https://sputnik-abkhazia.info/20220404/sputnik-amchybzh-asny-aar-amediatsentr-alasharaiura-akra-shachati-ainvestforum-1038470354.html

Sputnik амчыбжь: Аԥсны ААР амедиацентр, алашараиура аԥкра, шәачатәи аинвестфорум

Sputnik амчыбжь: Аԥсны ААР амедиацентр, алашараиура аԥкра, шәачатәи аинвестфорум

Sputnik Аҧсны

Ииасыз амчыбжь азы Адәныҟатәи аусқәа рминистрраҿы иаадыртит амедиацентр, Аԥсны даҭааит амедиагәыԥ "Россия сегодня" аиҳабы Маргарита Симониан, урыстәылатәи... 04.04.2022, Sputnik Аҧсны

2022-04-04T09:37+0300

2022-04-04T09:37+0300

2022-04-04T09:47+0300

аԥсны

ажәабжьқәа

ауаажәларра

аполитика

аекономика

аԥсны аенергетика апроблемақәа

аслан бжьаниа

инал арӡынба

https://cdnn1.img.sputnik-abkhazia.info/img/07e6/02/07/1037467003_0:85:1620:996_1920x0_80_0_0_e7a9a6b9a765a971b40b68164625034c.jpg

Абарҭи егьырҭи ахҭысқәа Sputnik Аԥсны аматериал аҿы.Сариа Кәарцхьиаԥҳа, SputnikАԥсны ахьӡ аларҵәараАԥсны Адәныҟатәи аусқәа рминистрра иатәу хырхарҭарацәалатәи амедиацентр Аҟәа иаартын аҩаша хәажәкыра 29 рзы.Амедиацентр аартра иалахәын Аԥсны ахада Аслан Бжьаниа, амедиагәыԥ "Россия сегодня", ателеканал RT аредактор хада Маргарита Симониан, акинорежиссиор, актиор, апродиусер Тигран Кеосаиан, Аԥсны иҟоу Урыстәылеи, Аахыҵ Уаԥстәылеи, Приднестровиеи рыцҳаражәҳәарҭақәа рхаҭарнакцәа Максим Литвинов, Олег Боциев, Гарри Қәпалба.Аԥсны АА рминистр Инал Арӡынба иазгәеиҭеит амедиацентр ахықәкы хада - жәларбжьаратәи аинформациатә политика арӷәӷәара шакәу.Аԥсны ахада Аслан Бжьаниа иазгәеиҭеит, Аԥсны ахьӡ-аԥша ашьҭыхраҿы амедиацентр аартра аҵакы шдуу."Сгәыӷәуеит, амедиацентр аартра ашьҭахь ҳтәыла ахыԥша хьыӡла бзиала адунеи аҟны инеиҩлап ҳәа", - иҳәеит иара.Амедиагәыԥ "Россия сегодня" аредактор хада Маргарита Симониан иҭабуп ҳәа ралҳәеит иаадырԥшыз асасдкыларазы, иагьазгәалҭеит Аԥсны адунеи зегь аҟны аӡбахә раҳарц шақәнагоу, ауаа зегьы ирдырыр шакәу "ари атәыла шаҟа иԥшӡоу, адунеи аҿы ҽакы ишузаламырҩашьо".Маргарита Симониан илҳәеит амедиацентр иахәҭоу ацхыраара аҭара дшазыхиоу, ажәалагала ҟалҵеит аинформациатә маҵзура Sputnik аус ацнауларц.Иара убри аҽны имҩаԥысит Аслан Бжьаниеи, Маргарита Симониани, Тигран Кеосаиани реиԥылара.Аинвестициатә хыԥшаАхәаша Аԥсны ААР аҳәамҭа ҟанаҵеит иааиԥмырҟьаӡакәа аус зуа агәаанагареибыҳәаратә мобилтә ҭыԥ "Аԥснытәи аинвестициатә форум" шаартхо.Аԥсны аинвестициақәа ринтерес цәырызго афорум мҩаԥысит асабша, мшаԥы 2 рзы, Шәача асасааирҭа "Hyatt Regency Sochi" аҟны. Афорум мҩаԥыслоит ахәаахәҭра-економикатәии аинвестициатәии усхкқәа рҟны Аԥсны ианыруа Урыстәыла арегионқәа рҿы ҳәа иҳәеит Аԥсны Адәныҟатәи аусқәа рминистр Инал Арӡынба "Аԥснытәи аинвестициатә форум" аԥҵареи ахыдҵа хадақәеи ртәы дазааҭгыло. Иара иҳәеит, Аԥсны иамоу аинвестициатә лшарақәа рааԥшра ауп ҳәа иара иахықәкы хадоу.Амедиагәыԥ "Россия сегодня" аредактор хада Маргарита Симониан Шәача "Аԥснытәи аинвестициатә форум" аӡыргаратә аартраҟны дықәгылеит. Аԥсны хымԥада аизҳазыӷьара аԥеиԥшуп, избан акәзар ара иҟоу амшын аҩыза, аҳауа аҩыза, ашьхақәа рҩыза, аԥшӡара аҩыза џьарамзар џьаргьы иҟаӡам ҳәа аҳәамҭа ҟалҵеит лара. Маргарита Симониан илҳәеит Аԥсны аинвестициақәа алазгалар зылшо аԥара змоу ауаа аҵыхәтәанынӡа ареспублика зеиԥшраҵәҟьоу ҭырымҵаацт ҳәа.Шәачатәи афорум аусутә гәыԥ ахадас далхуп аилахәыра AR-GROUP аиҳабы Аик Зебелиан.Аԥсны ААР рыҿцәажәоит Москватәи, Тулатәи, Ростовтәи аобластқәа, Санкт-Петербург, егьырҭ Урыстәыла асубиектқәа рхадацәа "Аԥснытәи аинвестициатә форум" дара рҿы амҩаԥгара алыршаразы.Аԥкрақәа ирыцҵоупАԥсны амаининг амҩаԥгареи уи азы ахархәагақәа ралагалареи рзин аанкылан 2022 шықәса хәажәкыра 31 аҟынӡа.Уажәы Аԥсны аиҳабыра акриптовалиута арҳареи, уи азы амаининг маругақәа атәыла ралагалареи рзы аԥкрақәа рыҿҳәара инахеит ԥхынҷкәын 31 2022 шықәсанӡа.Акриптовалиута арҳаразы аусурақәа ирҿагыланы ауснагӡатәқәа мҩаԥысуеит 2020 шықәса аахыс афымцатә ҳақәа реидара ахьанҭахареи афымцамч адефицити инарыдҳәаланы.Аԥсны афымцалашара Урыстәылантәи иаиуеит 2021 шықәса ԥхынҷкәынмза 18 аахыс. Хәажәкыра 31 асааҭ 23:00 инаркны уи аанкылан. Убри инамаданы алашара аиура ахсаала ԥсаххеит: Аԥсны ахәҭак алашара аиуеит Авольтҳарак цәаҳәа-110 "Гечрыԥшь" аҟынтәи, аҩбатәи ахәҭа - ЕгрыГЕС аҟынтәи.Џьуартәи аӡеизакырҭаҿ аӡы шылаҟәыц иаанхоит макьана. Убри азы хәажәкыра 29 азы аԥкрацҵақәа алагалоуп.Асиа еиқәаҵәаЛитва аиҳабыра ишьақәнаргылеит иаӷоу аҳәынҭқаррақәеи аҵакырақәеи рсиа, уи иаларҵеит Аԥсынгьы.Аиӷаратә тәылақәа рсиа ианырҵеит Урыстәыла, Белоруссиа, Ҟрым, "Молдавиа аиҳабыра рнапаҵаҟа иҟам Приднестровие аҵакыра, Қырҭтәыла аиҳабыра рнапаҵаҟа иҟам Аԥсни Аахыҵ Уаԥстәылеи рҵакырақәа".Ари асиа ҳасаб азуны дара ирылшоит урҭ аҳәынҭқаррақәа иртәу аилахәырақәа аҳәынҭқарра иаанахәо атендерқәа ирылырхырц, ма ирыбжьарҵахьаз аиқәшаҳаҭрақәа аԥырырхырц.Аҭоурыхтә аамҭаУрыстәылатәи аҭҵаарадыррақәа Ркадемиаҟынтәи аҵарауаа Аԥсныҟа иааит ареспублика аҭоурых-культуратә баҟақәа рыҭҵааразы. Уажәы дара акультуратә ландшафт ҭырҵаауан.Аҵарауаа ргәаанагарала, ажәытә аамҭазтәи аҳауа аҭагылазаашьа ҭҵааны ишьақәургылар ауеит ажәытәуаа иаадырыхуаз, ирымаз аекономикатә лшара.Аахыҵ Уаԥстәыла ареферендумАхыҵ Уаԥстәыла ахада Анатоли Бибилов аҳәамҭа ҟаиҵеит Урыстәыла алалара стратегиатә хықәкыс ишрымоу. Уажәы Аахыҵ Уаԥстәылеи Урыстәылеи рыбжьара аилацәажәарақәа ирылагеит Урыстәыла аҵакырахь алалара азҵааразы.Ареферендум мҩаԥысраны иҟоуп ареспублика ахада иалхра ашьҭахь. Алхрақәа ҟалоит мшаԥы 10 азы.Аԥсны ахада Аслан Бжьаниа Аахыҵи Нхыҵи Уаԥстәыла рҽеидҵаны Урыстәыла алаларазы аҽазышәара гәахәарала идикылеит."Ҳара агәахәара ду ҳнаҭоит Аахыҵ Уаԥстәылеи Нхыҵ Уаԥстәылеи ҳәынҭқаррак иалахәыланы реицыҟалара. Агәра аагоит ари ашьаҿа аахыҵ уаԥстәылаа ринтересқәа ишрықәшәо азы", - иҳәеит ахада.Бжьаниа убри аан Аԥсни Урыстәылеи реизыҟазаашьазы Аԥсны апозициа далацәажәеит."Ихьыԥшым Аԥсны Аҳәынҭқарра ԥхьаҟагьы аиашьаратә, аҩызаратә ҳәынҭқарра – Урыстәылатәи Афедерациа ианырлоит 2014 шықәса абҵара 24 рызтәи Аиқәшаҳаҭра инақәыршәаны", - иҳәеит иара.Апарламент ахь алхрақәа2022 шықәса лаҵарамза 14 рзы Гәдоуҭатәи 18-тәи алхратә ҭыԥ хадаҿы аиҭалхрақәа мҩаԥгахоит хәажәкыра 12 рзы акандидатцәа аӡәгьы аиааиразы изхаша абжьы ахьимоуз азы.Аҩаша, хәажәкыра 29 рзы Аԥсны АКХ аҿы ари алхырҭатә ҭыԥ хадаҿы ашәҟәы иҭанагалеит акандидат Леонид Лакербаиа адепутатрахь иқәыргыларазы аԥшьгаратә гәыԥ. Ахаша, хәажәкыра 30 рзы ари алхырҭатә ҭыԥ ахь иҭарҩит акандидат Беслан Ҭаркьыл адепутатрахь иқәыргыларазы аԥшьгаратә гәыԥ.Аҟәа, алхратә ҭыԥ хада № 8 (Алашарбага) адепутатрахь акандидатцәа еиҟараны абжьқәа ахьроуз иахҟьаны аиҭалхрақәа мҩаԥгахоит, урҭ ррыцхәс ишьақәдыргылеит лаҵара 28.

https://sputnik-abkhazia.info/20220329/asny-adnyati-ausa-rministrra-iatu--khyrkhararatsalati-amediatsentr-aa-iaartyn-1038383779.html

https://sputnik-abkhazia.info/20220329/bzhania-asny-adnyati-ausa-rministrra-amediatsentr-aartraakys-iamou-dalatsazheit-1038383494.html

https://sputnik-abkhazia.info/20220329/bzhania-amediagy-rossiya-segodnya-aiaby-margarita-simonian-didikyleit-1038380141.html

https://sputnik-abkhazia.info/20220402/arynba-yrtyla-imanago-ainformatsiat-eibashraan-ainvestforum-akys-iamou-aty-ieit-1038451330.html

https://sputnik-abkhazia.info/20220401/asny-aiabyra-akriptovaliuta-ararei-amaining-atyla-alagalarei-rzy-akraa-irnakheit-1038438379.html

https://sputnik-abkhazia.info/20220331/urystylanti-asny-iaiua-afymtsa-aankylakhoit-khazhkyra-31-inarkny-1038423915.html

https://sputnik-abkhazia.info/20220330/litva-asny-aiarat-tylaa-rsia-ialanaeit-1038405865.html

https://sputnik-abkhazia.info/20220330/bibilov-aama-aieit-aakhy-uastyla-strategiat-khykys-ishamou-urystyla-alalara-1038406973.html

https://sputnik-abkhazia.info/20220330/shamba-asny-aakhy-uastyla-iadgyloit-urystyla-iadlarts-akhaakhu-azaarany-1038409513.html

2022

Ажәабжьқәа

ab_AB

ажәабжьқәа, ауаажәларра, аполитика, аекономика, аԥсны аенергетика апроблемақәа, аслан бжьаниа, инал арӡынба