Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Sputnik амчыбжь: Апарламент ахь алхрақәа, Урыстәыла адгылара, адипеизыҟазаашьа ҿыцқәа

© Sputnik / Томас Тхайцук Акция в поддержку Российской Федерации
Акция в поддержку Российской Федерации  - Sputnik Аҧсны, 1920, 14.03.2022
Анапаҵаҩра
Yandex newsTelegram
Аинформациатә маҵзура Sputnik Аԥсны иазнархиеит хәажәкыра 7-13 рызтәи есымчыбжьатәи иалкаау ажәабжьқәа реизга.
Ииасыз амчыбжь азы Аԥсны имҩаԥысит Аԥсны Жәлар Реизарахь алхрақәа, Аҟәа имҩаԥысит Донбасс ажәлари Урыстәыла имҩаԥнаго аоперациа ҷыдеи рыдгыларатә акциа, ареспублика мрагыларатәи араионқәа рҿы алашара арцәара аихшанҵа дыркьаҿит.
Сариа Кәарцхьиаԥҳа, Sputnik

Алхра ҟаҵоуп

Ииасыз амчыбжь азы иналукааша хҭысхеит хәажәкыра 12 рзы имҩаԥысыз Аԥсны Жәлар Реизара - Апарламент ахь алхрақәа. Адепутатрахь иқәгылан 123-ҩык акандидатцәа: 103-ҩык ахацәеи 16-ҩык аҳәсеи.
Хәажәкыра 12 асааҭ 8:00 - 20:00 рзы ареспублика зегьы аҿы аус руан 152 бжьыҭаратә ҭыԥқәа. АКХ адыррақәа рыла, иҟаз 35 алхырҭатә ҭыԥ хадаҿы еилагарак арбамызт.
Дмитрий Маршан  - Sputnik Аҧсны, 1920, 13.03.2022
Аԥсны Жәлар Реизарахь алхрақәа-2022
АКХ Аԥсны Жәлар Реизарахь алхрақәа заанаҵтәи рылҵшәақәа рзы аихшьаала ҟанаҵеит
Хәажәкыра 13 рзы Аԥсны АКХ заанаҵтәи аихшьаалақәа ҟанаҵеит, атәыла зегьы аҿы абжьыҭара рхы аладырхәит 51,2 % ауааԥсыра. 17 алхратә ҭыԥқәа рҿы алхрақәа мҩаԥысит, 17 алхратә ҭыԥқәа рҿы аҩбатәи атур ҟалоит, Гәдоуҭатәи ақалақьтә алхырҭатә ҭыԥ №1 аҿы аиҭалхарқәа мҩаԥысуеит. Иалху зегьы хацәоуп. Ԥшьҩык аҳәса аҩбатәи атур ахь инеит.
Алхрақәа рымҩаԥысшьа иахылаԥшуан Урыстәыла, Аахыҵ Уаԥстәыла, ЛЖәР рхаҭарнакцәа.
Выборы в Народное Собрание Абхазии - Sputnik Аҧсны, 1920, 12.03.2022
Аԥсны Жәлар Реизарахь алхрақәа-2022
Анаԥшцәа Аԥсны Апарламент ахь алхрақәа еилыкка, адемократиатә ҟазшьа рымоуп ҳәа ахырҳәааит
Дара алхрақәа реиҿкаашьа ахәшьара ҳарак арҭеит.
"Анаԥшыҩцәа зегьы еицҿакны абжьыҭараз абиуллетеньқәа рнапы рыҵарҩит. Уи иарбанзаалак аԥаршеира ԥнакуеит. Уи адагьы ауаа ртәылауаҩшәҟәқәа рҟны амҳәыр аадырхоит рыбжьы шарҭаз азы. Аригьы алхрақәа еилыкка, иаргаманы ишыҟоу аанарԥшуеит. Анаԥшыҩцәа аӡәгьы ҽԥныҳәа имамызт", - ҳәа Sputnik аҿы имҩаԥысыз апресс-конференциаҿ илҳәеит Аҳәынҭдума адепутат Иана Лантратова.
Константин Затулин - Sputnik Аҧсны, 1920, 13.03.2022
Аԥсны Жәлар Реизарахь алхрақәа-2022
Константин Затулин: Аԥсны Апарламент ахь алхрақәа ишақәнагаз имҩаԥысит

Аиҳабыра рҿы аиԥыларақәа

Аԥсны аиҳабыра рҿы жәларбжьаратәи анаԥшыҩцәа рыҳасабала ареспубликахь иааз Аахыҵ Уаԥстәыла аделегациа алахәылацәа рыдыркылеит.
Хәажәкыра 10 рзы аԥыза-министр Александр Анқәаб Дмитри Медоев зхадараҿы дыҟоу Аахыҵ Уаԥстылатәи аделегациа идикылеит.
Аиԥылараҿы иазгәаҭан Аԥсни Аахыҵ Уаԥстәылеи Урыстәыла Донецки Лугански руааԥсыра рыхьчаразы Украина имҩаԥнаго аоперациа ҷыда ишадгыло.
Главы МИД Абхазии и Южной Осетии подвели итоги переговоров в Сухуме  - Sputnik Аҧсны, 1920, 11.03.2022
Аԥсны
Аԥсни Аахыҵ Уаԥстәылеи рыдәныҟаполитикатә усҳәарҭақәа реиԥыларақәа аихшьаала ҟарҵеит
Иара убри амш азы Аԥсны Адәныҟатәи аусқәа рминистр Инал Арӡынба Аахыҵ Уаԥстәылатәи иколлега Дмитри Медоев дидикылеит. Инал Арӡынба иазгәеиҭеит аиԥылара аусутә ҟазшьа аманы, иԥхаӡа ишымҩаԥысыз.

"Иахьа аиԥылара ҳаман Аахыҵ Уаԥстәылатәи сколлега Дмитри Николаи-иԥа Медоеви сареи. Ҳреспубликақәа реизыҟазаашьақәа Аԥсны аполитикаҿ иҷыдоу аҭыԥ ааныркылоит. Аиҿцәажәарақәа раан иазгәаҭан ҳҳәынҭқаррақәа рыбжьара еиуеиԥшым аусхкқәа рҿы аусеицура аҵак иамоу", - ҳәа иҳәеит Аԥсны Адәныҟатәи аусқәа рминистр Инал Арӡынба.

Аусеицура аԥыжәара амоуп

Хәажәкыра 9 рзы Аԥсны ахада Аслан Бжьаниеи Урыстәыла Аекономикатә ҿиара аминистр ихаҭыԥуаҩ Дмитри Вольвачи еиԥылеит. Урҭ алацәажәеит аекономика аусхк аҟны аҩтәылак русеицура азҵаарақәа.
Встреча Аслана Бжания и Дмитрия Вольвача  - Sputnik Аҧсны, 1920, 09.03.2022
Аԥсны
Аԥсны ахадеи Урыстәыла Аекономҿиара аминистр ихаҭыԥуаҩи ҳтәылақәа русеицура иалацәажәеит
Вольвач инаҵшьны иазгәеиҭеит Урыстәылазы Аԥсны иазыҟанаҵо адгылара ртәылазы ихадоу ахырхарҭақәа иреиуоуп ҳәа.

Аинвестпрограммаҿ аиҭакрақәа

Аԥсны Аинвестпрограмма аҳәаақәа ирҭагӡаны аԥаразоужьра зырҭо аргыларақәа рысметатә хәыԥса аҳәаақәҵара аԥҟара еиҭакзарц аҳәара ҟанаҵеит.
Ари иалнаршоит аргылара, аиҭашьақәыргылара, арҽеирақәа рымҩаԥгаразы иахәҭаны иҟало аныхрақәа зегьы разгәаҭара, иара убасгьы Аинвестпрограмма хра аманы анагӡара, ахәқәа ианрыцло аамҭазы иаанхаз аԥарақәа рнымхра.
Монеты номиналом один рубль - Sputnik Аҧсны, 1920, 11.03.2022
Аԥсны
Аԥсны Аинвестпрограммала аргыларақәа рысметатә хәԥса аҳәаақәҵара еиҭакзарц аҳәара ҟанаҵеит
Абри азы урыстәылатәи аган ажәадгала азыҟаҵоуп.
2022 шықәсазы иазԥхьагәаҭоуп 2020-2022 шықәсазтәи Аинвестпрограмма анагӡара (26 уснагӡатә), 2017-2019 шықәсазтәи Аинвестпрограмма анагӡара (3 уснагӡатәык).

Аизыҟазаашьақәа рыҩаӡара ҿыц

Аԥсны Аҳәынҭқарреи Лугансктәи Жәлар Рреспубликеи адипломатиатә еизыҟазаашьақәа рыбжьарҵеит анотақәа реимдарала хәажәкыра 10 азы. Аҩтәылак аиҩызареи аусеицуреи рзы аҳәынҭқаррабжьаратә еиқәшаҳаҭра аиқәыршәара иаҿуп, уи Аԥсни Лугански рыбжьара аиқәшаҳаҭра-зинтә база ашьақәыргыларазы уасхырс иазыҟалоит.
Заседание  - Sputnik Аҧсны, 1920, 10.03.2022
Аԥсны
Аԥсни Лугански адипломатиатә еизыҟазаашьақәа рыбжьарҵеит

Аҭынчреи Урыстәылеи рзы

Ииасыз амчыбжь азы Аԥсны имҩаԥысит Урыстәылеи Донецки Лугански рреспубликақәа рыдгыларазы акциақәа.
Хәажәкыра 7 азы Ахақәиҭра ашҭаҿы имҩаԥысит акциа "Z" ЛЖәР-и ДЖәР-и ирыдгыло. Акциа алахәылацәа Аҟәеи Аҟәа араиони рҿы амашьынатә ныҟәара мҩаԥыргеит.
Акция в поддержку действий России по обеспечению мира и порядка в Донецкой и Луганской народных республиках - Sputnik Аҧсны, 1920, 11.03.2022
Аԥсны
Аҭынчреи аиашареи рзы: Урыстәыла адгыларазы Аԥсны имҩаԥысыз акциа
Хәажәкыра 11 рзы Аҟәа, астадион "Динамо" аҟны Донбасс ареспубликақәа рыҟны аҭынчра ашьақәыргыларазы Урыстәыла имҩаԥнаго аусқәа рыдгыларазы акциа ҭбаа мҩаԥысит.
Аԥсны ауааԥсыра Донбасс ажәларқәа ирылшо ала ацхыраара рырҭоит. Убас ЛЖәР ахь инагоуп 25 тонна агуманитартә цхыраара.
Колонна МЧС Абхазии с гуманитарным грузом - Sputnik Аҧсны, 1920, 12.03.2022
Аԥсны
Аԥсны АҶА Лугансктәи Жәлар Рреспубликахь агуманитартә цхыраара нанагеит
Аԥсны атрансфер арныҟәаҩцәа еизыргеит 50 000 мааҭ Аҟәа иҟоу Донбасстәи ахҵәацәа рзы.
Донбасстәи ахҵәацәа дырҭааит Аԥсны ахада иԥшәмаԥҳәыс Аелита Ахьиԥҳа. Аҳәса рымшныҳәа аламҭалаз лара аҳәса дрыдныҳәалеит, ахәыҷқәа ахаамыхаақәа рызналгеит.
Первая леди навестила беженцев в Айтаре  - Sputnik Аҧсны, 1920, 07.03.2022
Аԥсны
Аԥсны ахада иԥшәмаԥҳәыс Аелита Ахьиԥҳа Донбасснтәи ахҵәацәа дырҭааит

Алашара иацлеит

Аԥсны мрагыларатәи ахәҭаҿы алашара арцәара аихшанҵа дыркьаҿит. Ари алыршахеит, Џьуартәи аӡеизакырҭаҿы аӡы аҩаӡара 50 м³/с. иахьхалаз. Гал, Очамчыра, Тҟәарчал, Гәылрыԥшь араионқәа рҿы ҽынла алашара арцәара иаҟәыҵит. Уахынлатәи аԥкрақәа макьана ишыҟац иаанхоит.
Ингур ГЭС  - Sputnik Аҧсны, 1920, 07.03.2022
Аԥсны
Аԥсны афымцалашара аиуразы иалагалаз аԥкрақәа рыхәҭак аԥыхуп
Ажәабжьқәа зегьы
0