаԥгара иалахәын 500-ҩык аруааи 100 инеиҳаны арратә техникеи.

Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

Аҳәынҭқарратәи ауаажәларратәи усзуҩ Валери Ҳагба иира мшы азы арадио Sputnik Аԥсны аефир аҟны иҳәеит 80 шықәса ихыҵра дшазыҟоу, Аԥсны Аџьынџьтәылатә еибашьраан хьыӡшьарақәас имаз, иара убасгьы дазааҭгылеит аԥсуа қыҭа иахьатәи абзазшьа атәы.